यूहन्ना 8

ब्यभिचारणी बे क्षमा ा

1 पर यीशु जैतूना रे पहाडा पैंदा बे नाठअ । 2 बयाल्के सह भी देहुरे बे आउअ ;सभे लोका तेऊ सेटा आऊए होर बेशी करे तया बे उपदेशा दींदअ लागअ । 3 तेबा शास्त्री होर फरीसी एक बेटढ़ी आणी ज़ोह ब्यभिचारा में ढाकी दी , होर सह मझेए खड़ी करी करे यीशु बोलू , 4 ''हे गरु , यह बेटढ़ी ब्यभिचारा करदा ढाकी दी साहा । 5 ब्यबस्था में मूसा हामा बे आज्ञा दिंनी कि एह्डी बेटढ़ी पैंदे पथराब करे ।पर तूह ऐसा बेटढ़ी रे बारे में कैह बोला ?” 6 त्याह हे तेऊ परेखणे बे यह गल बोली ताकि तेऊ पैंदे दोषा लाऊणे बे कोई गल बणे ।पर यीशु झुकी करे गुठी करे ज़मीना पैंदे लिखतअ लागअ। 7 जेबा तया तेऊ का पूछते ही रही , तेबा तेऊ सीधे होई करे तया बे बोलू , ''तमा में ज़ोह निष्पाप साहा , तेहू पहिले तेऊ बे पाथरे बाहणी ।” 8 होर तेहुकी झुकी करे ज़मीना पैंदे गुठी करे लिखतअ लागअ । 9 पर तया यह शूणी करे बड़ेे का लई करे होछे तक , एक -एक करी करे निकतेए , होर यीशु केलह रहू , होर बेटढ़ी तखी मंझे खड़ी रही । 10 यीशु सीधे होई करे तेसा बे बोलू , ''हे नारी , तया कंईं नाठेए ?कैह कोही भी ताह बे दण्डा री आज्ञा दिंनी ?” 11 तेसे बोलू , ''हे दईब , कोही नाईं ।”यीशु बोलू , ''हाँऊं भी ताह बे दण्डा री आज्ञा नाईं दींदअ ;नाह , होर भी पाप नाईं करे ।”]

यीशु जगता री ज्योति

12 यीशु भी लोका बे बोलू , ''जगता रे ज्योति हाँऊं साहा ;ज़ोह माँह पीछे होलअ सह नयारे चलणअ , पर जीबना री ज्योति पाऊणी ।” 13 फरीसी तेऊ बे बोलू , ''ताह आपांणी गुआही आपे दिंदा , तेरी गुआही ठीक नाईं आँधी ।” 14 यीशु तया बे उतर दिना , ''भले ही आपांणी गुआही आपे दींदाआ होलअ , पर तेबा भी मेरी गुआही ठीक साहा , किबेकि हाँऊं ज़ाणा कि हाँऊं कंधा का आउअ द साहा होर कंधा बे नाहंदा ?पर तमे ज़ाणदे कि हाँऊं कंधा का ईहंदा या कंधा बे नाहंदा । 15 तमे शरीरा रे साबे न्याय करा ;हाँऊं कासी रा न्याय करदअ । 16 होर अगर हाँऊं न्याय करे भी , मेरा न्याय सच्चा साहा ;किबे कि हाँऊं केलह , पर हाँऊं साहा , होर बापू साहा जूणी हाँऊं भेजु । 17 थारी ब्यबस्था में भी लिखुदा साहा कि दुई री गुआही मिली करे ठीक हुँदा ; 18 एक त हाँऊं आपांणी गुआही आपे दिंदाआ , होर दूजी गुआही बापू मेरी दिंदाआ जूणी हाँऊं भेजु ।” 19 तयाहे तेऊ बे बोलू , '' तेरअ बापू कंईं साहा ।”यीशु उतर दिंना , ''नाह तमे माँह ज़ाणदे , नाह मेरे बापू , अगर माँह ज़ाणदे तेबा मेरे बापू भी ज़ाणदे ।” 20 या गला तेऊ देहुरे में उपदेशा दींदेए भण्डारा रे घरे बोली , होर सह कोही नाईं ढाकु किबे कि तेऊ रा टाईम ऐबरे तणी नाईं आउआ , ।

आपणे बारे यीशु रा कथन(बोलणाा)

