यूहन्ना 9

जन्मा का काणे बे (दृष्टिदान) हेरना

1 नाहंदे - नाहंदे तेऊ एक मणश हेरू ज़ोह जन्मा का काणअ , । 2 तेऊ रे चेले तेऊ का पुछु , ''हामेलका , कुणी पाप करू , कि यह काणअ होऊ , हमें मणशे या तेऊ रे आमा बापू ?” 3 यीशु उतर दिना , ''नाह ऐऊ पाप करू , नाह ऐऊ रे आमा बापू ;पर यह ऐतकी तणी कि ऐऊ में दईबा रे काम प्रकट हो । 4 जूणी हाँऊं भेजुदअ , हामा तेऊ रे काम धियाड़े ही धियाड़े करणा जरूरी साहा ;राच ईहंण आलीइ साहा जासू ु में कोहे काम नाईं करी सकतह । 5 जेबरे तणी हाँऊं जगता में साहा , तेबरे तणी जगता बे ज्योति साहा ।” 6 यह बोली करे तेऊ जमीना पैंदे थुकू , होर तेऊ थुकीदे में माटा पाऊ , होर सह माटा तेऊ काणे री आछी लेसी करे 7 तेऊ बे बोलू , ''नाह , शीलोहा रे कुण्डा में धोह "(शीलोहा रा अर्थ , 'भेजु द साहा )।तेऊ धोऊ , होर हेरदे बापस आउअ । 8 तेबा पड़ोसी होर जूणी पहिले भीखा माँगदअ भालूउ द , होर बोलदे लागे , ''कैह यह सहे , ज़ोह बेठअ द भीख माँगा , ।” 9 कुछ लोके बोलू , '' कि यह सहे साहा , ”दूजे बोलू , '' , यह तेऊ साही साहा ।”तेऊ बोलू , ''हाँऊं सहे साहा ।” 10 तेबा तया तेऊ का पूछते लागे , ''तेरी आछी केढ़े ए खुली ?” 11 तेऊ उतर दिना , ''यीशु ना रे एकी मणशे माटा करू होर मेरी आछी लेसी करे मांह बे बोलू , 'शीलोहा में नाहीं करे धोह , 'तेबा माँईं धोऊ होर हेर्दा लागा ।” 12 तयाहे तेऊ का पुछु , ''सह कंईं साहा ?”तेऊ बोलू , हाँऊं ज़ाणदअ ।”

