प्रेरितों के काम 21

पौलुसा रा यरूशलेमा बे नांहणा

1 जेबा हामे त्याह ह क अलग होई करे जहाज खोलू , तेबा जेछे रास्ते में कोसा में आऊए होर दूजे दिहाड़े रुदुसा में होर तखा क पतरा में । 2 तखे एक जहाज फिनाके बे नांहदअ भेटअ होर हामे तेत में चढ़ी क्रुसा अ खोलू । 3 जेबा साइप्रस हेरू , तेबा हामे सअ उलटे हाथे छाडू , होर सीरिया बे नांही करे मगन होई करे उतरी , किबेकी तखे जहाजा रा माल उतारना , । 4 चेले भेटी करे हामे साता दिहाड़ी तखी रही । त्याह हे आत्मा रे सीखी दे पौलुसा बे बोलू कि यरूशलेमा बे नांई नांहे । 5 जेबा त्याह दिहाड़े पुरे होई , तेबा हामे तखा क नाठे होर सभिये बेटडी होर शोहरू संघे हामे नगरा बागे तंणी पजेरी दिने , होर हामे किनारे में घुटने टेकी करे प्रार्थना करी । 6 तेबा हामे एकी दूजे क बिदा लई करे जहाजा पेंदे चहडी होर आपणे-आपणे घरा बे नाठे । 7 जेबा हामे मगन होई जलयात्रा पूरी करे पतुलिमयिस में पूजे होर भाई बे नमस्ते े करी एक दिहाड त्याह ह संघे रही । 8 दूजे दिहाड़े तखा क चली करे हामे कैसरिया में पूजे होर पिलिप्पुस सुसमाचार प्रचारका रे घरे नांही करे ज़ोह साता मेंज़ा का एक , तेऊ सेटा रुकी । 9 तेउरे चार कुआरी शोहरी , ज़ोह भविष्यबाणी करदा , । 10 जेबा हामा तखे रंहदे कुछ दिहाड़े होई , तेबा अगबुस ना रअ ज्योत्षी यहूदिया क आऊअ । 11 हामा सेटा इच्छी करे तेऊ पौलुसा री गाची नी होर आपणे हाथ होर टांगा बान्ही करे बोलू , “पवित्र आत्मा यह बोलदा कि जासू मणशा री यह गाची सा , सअ यरूशलेमा में यहूदी एहडी तरह बानणअ होर अन्यजाति बे सौंपणअ ।" 12 जेबा हामे या गला शूणी तेबा हामे होर तख्ले लोगे तेऊ बे यरूशलेमा बे नांई नांहणे रा बिनती करी । 13 तेबा पौलुसे उतर दीना , “ तमे यह केह लाऊदा बोलणाा , कि लेरी-लेरी करे मेरा दिल किबे लाऊदा चोडना ? हांऊ त दईबा यीशु रे ना क यरूशलेमा में नांहणे होर मरणे री तंणी त्याह र सा ।" 14 जेबा तेऊ नांई मानू तेबा हामे यह बोली करे चुप रही , “दईबा री इच्छा पूरी हो ।" 15 याह दिहाड़ी बाद हामे त्याह री करी होर यरूशलेमा बे नाठे । 16 कैसरिया क कुछ चेले हामा संघे आऊए होर हामे मानसोन ना रे एकी साईप्रस रे एकी पूराणे चेले सेटा रही ।

