यूहन्ना 10

फुआल होर भेडा रा दृष्टान्त

1 ''हाँऊं तमा बे सच- सच बोला कि ज़ोह कोई दुआरा बा भेड़शाला में नाहंदअ पर केसी होर्से चढा , सह चोर या डाकू साहा । 2 ज़ोह दुआरा बा मितरा बे नाहंदा सह भेडा र फुआल साहा । 3 तेऊ बे दुआरपाल दुआर खोला , होर भेडा तेउरी गला शूणा होर आपांणी भेडा रा ना लई करे शादा होर बाग़े निदा । 4 जेबा सह आपांणी सारीी भेडा बाग़े काढी छेका तेबा तया ज़ेंह- ज़ेंह हांडा , होर भेडा तेऊ पीछे- पीछे हांडा , किबे कि तया तेऊरी बोली समझा ।” 5 पर सह परायपीछे नाईं नाहंणी , पर तेऊ का ठुरणा , किबेकि त्या पराय रे शब्द नाईं पछेणदी ।" 6 यीशु तया बे यह दृष्टान्त बोलू , पर तया यह समझी कि या कैह गला साहा ज़ोह हामा बे बोला ।

यीशु शोभलअ फुआल

7 तेबा यीशु तया बे भी बोलू , ''हाँऊं तमा बे सच -सच बोला , भेडा र दुआर हाँऊं साहा । 8 जेतारे मांह का जैंह आउए तया सब चोर होर डाकू , पर भेड़े तेउरी शूणी । 9 दुआर हाँऊं साहा ;अगर कोई मेरे दुआरा मितर प्रबेश करा तेऊ उदार पाऊणा , होर मितर बाग़े ईहंदअ नाहंदअ रहंणअ होर चारा पाऊणा । 10 चोर कासु होरी कामा बे पर सीधी चोरी करणे होर घाता करणे होर नष्ट करणे बे ईहंदा ;ऐतकी तणी आउअ कि जीबन पाए , होर बहुतायत का पाए । 11 शोभलअ फुआल हाँऊं साहा ;शोभलअ फुआल भेडा री तणी आपांणी ज़ान दिंदा । 12 कुली ज़ोह नाह फुआल साहा नाह भेडा र मालक साहा , भेड़िए ईहंदे भालिकरे बहे भेडा छाड़ी करे ठुरा ;होर भेड़िया तया ढाका होर तितर बितर करादा । 13 सह ऐतकी तणी ठुरा कि सह कुली साहा , होर तेऊ भेडा री चिन्ता नाईं आँधी । 14 शोभलअ फुआल हाँऊं साहा , हाँऊं आपांणी भेडा ज़ाणा , होर मेरी भेडा मांह ज़ाणा । 15 हेरी अ बापू मांह ज़ाणा हाँऊं बापू ज़ाणा-होर हाँऊं भेडा री तणी आपणे प्राण दिंदा । 16 मेरी होरा भी भेडा साहा , ज़ोह ऐसा भेड़शाला में ।मेरा तया रा आणना भी जरूरी साहा ।तया मेरी गला शूणनी , तेबा एक ही छुंड होर एक ही फुआल हूँणअं । 17 बापू ऐतकी तणी माँईं प्रेम डाहंदा कि हाँऊं आपणे प्राण दिंदा कि तेऊ भी लऊ । 18 कोई तेऊ मांह का छींनदअनाईं , पर हाँऊं तेऊ आपे ही दिंदा मांह तेऊ रे दींणे रा भी अधिकार साहा , होर तेऊ लऊणे रा भी अधिकार साहा यह आज्ञा मांह मेरे बापू का भेटिदी ।” 19 याह गला रे कारण यहूदी में भी फुट पड़ी । 20 तया में बहू कै बोलदे लागे , ''तेऊ में दुष्टात्मा साहा , होर सह पागल साहा ;तेऊ री किबे शूणा ?” 21 होरे लोके बोलू , ''या गला ऐढे मणशा री आंधीइ कि जासू ु में दुष्टात्मा हो ।कैह दुष्टात्मा काणे री आछी खोली सका ?”