फरीसी दुआरा चंगाई (ठीक हूँणे) री जाँच-पड़ताल

13 लोका तेऊ बे ज़ोह पहिले काणअ , फरीसी सेटा बे नीऊं । 14 जासू ु धियाड़े यीशु माटा सानी(लाई) करे तेउरी आछी खोली , सह सब्ता री ध्याड़ , । 15 तेहुकी फरीसी भी तेऊ का पुछु कि तेऊ री आछी कासु रीति संघा खुली । तेऊ बे बोलू , ''तेऊ मेरी आछी में माटा लाऊ , तेहूकि माँईं धोऊ , होर ऐबा हेरहा ।? 16 ऐता में ऐखा फरीसी बोलदे लागे , ''यह मणश दईबा री तरफा का , किबे कि सह सब्ता री धियाड़े मनदअ ।”दूजे बोलू , ''पापी मणश केढे चिन्ह (निशाण)रिहाई सका ?”होर तया में फुट पड़ी । 17 तयाहे भी तेऊ कांणे बे भी बोलू , ''तेऊ तेरी आछी खोली दी ।तूह तेऊ रे बारे में कैह बोला ?” तेऊ बोलू , ''कि सह ज़ोह द्शी साहा ।” 18 पर यहूदी बुशाह होऊ कि यह काणअ , होर ऐबा हेरा , जेबरे तणी तयाहे तेउरे , जासू की आछी खुली , तेउरे आमा बापू शादी करे 19 त्यह का पुछु , '' कैह यह थारअ शोहरू साहा , जासू ु तमे बोला कि काणअ होऊ दअ ?तेबा सह केढे भालाआ ?” 20 तेऊ रे आमा बापू उतर दिना , ''हामे त ज़ाणा कि यह महारअ शोहरू साहा , होर काणअ ज़मुदअ , ; 21 पर हामे यह ज़ाणदे कि ऐबा केढे भालाआ , होर यह ज़ाणदे कि कुणी तेऊ री आछी खोली ।सह सेणअ साहा , तेहू का पुछा ;सह आपणे बारे में आपे खोज़लअ ।” 22 या गला तेउरे आमा बापू ऐतकि तणी बोली किबे कि तया यहूदी का डरा , किबे कि यहूदी एकाम त(जुट) होई मुके , कि अगर कोई बोले कि मसीह साहा , तेबा आराधनालय का काढनअं । 23 ऐहु कारण तेऊ रे आमा बापू बोलू , ''सह सेणअ साहा , तेहू का पूछा ।” 24 तेबा तयाहे सह मणश ज़ोह काणअ , , दूजी बारी शादी करे तेऊ बे बोलू , दईबा री स्तुति कर ।हमें त ज़ाना कि सह मणश पापी साहा ।” 25 तेऊ उतर दिना , ''हाँऊं ज़ाणदअ कि सह पापी साहा कि हाँऊं एक गलअ ज़ाणा कि हाँऊं काणअ , होर ऐबा हेराआ ।” 26 तयाहे भी बोलू , '' तेऊ तांईं संघा कैह करू ।होर कासु साबे तेरी आछी खोली ?” 27 तेऊ तया बे बोलू , ''माँईं त तमा बे बोली छेकु , होर तमे शूणु ऐबा दूजी बारी भी किबे शूणना चाँहंदा? कैह तमे भी तेऊ रे चेले ़े हुणे चाँहंदा ?” 28 तेबा तेऊ बे बुरे भले बोली करे बोलू , ''तूह ही तेऊ र च़ेलअ साहा , हमें मूसा रे चेले ़े साहा 29 हमें ज़ाणा कि मूसा दईबे संघा गला करी ;पर ऐऊ मणशा ज़ाणदे कि कंदा का आउअ द ।” 30 तेऊ तया बे उतर दिना , ''यह त परशानी री गल साहा कि तमे तेऊ ज़ाणदे कि सह कंदकअ साहा तेबा भी तेऊ मेरी आछी खोली । 31 हमें ज़ाणा कि दईब पापी री शूणदअ , पर अगर कोई दईबा र भक्त होलअ होर तेउरी इच्छा पैंदे चला , तेबा सह तेउरी शूणा । 32 जगता में कधी भी यह शूणने में नाईं आउआ कि कुणी जन्मा का काणे री आछी खोली हो । 33 अगर यह मणश दईबा री तरफा का हूँदअ , तेबा किछे भी करी नाईं सकतअ ।” 34 तयाहे तेऊ बे उतर दिना , '' तूह त बिलकुल पापा में जन्मुदअ , तूह हामा कैह समझाऊंदा ?”होर तयाहे सह बाग़े काढु ।

आत्मिक काणा पन

35 यीशु शूणु कि तयाहे सह बाग़े काढु , होर जेबा तेऊ संघा भेंट होई तेबा बोलू , ''कि तूह दईबा रे शोहरू पैंदे बुशाह करा ?” 36 तेऊ उतर दिना , ''हे दईब , सह कुण साहा कि हाँऊं तेऊ पैंदे बुशाह करू ?” 37 यीशु तया बे बोलू , ''तांईं सह भालूऊद भी साहा ज़ोह तांईं संघा गला करदअ लागदअ सह सहे साहा ।” 38 तेऊ बोलू , ''हे दईब , हाँऊं बुशाह करा ।”होर सह दण्डबतकरू । 39 तेबा यीशु बोलू , ''हाँऊं एऊ जगता में न्याय बे आउअद , ताकि ज़ोह हेर्दे तया हेरे , होर ज़ोह हेरा तया काणे होए ।” 40 ज़ोह फरीसी तेऊ संघा , तयाहे या गला शूणी करे तेऊ बे बोलू , ''कैह हमें भी काणे साहा ?” 41 यीशु तया बे बोलू , ''अगर तमे काणे हूँदे तेबा पापी नाईं हूँदे ;पर ऐबा बोला कि हमें हेरा , ऐतकी तणी थारा पाप बणी रहंदा ।