Ina á batɔa kǎ, kpanga ka Ádhamu ka gaa sungiaga ka Nɔ́a
5
1 Cɔ, ɔnani ɛbɔkɔti ndea Ádhamu. Esa nde Mokonga děconji bakpa, děconji bakpa ka kengeana na Mokonga. 2 Děconji mǒko na nke, dábhisi njaga akɛ gǔ abɔ, desǔ ina á bakpa esa nde děcɔnji.3 Mbenɔ nde Ádhamu dána basaga mia moci na nkama isaɔ (130), dám'bɔkɔti miki-mǒko moci, keongi akɛ n'akengeani nayɛ phɛ̂. Áonsua ina á Sɛti. 4 Mbusa á bɔkɔtɛana á Sɛti, Ádhamu dáendi basaga mia ngia á njaga isaɔ (800), dɛ̌bɔkɔti baniki bunɛngbo bǒko na bake. 5 Ádhamu daendi basaga mia ngia á njaga gena na nkama isaɔ (930), mpɔ áokua.
6 Mbenɔ nde Sɛti dana basaga mia moci na bɔku (105), dám'bɔkɔti miki-mǒko moci Ɛnɔsi. 7 Mbusa á bɔkɔtɛana á Ɛnɔsi, Sɛti dáendi basaga mia ngia á njaga isaɔ na ngia á njaga íbɛ (807), dɛ̌bɔkɔti baniki bunɛngbo bǒko na bake. 8 Sɛti dáendi basaga mia ngia á njaga gena na nkama na íbɛ (912), mpɔ áokua.
9 Mbenɔ nde Enɔsi dána basaga mia ngia á njaga gena (900), dám'bɔkɔti miki-mǒko moci Kɛnani. 10 Mbusa á bɔkɔtɛana á Kɛnani, Enɔsi dáendi basaga mia ngia á njaga isaɔ nkama moci na bɔku (815), dɛ̌bɔkɔti baniki bunɛngbo bǒko na bake. 11 Enɔ́si dáendi basaga mia ngia á njaga gena na bɔku (905), mpɔ áokua.
12 Mbenɔ nde Kɛnani dána basaga nkama ngia á njaga íbɛ (70), dám'bɔkɔti miki-mǒko moci Maalalɛ́li. 13 Mbusa á bɔkɔtɛana á Maalalɛ́li, Kɛnani dáendi basaga mia ngia á njaga isaɔ na nkama gena (840), dɛ̌bɔkɔti baniki bunɛngbo bǒko na bake. 14 Kɛnani dáendi basaga mia ngia á njaga gena na nkama (910), mpɔ áokua.
15 Mbenɔ nde Maalalɛ́li dána basaga nkama ngia á njaga na bɔku (65), dám'bɔkɔti miki-mǒko moci Yalɛ́dhi. 16 Mbusa á bɔkɔtɛana á Yalɛ́dhi, Maalalɛ́li dáendi basaga mia ngia á njaga isaɔ na nkama isaɔ (830), dɛ̌bɔkɔti baniki bunɛngbo bǒko na bake. 17 Maalalɛ́li dáendi basaga mia ngia á njaga isaɔ na nkama ngia á njaga na bɔku (865), mpɔ áokua.
18 Mbenɔ nde Yalɛ́dhi dána basaga mia moci na nkama ngia á njaga moci na babɛ (162), dám'bɔkɔti miki-mǒko moci Ɛnɔki. 19 Mbusa á bɔkɔtɛana á Ɛnɔ́ki, Yalɛ́dhi dáendi basaga mia ngia á njaga isaɔ (800), dɛ̌bɔkɔti baniki bunɛngbo bǒko na bake. 20 Yalɛ́dhi dáendi basaga mia ngia á njaga gena na nkama ngia á njaga na íbɛ (962), mpɔ áokua.
21 Mbenɔ nde Ɛnɔ́ki dána basaga nkama ngia á njaga na bɔku (65), dám'bɔkɔti miki-mǒko moci Mɛtusɛla. 22 Mbusa á bɔkɔtɛana á Mɛtusɛla, Ɛnɔki dáendi basaga mia isaɔ (300) na báɔɔkana na Mokonga, dɛ̌bɔkɔti baniki bunɛngbo bǒko na bake. 23 Ɛnɔki dáendi basaga mia isaɔ na nkama ngia á njaga na bɔku (365). 24 Ɛnɔ́ki dáɔɔkana na Mokonga ka enda akɛ bhui, mpɔ dábungi ka nyɔngɔ nde Mokonga dánge ně na kobha.
25 Mbenɔ nde Mɛtusɛla dána basaga mia moci na nkama ngia á njaga isaɔ na ngia á njaga íbɛ (187), dám'bɔkɔti miki-mǒko moci Lamɛki. 26 Mbusa á bɔkɔtɛana á Lamɛki, Mɛtusɛla dáendi basaga mia ngia á njaga íbɛ na nkama ngia á njaga isaɔ na íbɛ (782), dɛ̌bɔkɔti baniki bunɛngbo bǒko na bake. 27 Mɛtusɛla dáendi basaga mia ngia á njaga gena na nkama ngia á njaga gena (990), mpɔ áokua.
28 Mbenɔ nde Lamɛki dána basaga mia moci na nkama ngia á njaga isaɔ na íbɛ (182), dám'bɔkɔti miki-mǒko. 29 Lamɛki dámɔphani k'ina á Nɔ́a. Mpɔ Lamɛki áɔyɔnga miki nde áambé ásoengande k'ekuma akpɛ nnde njaga asu aɔbhɛdanaga ka odo nde *Mɔkɔta-Mokonga dásɛmɛigi. 30 Mbusa á bɔkɔtɛana á Nɔ́a, Lamɛki dáendi basaga mia bɔku na nkama ngia á njaga gena na bɔku (595), dɛ̌bɔkɔti baniki bunɛngbo bǒko na bake. 31 Lamɛki dáendi basaga mia ngia á njaga íbɛ na nkama ngia á njaga íbɛ na ngia á njaga íbɛ (777), mpɔ áokua.
32 Nɔ́a dáendi basaga mia bɔku (500), dɛ̌bɔkɔti baniki-bǒko basaɔ: Sɛ́mu, Amu na Yaphɛ́ti.