मसीहे चेले चलन
3
1 लोका वै सुधि द की हाकिमो होर अधिकारियों रे अधीन रहे, होर त्याह री आज्ञा माने, होर हर एकी बे रांबडे कामा वै तयार रहे । 2 होर कासी बदनाम न करे होर न झगड़ करे पर कोमल सभा वर रे होए होर सभी लोका संघे नम्रता संघे रे हू । 3 किबेकि हामे भी पहिले निर्बुधि होर आज्ञा नांई मनण आल़े तिही होर भ्रमा में पड़ी द तिही होर बहू प्रकारा इच्छा में होर सुखबिलासा री दासत्वा मैं तिही और दुशमनी मैं , और डाह करने मैं जिउंदा तिही, और घृणित तिही और एकी दूजे क दुश्मनी डांहदा तिही । 4 पर ज़ेबारे हामेरे उद्धारकर्ता दईब री भालाई, होर मणश में तेउ रा प्रेम प्रगट होला । 5 तेवा तेउ ए हमारा उद्धार करू, पर यह धार्मिक कामा संघे नांई, पर ज़ोह हामे आप करी पर आपणी दया रे सवै नए जन्म रे नेहूँणे , होर पबित्रे आत्मा रे हामे नये बणाऊणे संघे होऊ । 6 जसुय तेउकी हमारे उद्धारकर्ता यीशु मसीहे संघे हामे वै खासे दीन। 7 तेताक हामे तउरे अनुग्रह संघे धर्मी होई करे, अनन्त जीबन री आश संघे वारिस होई । 8 यह गला सच साहा, की होर हाँऊं चाहन्दा की, तू यह हे गला रे बारह में विश्वासा संघे बोला तेवा की जसुय दईब पेंदे विश्वास डाहू, की त्याह भल कामा में ध्यान डाहे, यह गला भली होर मणश रे लाभा री साहा ।झगड़े का बचे
9 पर मुर्खता रे झगड़े, होर बंशाबली, होर बरोध होर त्याह रे झगड़े क ज़ोह व्यवस्था रे बिषय में हो बची रहे ; किबेकि सह निष्फल होर ब्यर्थ साहा । 10 पर कासु पाखंडी एक दुई बारे समझाई करे अलग रहे । 11 यह जाणी करे की एडा मणश भटकू द साहा होर आपण आप वै दोषी ठराइ करे पाप करदे लगी रहूद।
अन्तिम संदेश
12 ज़ेबारे हाँऊं त सेटा अरितामास या तुखिकुसा बे भेजू तो तेवरे म्हा सेटा निकुपुलिस ईंहंणे री कोशिश करे किबेकि मांइ ठन्डे तखी रहंणे री कोशिश करी दी साहा । 13 जेनास व्यवस्थापक होर अपुल्लोस* वै कोशिश करी करे जहे पजरे, होर त्याह कासी गला री कमी नांई होई लोढ़ी। 14 म्हारे लोका भी जरूरती त पूरी करने री तणी रे रांबडा कम में रे हू ण सीख की त्याह में कोई कमी नांई रे हू । 15 मरे सभी साथी वै मेरा नमस्कार । ज़ोह विश्वस संघे हामे क प्रे म डहे द त्याह भी नमस्करे । तमे सभी पेंदे अनुग्रहा हे हुंद रे हू ।