21 तेऊ भी तया बे बोलू , ''हाँऊं नाहूँ , होर तमे हाँऊं लोढ़नअं होर आपणे पापा में मरने ;ज़खे हाँऊं नाहंदा , तखे तमे नाईं इच्छी सकते ।” 22 ऐता पैंदे यहूदी बोलू , ''कैह तेऊ मरना , ज़ोह बोला , 'ज़खे हाँऊं नाहंदा तखे तमे इच्छी सकते' ?'' 23 तेऊ तया बे बोलू , '' तमे उंधले साहा , हाँऊं उझलअ साहा ; तमे संसारीा (स्बर्ग रे साहा , हाँऊं संसारीा र नाईं । 24 एतकि तणी माँईं तमा बे बोलू कि तमे आपणे पापा में मरने , किबेकि तमा बुशाह करणा कि हाँऊं सहे साहा तेबा आपणे पापा में म)रने ।” 25 तयाहे तेऊ बे बोलू , ''तूह कुणह साहा ?”यीशु त्यह बे बोलू , ''सहे साहा ज़ोह तमा बे पहिले का बोलदअ आउअद । 26 थारे बारे में मांह बहू कुछ बोलना होर निर्णय करणा ;पर मेरअ भेज़ण आलअ सचअ साहा , होर ज़ोह माँईं तेऊ का शूणु तेहू जगता में बोला ।” 27 तया यह समझी कि हामा बे बापू रे बारे में बोला । 28 तेबा यीशु बोलू , ''जेबा तमे मणशा रे शोहरू उछटे पैंदे चढ़ाउले , तेबा ज़ाणले कि हाँऊं सहे साहा ;हाँऊं आपणे आपा का किछे नाईं करदअ पर जेढा मेरे बापू माँह बे सिखाऊ तेढ़ी ही याह गला करा । 29 मेरे भेजण आलअ माँईं संघा साहा ;तेऊ हाँऊं केलह छाढ़ु किबेकि हाँऊं सदा सहे काम करा जासू ु संघा सह खुश हुंदा।” 30 सह यह गला करदअ ही लागअद , कि बहू कै तेऊ पैंदे बुशाह करू ।

सच्चाई तमे अज़ाद करणे

31 तेबा यीशु तया यहूदी बे जूणी तेऊ पैंदे बुशाह करू , बोलू , ''अगर तमे मेरे बचना में बणी रहले , तेबा सची मेरे चेले ़े रहंणे । 32 तमा सच ज़ाणना , होर सचा ही तमे आज़ाद करणे ।” 33 तयाहे तेऊ बे उतर दिना , ''हामें त इब्राहम बंशा का साहा , होर कधी भी कासी रे दास (नोकर) होई ।तेबा तूह केढे बोला कि तमे आज़ाद हूँणे ?” 34 यीशु तया बे उतर दिना , ''हाँऊं तमा बे सच - सच बोला कि ज़ोह कोई पाप करा सह पापा र दास साहा । 35 दास सदा घरे नाईं रहंदअ ;शोहरू सदा रहंदा । 36 ऐतकी तणी अगर शोहरू तमा आज़ाद करलअ , तेबा सची तमे आज़ाद हूँणे । 37 हाँऊं ज़ाणा कि तमे ं अब्राहम रे बंशा का साहा ;तेबा भी मेरअ बचन थारे ह्रदयमें जागहा पाऊंदअ , ऐतकी तणी तमे मांह मारना चाँहंदा । 38 हाँऊं सहे बोला , ज़ोह आपणे बापू रअ खे ऐबरे हेरू ;होर तमे तेहू करदे रहंदा ज़ोह तमे आपणे बापू का शूणुदा साहा ।” 39 तयाहे तेऊ बे उतर दिना , ''म्हारअबापू त अब्राहम साहा ।”यीशु तया बे बोलू , ''अगर तमे अब्राहम रे शोहरू हूँदेए , तेबा अब्राहम रे बराबर काम करदे । 40 पर ऐबा तमे मांह साही मणशा मारना चाँहंदा , जूणी तमा बे सह सच बचन खोजू ज़ोह दईबा का शूणु ;ऐढ़ा त अब्राहम करू , । 41 तमे आपणे बापू रे बराबर काम करा ।”तयाहे तेऊ बे बोलू , '' हमें ब्यभिचारा का नाईं ज़न्मी , म्हारअ एक बापू साहा अर्थात दईब ।” 42 यीशु तया बे बोलू , ''अगर दईब थारअ बापू हूँदअ , तेबा तमे माँईं संघा प्रेम ढाहंदे ;किबेकि हाँऊं दईबा री तरफा का आउअद साहा ।हाँऊं आपे नाईं आउअ , पर तेहू हाँऊं भेजुदअ साहा । 43 तमे मेरी गला किबे समझदे ?ऐतकी तणी कि तमे मेरा बचन शूणी सकते । 44 तमे आपणे बापू राकक्ष का साहा होर आपणे बापू री लालसा पूरी करणा चाँहंदा । सह त पहिले का हथियारअ साहा होर सत्य पैंदे स्थिर नाईं रहू , किबेकि सत्य तेऊ में साहा ही नाईं ।जेबा सह दुआलेए करा ;तेबा सह आपणे स्बभाबा का ही बोला ;किबेकि सह दुआल़ी साहा पर दुआल़ी र बापू साहा । 45 पर हाँऊं ज़ोह सच बोला , ऐ री तणी तमे ं मेरा बुशाह नाईं करदे । 46 तमा मेंज़ा का मांह पापा समझा ?अगर हाँऊं सच बोला , तेबा तमे मेरा बुशाह किबे करदे ? 47 ज़ोह दईबा का हुँदा , सह दईबा री गला शूणा ;होर तमे ऐतकी तणी शूणदे कि दईबा री तरफा का नाईं हो ।”

