महान उदार
2
1 एउ कारणे लोढ़ी, कि हामे तया गला पैंदे ज़ोह हामे शुणी, होर भी मन लाए, एढा नांई होए कि बहीकरे त्याह का भी दूर नाहें । 2 किबेकि ज़ोह बचन स्वर्गदूत रे दुआरा बोलू, । ज़ेबा सह स्थिर रहू होर हर एक अपराध होर आज्ञा नांई मनणे रा ठीक-ठीक बदल़ा भेटा , 3 तेबा हामे लोका एढ़े बड़ेे उद्धारा का निश्चन्त रही करे केढ़े बची सका ? ज़ासकी चर्चा पहिले दईबा रे साबे होई तिही होर शुणन आल़े रे दुआरा हामा निश्चय होऊ । 4 होर संघा ही दईब आपणी इच्छा रे साबे निशाणे, होर अद्बभुत काम तिही होर कई प्रकारा रे सामर्थ्य रे काम, होर पबित्र आत्मा रे बरदाना रे बांडणे रे दुआरा एतकि गुआही दींदअ रहू ।महारअ उदारकरदअ
5 दईब तेऊ ईंहंण आल़े जकता बे ज़ासकी चर्चा हामे करदे लागे दे, स्वर्गदूत रे धीन नांई करू । 6 पर कुणी कंईं यह गुआही दिंनी दी साहा, “मणश कैह साहा कैह तुह तेऊरी सुधि लउंदा ? या मणशा र शोहरू कैह साहा कि तुह तेउरी चिन्ता करा ? 7 तांईं सह स्वर्गदूत का कुछ ही कम करू ; तांईं तेऊ पैंदे महिमा होर आदरा र मुकट डाहू, होर सह आपणे हाथा रे कामा पैंदे अधिकार दिंना ।” 8 तांईं सब सा तेऊरी ज़ांघा थंईं करू ।? एतकि तणी कि तेऊ सब कुछ तेऊरे अधीन करू, तेबा तेऊ किछे भी नांई छाढू ज़ोह तेऊरे अधीन ना हो । पर हामे एब्रे तणी सब कुछ तेउरे अधीन नांई हेरदे । 9 पर हामे यीशु बे ज़ोह स्वर्गदूत का कुछ ही कम करू दा साहा , मऊती रे दुखा चुआकणे रे कारण महिमा होर आदरा र मुकट बान्हीं दे हेरा, ताकि दईब रे अनुग्रहा का हर एक मणश बे मऊती रा सुआद चाखे (परेखे) । 10 किबेकि ज़ासु बे सब कुछ साहा होर ज़ासके दुआरा सब कुछ साहा, तेऊ यहे शोभला लागा कि जेबा सह बहू शोहरू महिमा में पजेरे , तेबा तया रे उद्धार रे कर्ता बे दुखा चुआकणे रे दुआरा सिद करे । 11 किबेकि पबित्र कर्ण आल़अ होर ज़ासु पबित्र करा ,सब एकु ही मूल़ा का साहा एउ रे कारण सह तया बे भाई बोलणाे बे नांई शर्मदअ । 12 सह बोला, “ मांह तेरा ना आपणे भाई बे शुणाउणा ; सभा रे मझे मांह तेरे भजन गाऊंणे ।” 13 होर तेहुकी यह, “ मांह तेऊ पैंदे भोरोसा (बुशाह)डाहंणा ।” होर तेहुकी यह, “ हेर तिही मांह तया शोहरू संघा जूणा दईबे मांह बे दिन्ने ।” 14 एतकि तणी ज़ेबा शोहरू मासा होर लोहू रे भागी साहा, तेबा सह आपु भी तयारे बराबर तया र सहभागी होऊ, ताकि मऊती रे दुआरा तेऊ ज़ासु मऊती पैंदे शक्ति भेटी दी तिही, अर्थात शैतान नकामें 15 होर जेतारे मऊती री डरा रे मारे ज़िदगी भर दासत्बा में फसी तिही, तया छुड़ाए । 16 किबेकि तया त स्वर्गदूत नांई पर अब्राहमा रे बंशा संभाल़ा । 17 एतकि तणी तेऊ लोढ़ी तिही, कि सभी गला में आपणे भाई रे बराबर बणे ; ज़ासु का सह तया गला में ज़ोह दईब रे संम्बधा में डाहंदा, एक दयालु होर बुशाहलायक महायाजक बणा ताकि लोका रे पापा प्रायश्चित करे । 18 किबेकि जेबा तेऊ परीक्षा री दशा में दुःख चुआकू , तेबा सह तया री भी साहा यता करी सका ज़ासकी परीक्षा हुँदा ।