इफिसुसा र कलीसिया वै संदेश
2
1 इफिसुस री कलीसिया रे दूता वै यह लिख ज़ोह सात तारे आपणे दाहिने हाथा में लई दे साहा होर ज़ोह सुने री साता दिपटा रे मंझे ज़ोह फिरदा , सह यह बोला कि, 2 हाँऊं तेरे कामा होर , तेरी मेहनत, होर तेरे धिरजा जाणदा, होर यह भी, कि तूह बुरे लोका नांई री सकदअ , होर ज़ोह आपणे आप वै प्रेरित बोला , होर प्रेरित नांई आंद तांइये त्याह परेखी करे झूठे पाई। 3 होर तूह धिरज डाहंदा, होर मेरे ना लउणे री तणी दुखा चकदे-चकदे नांई थकु नांई । 4 पर माह तेरे बिरोधा में यह बोलणाा की ताए आपण पहिले जेहा प्रेम छाडू । 5 तेवा यह याद डा की, तू कंधा क पडू होर मन बदले , होर पहिले जे काम करल , अगर तू मना नांई बदलद ,तेवा माह ता सेटा ईछी करे तेरे दीबट तेरे स्थाना क दूर करने । 6 पर हा ता में यह गल साहा की तूह नीकुलईयो रे कामा क रोष करा, पर तेऊरे काम क हाँऊं भी रोष करा । 7 जासके कनेट होले त्याह शूणे ,की आत्मा कलीसिया क कह बोला । ज़ोह जय पाऊल त, माह तेऊबे तेउ जीबना रे बूटे ज़ोह दईबा रे स्बर्ग लोका में साह फल खाणे बे दीणे ।सुम्मुरना वै संदेश
8 स्मुरना री कलीसिया रे दूता बे यह सन्देश लिख :“ ज़ोह पहिल होर लास्ट साहा ज़ोह मुंअ , होर एवा जिउंदअ होऊ , सह एडा बोला कि 9 हाँऊं तेरे दुखा होर कलेशा ज़ाणा ( पर तुह सेठ साहा), होर ज़ोह लोका आपणे आप वै यहूदी बोला होर साहा नांई पर राक्स री सभा साहा , त्याहरी निन्दा भी ज़ाणा । 10 ज़ोह दुःख ताह पेंदे हुणे, तेता क नांई डर । किबेकी र राक्सा तमे में का एखा जेला में पउणे आलअ साहा, की तमे परीखाणे , होर तमा दस धयाडी तक दुःख भी सहन करना भी हुणा , तेवा तमे प्राण नाहणे तक विश्बासी रहले , तेवा माह तमा बे जीबना मुक्ट दीणअं 11 जासके कनेट साहा त्याह शूणा , की आत्मा कलीसिया कह बोला की ज़ोह जय पाए तेउ दूजी मउता क हानि नांई हुणी ।
समझौता करी दी कलीसिया
12 होर पिरगमुना री कलीसिया रे दूता वै यह लिख , ज़ासु सेटा दहोई धारी आली तिछी तुरार साहा सह यह बोला की । 13 हाँऊं यह तो ज़ाणा की , तू तखे रहंदा , जखे शैताना र घर साहा , होरतू मेरे ना में पाकअ रहंदा होर महा पेंदे विशबासा करने में पीछे नांई हटू , ज़ासु में मेरे अविशवासा लाईक गुआही अनि्तपास , तमे संघे तेसा जागाह घात करी जखे राक्स रहंदा , । 14 पर माह तारे बिरोधा में धख गला बोलणाी , किबेकि तारे अखे तो कुछ एडे लोका साहा ज़ोह बिलामा री शिक्षा मनि ज़ासु ये बालका इस्राएली ज ठोकरा रा कारण डाहणा सिखाऊ , की त्याह मूरति पेंदे बलिदान करी दी चीजा खाए , होर व्यभियचार करे । 15 तेडे ही तेरे अखे केतारे एडे , ज़ोह निकुलइयो री शिक्षा मना , । 16 तेवा मन बदले , नांई तेबा , महा आपे सेटा बे छेकअ इछी करे , आपणे मुहा री तलबारे संघे लड़णा । 17 जसके कनेट साहा त्याह शूणे आत्मा कलीसिया के बोला , की ज़ोह जय पाऊल तेऊबे महा गुप्ता मना मेंज़ा का दीणा , होर तेऊबे एक शेतअ पाथर भी दीणअं , होर तेउ पथारा में एक ना लिखू दा हुणा ज़ोह तेऊ पाउण आले रे सिबाये होर कासी नांई जाणना ।
भ्रष्ट कलीसिया
18 होर थुआतीरा री कलीसिया रे दूता वै यह लिख की दईबा रे शोहरु ज़ासकी आछी आगि जेही लाल,होर ज़ासकी जाघा पितला साही साहा सह यह बोला की , 19 हाँऊं तेरे कामा होर प्रेम होर विशबासा होर सेवा होर धिराजा ज़ाणा, होर यह भी की तेरे पिछले काम पहिले कामा क बढ़ी करे साहा । 20 पर महा तेरे बिरोधा में यह बोलणाा की तू तेसा बेटढ़ी ईजेबेला रहणे देलअ ज़ोह आपणे आपा वै ज्योत्षी करने आली रहणे बोलदा, होर मेरे दासा व्यभिचार करने वै होर मूरती में बलिदान होऊ दा खाण खलाई करे वै भरमाऊदा । 21 माँईं तेसा वै मना बदलणे बे मोका दीना , पर सह भवियचारा क मन नांई बदलणा चाहन्दी । 22 र माह तेसा बे बीमारी पाउंणी ,होर ज़ोह तेसा संघे गलत काम कर, अगर त्याह भी आपणे बुरे कामा क मन नांई बदलदे , तेवा त्याह बड़ेी कलेशा में पउणे । 23 होर महा तेसके शोहरु मारी पाऊणे , होर तेबा सभी कलीसिया जाडणा की , दिला होर मना परीखण आलअ हाँऊं ही साहा, होर माह तमा मेंज़ा का हर एकी थारे कामा रे साबे बदला दीणा । 24 पर तमे थूआतीरा रे सभी लोका क बाकी होरा लोका ज़ोह एसा शिक्षा नांई मनदे , होर त्याह गला ज़ोह राक्स री गहरी गला बोला , पर नांई जाणदे , हाँऊं तमा क यह बोला की हाँऊं तमा पेंदे होर भोझ नांई पाउणा । 25 पर हा ज़ोह तमा सेटा साहा तेता महा इहंणे तक ढाकी डा । 26 ज़ोह जय पाए होर मेरे कामा संघे अंत तक करदा रहू, माह तेऊबे ज़ातियो-ज़ातियो रे लोका पेंदे अधिकार दीणा । 27 होर तेऊ लो र राज दण्ड लई करे त्याह पेंदे राजा करणा ,ज़ासु सावै कुमहारा रे माटे रे भांडे चकनाचूर हुँदा तेडा माँईं भी एडा अधिकार आपणे बापू क पाउदा साहा । 28 होर माह तेऊबे दोती र तारअ दीणअ। 29 जासके कनेट साहा त्याह शूणे , की आत्मा कलीसिया क कह बोला ।