तीतुस 2

सच्ची शिक्षा रा अनुसरण

1 पर तू एडी गला बोला कर ज़ोह रांबडे बोलणा री साहा । 2 मतलब बूढलअ मर्द, सचेत होर बुद्धिमान संयमी होए, होर त्याह रे विश्वास होर प्रेम होर धीरज पका हो । 3 एई सवै बूढल़ी बैतडी रा चाल चलन पबित्रे लोका सही होए, दोष लऊण आली नांई होर पिण आली नांई लोड़ी होई पर रांबडी गला बोलणा आली लोढ़ी होई; 4 की त्याह जुआन बेटडी वै चिताउंणआले लोड़ी होई, की त्याह आपण शोहरु होर मर्दे संघे प्रेम डाहे । 5 होर सयमी पबित्रे त होर घरे रे कम करे न आली तिही होर आपण मर्दा रे अधीन हूण आली हो की दईब रे वचना री निन्दा नांई होए । 6 एडा जुआन मर्दा भी समझाय करे की त्याह में धीरज हो । 7 सभी कम में भली गला र नमूना बण तेरी गला में सफाई होर गम्भीरता हो । 8 तेरी गला एडी लोढ़ी होई की कोहे त्याह बुरी नांई बोली सका, त्याह गला क ज़ोह बिरोध करे सह लज्जित लोढ़ी होऊ । 9 ज़ोह दास साहा त्याह समझा की त्याह आपणे स्वामी रे अधीन रहे, होर सभी गला में तेउ खुश डाहे होर उलटी करे ज़ेबाब नांई द। 10 होर चोरी चलाकी नांई करे, पर सभी प्रकारा रे पुरे विश्वासी होए, की त्याह सभी गला में हमारे उद्धारकर्ता दईबा री गला शोभा दे । 11 किबेकि दईब र अनुग्रहा प्रगट साहा, ज़ोह सभी मणशा रा उद्धार आणने मैं सक्षम साहा* । 12 होर हामे वै चिताउन्दा, की हामे अभक्ति होर सांसारीिक अभिलाषा क मन बदली करे* एउ युग में सयम होर धार्मिक होई करे होर भक्ति संघे जीबन बिताए। 13 होर तेसा धन्य आश री मतलब आपण महान दईब उद्धारकर्ता यीशु मसीहे री महिमा प्रगट हुणे री आश डाहे । 14 जासुय आपण आप वै हामे वै दीना, की हामे सारीे प्रकारा रे अधर्मा क छुडाये,होर शुद्ध करी करे आपणी तणी एडी जाती* बनण ज़ोह भल कम री हो ए । 15 तू यह गला पुरे अधिकार संघे बोल, होर समझा होर सिखा की कोहे त वै गलत नांई समझ।