पौलुसा री याकुबा संघे भेंट

17 जेबा हामे यरूशलेमा में पूजे , तेबा भाई बड़ेे आनंदे संघे हामा क मिली । 18 दूजे दिहाड़े पौलुसे हामे याकुबा सेटा बे नी , जखे सभे प्राचीनों पूजे दे , । 19 तेबा तेऊ त्याह ह बे नमस्ते े करी करे , ज़ोह काम दईबे त्याह ह री सेबा रे दुआरा अन्यजाति बे करी दे , एक - एक करी करे खोजी । 20 त्याह हे यह शूणी करे दईबा री महीमा करी , तेहुकी तेऊ बे बोलू , “हे भाई तू भालदा कि यहूदी में हज़ारों लोगा सा जासू विश्बास करू । त्याह सभे व्यवस्था बे उत्साहे संघे भरी दे सा । 21 त्याह तेरे बिषय में सिखाई दे सा कि तू अन्यजाति बीचे रंहणे आले यहूदी बे यह सिखाऊंदा कि मूसा री शिक्षा छाडा होर बोलदा कि पूराणी रीति रअ नुसारी नांई चले । 22 तेबा केह करणा ? त्याह ह यह जरुरी शुंणना कि तू आऊदअ सा । 23 इसलिए ज़ोह हामे ताह बे बोलदा सहे कर । म्हारे चऊ आदमी मन्नत मानी दी सा । 24 त्याह ह नी करे त्याह ह संघे आपणे आपा शुद्ध कर : होर त्याह ह बे खर्चा दे कि त्याह झांमत करे । तेबा सभी पता लागणा कि ज़ोह गला त्याह हे तेरे बारे में खोजी दी सा , त्याह ह में किच्छे सच्चाई नांई आंहदी परन्तु आपु भी व्यवस्था रा पालन करदे हुए होर तेत के अनुसारी चलदा । 25 जखे तणी बिश्वासी अन्यजाति रा संबंध सा हामे त्याह ह बे यह निर्णय लिखी करी भेजू दा सा कि त्याह मूर्ति सेटा बलि रा मांस का , होर लोहू, का गलअ घोंटी दे मासा तथा व्यभिचारा क बचे । 26 तेबा पौलुसे त्याह आदमी आंणी होर दूजे दिहाड़े त्याह ह संघे आपु भी शुद्ध होई करे मंदिरा बे नाठअ । तखे तेऊ खोजू कि शुद्ध हूंणे दिहाड़े केबरे पुरे हूंणे । अर्थात हामा सभी बे बलिदान केभरे चढाऊणा ।

मंदिरा में पौलुस ढाकणअ

27 जेबा सात दिहाड़े पुरे हूंणे आले , तेबा एशिया रे यहूदी पौलुसा मंदिरा में भाली क्रुसा भे लोग उकसाई , होर एढही तरह ज़ोरे-ज़ोरे चीलाई क्रुसा अ ढाहकू । 28 “हे इस्राएल ीओ सहायता करा ; यह सहे आदमी सा ज़ोह लोगा रे होर व्यवस्था रे होर एऊ स्थाना रे बिरोधा में हर जागह सभी लोगा बे सिखाऊंदा , अखे तंणी कि यूनानी भी मंदिरा में आंणी करे यह जागह अपवित्र करी । 29 त्याह हे एता क पहिले इकिसुसबसी त्रुफियुस तेऊ संघे नगरा में हेरू , होर समझू की पौलुसे सअ मंदिरा बे आंणू । 30 तेबा सारीअ नगर भडकू होर लोगा भागी-भागी करे कठे होई होर पौलुस ढाकी करे मंदिरा बागे घशिटी आंणू होर तेभरी दुआर बंद करू । 31 जेबा त्याह तेऊ मारणा चांहदा , तेबा सेनापति री शूणाई पूजी कि सारीे यरूशलेमा में गडबडी मची । 32 तेबा सअ तेभरी सैनिका होर सूबेदारा संघे त्याह ह सेटा भागी करे आऊअ होर त्याह हे सेनापति होर सैनिक हेरी करे पौलुस जाकरनअ छाडू । 33 तेबा सेनापति सेटा इच्छीक्रुसा अ ढाहकू : होर शान्गली बानणे री आज्ञा देई करे पूछदअ लागअ , “यह कुण सा होर एऊ केह करू ?” 34 परन्तु भिड़ा में कोई कुछ होर कोई कुछ होर बोलदे , लागेदे । जेबा शोर शराबे री बजह संघे सच्चाई पता नाई चली तेबा तेऊ गढा में नीणे री आज्ञा दीनी । 35 जेबा सअ शीढी सेटा पूजअ तेबा एडहा होऊ कि भिडा रे दबाबा रे कारण सैनिके सअ चुआकि करे नीऊं । 36 किबेकी लोगा री भीड़ यह बोलदी , लागीदी कि , “एऊ खत्म करा ।" 37 जेबा त्याह पौलुसा गढा में नींदे , लागेदे , तेबा तेऊ सेनापति बे बोलू , “ कह म्हा आज्ञा सा कि हाँऊ कुछ बोले ?” तेऊ बोलू , “ कह तू यूनानी जांणदा ?” 38 कह तू सअ मिस्री नांई आंहदअ , ज़ोह याह दिहाड़े पहिले बिद्रोही बणाई करे चार हज़ारा तलबार बंद लोगा जंगला बे नी ?” 39 पौलुसे बोलू , “ हांऊं त तरसुस यहूदी सा ! किलिकिया रे प्रशिद्ध नगरा रअ निवासी सा । हाँउ ताह क बिनती करदा कि म्हा लोगा संघे गलआ करणे दे । 40 जेबा तेऊ आज्ञा दीनी तेबा पौलुसे शीढी सेटा खडे होई करे लोगा बे हाथा संघे इशारा करू । जेबा त्याह चुप होई तेबा सअ इब्रानी भाषा में बोलदअ लागअ ।