1
1 यीशु मसीहा रा प्रकाशित वाक्य ज़ोह दईवै तेऊबे तेवा दी ना कि आपणे दासा वै त्याहा गला , जासका छेकअ हुणा जरुरी साहा त्याह , रिहाये : होर आपणे-आपणे दूता भेजी करे तेउ संघे आपणे दासा युहना वै खोजू ।(प्रका 22 :6 ) 2 ज़ासु ये दइबा रे वचन , होर यीशु मसीहा री गुआही , मतलब ज़ोह कुछ तेउये रू , तेतकी गुआही दीनी । 3 धन्य साहा सह मणश ज़ोह एेसा भविष्यवाणी रे वचना पढ़ात , होर ज़ोह याहा वचना शूणा , होर ज़ोह एता में लिखिदी ज़ोह गला साहा त्याह ज़ोह मना , किबेकि टाईम नेड साहा ।साता कलीसिया रा यहुना रा अभिवादन
4 यहुना री तरफा का आसिया री सात कलीसिया रे ना : तेऊरी तरफा का शान्ति, होर ज़ोह साहा, होर ज़ोह ईंहंणे आलअ साहा , होर त्याहा साता आत्मा का साहा, ज़ोह दईबा री गदी रे सामर्थ्य साहा । 5 होर यीशु मसीहा री तरफा का ज़ोह विश्वासा लाईक गुआही होर मरी करे जिउंदे हुणे आल़े में क पहिलअ होर धरती रे राजे र हाकिम साहा ,तमा अनुग्रह होर शान्ति भेटदी र । ज़ोह हामा का प्रेम डाहदा , होर ज़ासु ये आपणे लोहू संघे हामे पाप क छूडाइदे साहा । (कुलु 1 :8 ) 6 होर हामे एक राज्य होर आपणे पिता दईबा री तणी एक याजक भी बणाई , दे साहा तेऊरी महीमा होर पराक्रम जुगे जूगे हुंदा लोढ़ी रहू आमीन। (निर्ग 19 :6तिही यशा 61 :6 ) 7 रा सह बादला संघे ईंहंणे आल़अ साहा , होर हर एकी आछी सह रण , पर जूणी सह बिन्हूँ , त्याह भी सह रण तिही होर पृथ्बी रे सारीे लोका तेऊरी बजहा का छाती पिटणी हाँ । आमीन। 8 प्रभु दईब ज़ोह साहा होर ज़ोह , होर ज़ोह ईंहंणे आलअ साहा , ज़ोह बडअ सर्वशक्तिमान साहा सह यह बोला की अल्फा होर ओमेगा हाँऊं साहा ।
यीशु मसीहा रे दर्शन
9 हाँऊं यहुन्ना, थारअ भाई , होर यीशु रे क्लेश , होर राज्य होर धिरज में तमे संघे सहभागी साहा , दइबा रे वचन , होर यीशु री गुआही री बजह का पतमूसा ना रे टापू में तिही । 10 हाँऊं दइबा रे ध्याहड़े आत्मा में आउओ होर आपू पछे तुहरी रे एक बडअ शब्द बोलदा शुणु , 11 ज़ोह कुछ तूह रा, तेता किताबा में लिखी करे साता कलीसिया वै भेज मतलब इफिसुस होर स्मुरना , होर पिरगमून , होर थूआतीरा , होर सरदीस , होर फिलदिलफिया , होर लोदिकिया वै । 12 होर तेवा माँईं तेउ बे ज़ोह माह बे बोलदअ लागअ तिही , माँईं आपण मुह तेउ फेरा वै फिरू , होर पिछे फिरी करे माये सुने री सात दिबटा री , 13 होर त्याह दिबटा मंझे मणश रे शोहरु साही एक मणश हेरू , ज़ासु ये जाँघा तक झिकडे बानिदे तिही होर छाती में सुने रअ पाटअ बानुदअ तिही , 14 तेऊरे मुडा री जटा शेती उणा साही हिंऊं साही शेती तिही होर तेऊरी आछी आगि साही लाल तिही , 15 होर तेऊरी जाँघा रांबडे पीतला साही तिही ज़ोह रा भठ्ठी मेंतिही चपेई दे साही , होर तेउर शब्द खासे पाणी री छेड़ा साही , 16 होर सह आपणे दाहिने हाथा में सात तारे संघे खड़अ तिही होर तउरे मुंहाँ का तिछि दुई धारा आल़ी तुरार निखलद़ा तिही , होर तउरे मुं का दोह्धारी तलबार निख्ला तिही , तेऊर मुंह एडअ सामर्थ्य तिही , जेडअ दपहरा रे टाइमे धयाढ़अ चमकता । 17 जेबरे मांए सह हेरू , तेवा तेऊरी जांघा पेंदे मुएदे साही पडू , होर तेउये आपण दाहिनअ हाथ डाही करे बोलू , डर नांई आन्दअ , हाँऊं पहिले होर लास्टा तक जिउंदअ साहा । 18 हाँऊं मय , होर एबा र हाँऊं जुगा जूगा जिउंअ साहा ; होर मरणे होर अधोलोका री कुंजी मांह सेटा साहा । 19 तेवा ज़ोह गला तांए हरी , होर ज़ोह गला हूँदी लागी दी , होर ज़ोह एता वाद हुणे आल़ी साहा , त्याह सभे लिख । 20 होर त्याह साता तारे रा भेदा रा मतलब ज़ोह तांए मेरे दाहिने हाथे री , होर त्याह साता दिबटा रा मतलब त्याह सात तारे सात कलीसिया होर दूता साहा होर त्याह सात दिबटा सात कलीसिया साहा ।