यीशु होर अब्राहम

48 यह शूणी करे यहूदी तेऊ बे बोलू , ''कैह हामें ठीक बोलदे कि तूह सामरी साहा , होर ताह में दुष्टात्मा साहा ?” 49 यीशु उतर दिना , ''मांह में दुष्टात्मा आंधीइ ;पर हाँऊं आपणे बापू रा आदर करा , होर तमे मेरा अनादर करा । 50 पर हाँऊं आपांणी प्रतिष्टा नाईं चाँहंदअ;उओह , एक साहा ज़ोह चाँहंदा होर न्याय करा । 51 हाँऊं तमा बे सच- सच बोला कि अगर कोई मणश मेरे बचना पैंदे चले , तेबा अनन्त काला तणी मउत हेरणी ।? 52 यहूदियों तेऊ बे बोलू , ''ऐबा हमें ज़ाणु कि ताह में दुष्टात्मा साहा ।अब्राहम मुंअ , होर ज़ोह द्शी भी मुएं ;होर तूह बोला , 'अगर कोई मेरे बचना पैंदे चले तेबा अनन्त काला तणी मऊती रा सुआद चाखणा (परेखणा)।' 53 म्हारअ बापू अब्राहम त मुअं ।कैह तूह तेऊ का बढ़अ साहा ?होर जिद्शी भी मुअं ।तूह आपणे आपा बे कैह समझा ?” 54 यीशु तेता बे बोलू , '' अगर हाँऊं आपांणी महिमा आपे करे , तेबा मेरी महिमा किछे नाईं , पर मेरी महिमा करने आलअ मेरअ बापू साहा जासू ु बे तमे बोला कि सह थारअ दईब साहा । 55 तमे त सह नाईं ज़ाणु पर हाँऊं तेऊ ज़ाणा ।अगर हाँऊं बोले कि हाँऊं तेऊ ज़ाणदअ , तेबा हाँऊं तमा साही झूठअ हूंणअ ;पर हाँऊं तेऊ ज़ाणा होर तेउरे बचना में चला । 56 थारअ बापू अब्राहम मेरी धियाड़े भालणेए री आशा ा में मगन , ;होर तेऊ हेरू होर ख़ुशी करू ।” 57 यहूदी तेऊ बे बोलू , ''ऐबरे तणी तूह पज़ाह साला र नाईं होऊ , तेबा भी ताँईं अब्राहम भालूदअ ?” 58 यीशु तया बे बोलू , ''हाँऊं तमा बे सच- सच बोला , कि ऐतका का पहिले अब्राहम होऊ , सह हाँऊं साहा ।” 59 तेबा तयाहे तेऊ बाहणे बे पाथर चुआकी , पर यीशु तखा का गोझी यीशु होर तेऊ रे भाई