यहूदी रा अबिश्बास

22 यरुशेलेमा में स्थापना परबा मनाऊंदे , ;होर ठाड़े री रीतू (रित) , । 23 यीशु देहुरे रे ओसारीे में टहल (घुमदअ) लागअ दअ , । 24 तेबा यहूदी सह घेरु होर पुछु , ''ताह केबरे तणी म्हारा मन दुबिधा में डाहंणा ?अगर तुह मसीह साहा , हामा का बोल "। 25 यीशु तया बे उतर दिंना , ''माँईं तमा बे बोलू कि तमे बुशाह करदे ।ज़ोह काम हाँऊं आपणे बापू रे ना का करा तया ही मेरे गुआह साहा , 26 पर तमे ं ऐतकी तणी बुशाह करदे किबेकि तमे मेरी भेडा मेज़ा का आंधेए । 27 मेरी भेडा मेरा शब्द (बोली)शूणा , हाँऊं तया ज़ाणा , होर तया मांह पीछे - पीछे हांडाआ ; 28 होर हाँऊं तया बे अनन्त जीबन दिंदा ।तया कधी नष्ट नाईं हुँणी , होर तया कासी मेरे हाथा का नाईं छीनणी । 29 मेरअ बापू , जूणी तया मांह बे दिन्नी दी , सभी का बढ़अ साहा होर कोहे भी तया बापू रे हाथा का छिनीनाईं सकतअ । 30 हाँऊं होर बापू एक साहा ।” 31 यहूदी तेऊ बे पथराबा करणे बे भी पाथर चुआकी । 32 ऐता में यीशु तया बे बोलू , '' माँईं आपणे बापू री तरफा का बहू काम करी करे रिहाई ;तया में कासु काम री तणी तमे मांह पैंदे पथराब करदा ?” 33 यहूदी तेऊ बे उतर दिंना , ''भले कामा री तणी हामे ताह पैंदे पथराब करदे पर दईबा री निन्दा करणे रे कारण ;ऐतकी तणी कि तूह मणश होई करे आपणे आपा बे दईब मना ।” 34 यीशु तया बे उतर दिंना , ''कैह थारी ब्यबस्था में लिखूदा कि , 'माँईं बोलुदा , तमे दईब साहा '? 35 अगर तेऊ तया बे दईब बोलू जासू ु सेटा दईबा र बचन पुजू (होर पवित्र शास्त्रा री गला गलत होई सकी ) , 36 तेबा जूणी बापू पवित्र डाहीकरे जगता में भेजु , तमे तेऊ बे बोला , तूह निन्दा करा , 'ऐतकी तणी कि माँईं बोलू , हाँऊं दईबा र शोहरू साहा ? 37 अगर हाँऊं आपणे बापू रे काम करदअ , तेबा मेरा बुशाह करा । 38 पर अगर हाँऊं करा , तेबा चाहामेेरा बुशाह भी नाईं करे , पर तया कामा रा तअ बुशाह करा ताकि तमे ं ज़ाणे होर समझे कि बापू मांह में साहा होर हाँऊं बापू में साहा ।” 39 तेबा तयाहे भी तेऊ ढाकणे री कोशिश करी पर सह तया रे हाथा का निकतअ । 40 तेबा सह यरदन रे पार तेसा जागहा बे नाठअ , ज़खे यहुना पहिले बपतिस्मा दिंदा , होर तखी रहू । 41 बहू लोका तेऊ सेटा इछी करे बोला , ''यहुना त कोई निशाण नाईं रिहाऊ , पर ज़ोह कुछ यहुना ऐऊ रे बारे में बोलू , सह सारीा सच , ।” 42 होर तखे बहू कै यीशु पैंदे बुशाह करू ।