सरदीसा री कलीसिया वै संदेश
3
1 होर सरदीसा री कलीसिया रे दूता वै यह लिख की ज़ासु ना सेटा दईबा री सात आत्माए होर सात तारे साहा , सह यह बोला की हाँऊं तेरे कामा ज़ाणा की तू जिउंअ साहा पर साहा मूंएँ बराबर । 2 ज़ोह होर गला रही त्याहक जागद रे , होर ज़ोह मटाउणे बे साहा , त्याह पाकी कर किबेकि माँईं तेरे को भी काम दईबा रे सामने पुरे नांई पाई। 3 तेवा यह याद डाह की ताए केडी शिक्षा पाई होर शूणी होर मन बदले अगर तू जागरीत नांई होल तेवा महा चोरा साही ईंहंणा तिही होर ता कधी नांई जाडणा की हाँऊं कासु टाईमें ता सेटा बे ईहणा । 4 पर हा सरदीसा में तेरे अखे एडा ना रे लोका साहा ,ज़ासु ये आपणे-आपणे झिकड़े मईले नांई करी , त्याह शे ते झिकड़े संघे माँईं सगा घुमणा तिही किबेकि त्याह एता लाइक साहा । 5 ज़ोह जय पाए त्याह वै एउ सावै शेते झिकड़े बनणे वै दीणे , होर महा त्याहरे ना जीबना री कताबा क केऊ भी सावै नांई काटणे पर तेऊरे ना आपणे बापू , होर स्बर्ग दूता रे सामने मनणे । 6 जासके कनेट साहा त्याह शूणे की आत्मा कलीसिया क कह बोलना चाहन्दाफिलदिलफिया वै संदेश
7 फिलदिलफिया , री कलीसिया रे दूता वै यह लिख की ज़ोह पबित्र होर सच्ची साहा होर ज़ोह दऊदा री कुंजी डाहनडा , जासके खोली दे कोई बंद नांई करी सक द होर ना कोई बंद करी सकद कोई खोल सकद , सह यह बोला की , 8 हाँऊं तेरे कामा ज़ाणा , र माँईं तेरे सामने एक दुआर खोलू द साहा ज़ासु को बंद नांई करी सकाद , तेरी सामर्थ्य थोड़ी जेही तो साहा, तेवा भी ताए मेरे वचना रा पालन करू , होर मेरे ना क इंकार नांई करु । 9 र महा राक्स रे त्याह सभा आल़े तारे बंशा में करणे पर , ज़ोह यहूदी बणी बेठेदे साहा , पर साहा नांई पर झूठ बोला , र महा एडा करना की त्याह इछी करे तेरी जाघा में पडणे होर त्याह जाडणा की माँईं ताहक प्रेम डाहू । 10 ताँईं मेरे धीरजा रे वचन थमी डाही , तेवा महा भी तू परीक्षा रे टाईमे बचाई डाहण ज़ोह धरती पेंदे रहण आले वै परीखणे री तणी सारीे संसारीा में ईंहंणे आला साहा । 11 हाँऊं छेकअ इणअ आलअ साहा, ज़ोह कुछ ता सेटा साहा, ज़ोह कुछ ता सेटा साहा तेउ पाके ढाकी डाह की कोई तारे मुकटा चोरी नांई नीये । 12 ज़ोह जय पाऊलअ तेऊबे महा दइबा रे मंदिरे में एक थामबअ बनाऊण, होर सह कधी तखा क बागे नांई निखलदण , होर हाँऊं आपणे दईबा रे ना , होर आपणे दइबा रे नगरे, मतलबी नए यरुश्लेमा रा ना, ज़ोह मेरे दईबा सेटा स्बर्ग क उतरने आलअ साहा, होर आपणे न्याय ना तेता में लिखणा 13 जासके कनेट साहा त्याह शूणे , की आत्मा कलीसिया क कह बोला ।
लोदिकिया री कलीसिया वै संदेश
14 होर लोदिकिया री कलीसिया रे दूता वै यह लिख की ,ज़ोह आमीन होर बुशाह लाईक ,होर ज़ोह सच्ची गुआही साहा, होर दईबा री सृष्टी रा मूल कारण साहा, सह यह बोला 15 की हाँऊं तेरे एउ कामा ज़ाणा की तू ना ठानड होर न गरम भला हुंदा की तू ठानडअ या गरम हुन्दअ । 16 तेवा की तू गुनगुनअं साहा, होर ना ठांडअ होर ना गर्म हाँऊं ता आपणे मुँहां में निगल़णे में साहा । 17 तू ज़ोह बोला की हाँऊं सेठ साहा होर धनवान होऊ, होर महा कासी गला री कामी नांई आँधी , होर तू यह नांई जाणद की तू अभागअ , होर तुच्छ कंगाल, होर आंधअ होर नेगअ साहा । 18 तेवा हाँऊं ताह बे सहमति दिंदा की ,आगि में ताता करुदा सुना महा लअ की तेबा तू सेठ हूणअ , होर शेते झिकड़े लअ की त्याह बान्हीं करे ता नेंगे हुणे री शर्म नांई हूणी , होर आपणी आछी वै लाऊंणे वै ऐनक लअ नांई की ता हेरे । 19 हाँऊं ज़ासु-ज़ासु क प्रेम म करा , त्याह सभी वै उलाहना , होर ताडना दिंदा , तेवा की मुंडेे दा होए होर मन बदले । 20 हे र हाँऊं दुआरा सेटा खडू द होर दुआरा टोकदअ लागद सा, अगर कोई मेरी हाका शूणलअ होर दुआरा खोलल तेवा माह मीतारे इच्छी करे तेउ संघे रोटी खाणी । 21 होर ज़ोह जय पाए,महा सह आपु संघे आपणी सिहासन में बश्यागणअं , जेडअ हाँऊं जय पाई करे आपणे बापू संघे वैठद साहा । 22 जासके कनेट साहा त्याह शुणा , कि आत्मा कलीसिया क कैह बोला ।