शुभकामनाएँ
1
1 पौलुस री तरफा क ज़ोह दईब रे दस, होर यीशु मसीहे रे प्रेरित साहा दईब रे चुनंइ होई द लोका में विशवस होर तेउ सात या रे सवै ज़ोह भक्ति रे सवै साहा । 2 तत अनन्त जीबन री आश पेंदे तिही ज़ासकी प्रे तिज्ञतिही दईब ज़ोह झूठ नांई बोली सका द सनतन क करी दी साहा । 3 पर ठीक टईमें पेंदे आपण बचन तेउ प्रे चरे में प्रेगट करी ज़ोह हामेरे उद्धारकर्ता दईब री आज्ञा संघे मांह वै दीनअ द साहा । 4 तीतुस रे ना क ज़ोह विश्वासा री सहभगीता रे बिचारे संघे मरे सच्चे शोहरु साहा : दईब पिता होर हामेरे उद्धारकर्ता मसीह यीशु क अनुग्रह होर शान्ति हूँदी रहे ।प्राचीन की योग्यताएँ
5 हाँऊं तेवा क्रेते में छडी आऊअ की तू ज़ोह बकी गला रहीदी साहा त्याह में सूधारे करे होर मरी आज्ञा रे सावै नगरे- नगरे प्राचीनों नियुक्त करने । 6 होर ज़ोह निर्दोष होर एकी बैटडी रे मर्दे साहा, ज़ासरे शोहरु आल़े विश्वसी साहा होर जासु में लुच पन होर निरंकुशता क दोष नांई हो । 7 किबेकि ज़ोह प्रधान साहा तेउ दईब रे भण्डारी हुणे री तणी निर्दोष हुणे आऊआ तेउ न हठी हुणे आऊआ होर न क्रोधी होर न पियक्ड होर न मार पिटा करने आलअ होर न नांई कमाई रे लोभी होऊ लोढ़ी । 8 पर ज़ोह पनुहे ई करे न आलअ तिही भलाई करे न आलअ सयमी होर तिही न्यहे ई पबित्रे होर जितेन्द्रिय होए । 9 होर ज़ोह विशवस योग्य वचन पद ज़ोह धर्म उपदेशा रे सावै सा, स्थिर रहे, कि रांबडी शिक्षा रे उपदेश देई सके, होर ज़ोह बिरोध करे त्याह रे मुहे बंद करी सका ।
पाखंडी मास्टर
10 किबेकि बहू अनुशाशनहीन लोका तिही ,निन्कुश बकवदी तिही होर धोख दीण आल़े खास करे खतने आल़े मेंज़ा का हुणे । 11 याह रे मुहे बंद करू लोढ़ी तिही यह लोका नींच कमई री तणी बुरी गला सिखाई करे घरे रे घरे बिगड़ी । 12 त्याह ही में क एक मणश ज़ोह त्याह ही रे भविष्यवणी करने आल़े तिही तेउ ए बोलू की क्रेती लोका सदा झुठे, दुष्ट पशु होर लीगडी पेटू हुंद़ा । 13 यह गुआही सची साहा कीतिही तेवा त्याह वै तेवा त्याह रान्बडी चिनोती दे की त्या विश्वासा में पाके होए। 14 होर त्याह यहूदियों री कथ होर कहाणी में मन नांई लाए, ज़ोह सच्चाई क भटकदा । 15 शुद्ध लोका वै सारीी चीज शुद्ध साहा, होर अविश्वासी वै किछ भी शुद्ध नांई आंदा त्याह री बुद्धि और विबेक दुहे अशुद्ध्ध साहा । 16 त्याह बोला की हामे दईब ज़ाणा, पर तउरे कामा क त्याह नांई बोला, किबेकि त्याह घृणित होर आज्ञा नांई मनन आल़े साहा तिही होर कासी कामा लायक नांई तिही ।