यूहन्ना 5

ठती साला र बमार ठिक करणो

1 यहा गला बाद यहूदी र एक पर्ब होऊ , यीशु यरुश्लेमा बे नाठअ । 2 यरुश्लेमा में भेड़ा रे दुआरा सेटा एक कुण्ड साहा जासू ु इब्रानी भाषा में बैतहसदा बोला ;तेऊ रे पाँज़ ओसारीे साहा । 3 याह में बहू बमार , काणे , लेंगडे , होर शुके दे अंगा आलेए (पाणी रे हिलणे री आशा ा में )पड़ी रहंदा , । 4 नियुक्त चुनी दे (डाहिदे)टाइमा में दईबा रे सरगदूत कुंडा में इच्ची करे पाणी हिलाऊंदा , ।पाणी हिलाऊंदा ही ज़ोह कोई पहिले उतरा , सह ठीक हुंदा , चाहे तेऊ रीभी बीमारी किबे ना हो । 5 तखे एक मणश , ज़ोह ठत्ती साला का बीमार , । 6 यीशु सह पढूदअ हेरी करे होर यह ज़ाणी करे कि यह बहू धियाड़ी ओरी ऐसा दशा में पढूदअ , तेऊ का , ''कैह तूह ठीक हूंणा चाँहदा ?” 7 तेऊ बमारे तेऊ बे उतर दिना , ''हे दईबा , माँह सेटा कोहे भी मणश आंधअ कि जेबा पाणी हिलाऊंदा , तेबा मांह कुंण्डा में उतारे ;पर मेरे पूज़दे-पूज़दे दूजअ मांह का पहिले उतरा ।” 8 यीशु तेऊ बे बोलू , ''उठ , आपांणी मंज़े चुआक होर हांड़अ तेउकी ।” 9 सह मणश तेभरी ठीक होऊ , होर आपांणी खाट चुआकी करे हाँडदअ फिरदअ लागअ । 10 सह तुआर री ध्याड़ , ।ऐतकी तणी यहूदी तेऊ का ज़ोह ठीक होऊ , ''आज तुआर री ध्याड़ साहा , ताह मंजी चुआकणी ठीक आंधीइ ।” 11 तेऊ तया बे उतर दिना , ''जूणी हाँऊं ठीक करू , तेऊ ही मांह बे बोलू , 'आपांणी मंजअ चुआकअ , होर चालअ फिर '।” 12 त्याह हे तेऊ का पुछु , ''सह कुण मणश साहा जूणी ताह बे बोलू , मंजअ चुआकअ , होर चालअ तेहुकी '?” 13 पर ज़ोह ठीक होऊ , सह ज़ाणदअ , कि सह कुणी सागा , किबेकि तेसा जागहा में भीड़ा हुँणे में यीशु तखा का हतेऊ , । 14 याह गला बाद सह यीशु देहुरे भेटअ ।यीशु तेऊ बे बोलू , ''हेर , : तूह ठीक होऊदअ :भी पाप करे , ऐढ़ा होए कि ऐता करे ताह पैंदे कोई बड़ेी मुसीबत इच्छे ।” 15 तेऊ मणशे नाही करे यहूदी बे बोलू कि जूणी हाँऊं ठीक करू सह यीशु साहादअ । 16 ऐतकी तणी यहूदी यीशु सताउंदे लागे , किबेकि सह एढ़े काम तुआर री धियाड़े करा , । 17 ऐता में यीशु तयाबे बोलू , ''मेरअ बापू ऐबरे तणी काम करा , होर हाँऊ भी काम करा ।” 18 ऐतकी तणी यहूदी होर भी ज्यादा तेऊ मारने री कोशिशा करदे लागे , किबेकि सह सीधी तुआर री धियाड़े री बिधि चोडदअ , पर दईबा बे आपण बापू बोली करे आपणे आपु बे दईबा बराबर समझा ।

शोहरू रा अधिकार

19 ऐता पैंदे यीशु तया बे बोलू , ''हाँऊ तमा बे सच-सच बोला , शोहरू तमा का किछे नांइ करी सकतअ , सीधी सह ज़ोह बापू करदे भालाआ ;किबेकि जासू ु - जासू ु कामा बापू करा त्याह ही तया कामा शोहरू भी तेऊ साबे करा । 20 किबेकि बापू शोहरू संघा प्यार डाहंदा होर ज़ोह - ज़ोह काम आपु करा , तया तेऊ बे रिहाऊदा ;होर सह ऐता का भी बड़ेे काम तेऊ बे रिहाऊदा ताकि तमे अचम्भा करे । 21 जेहडअ बापू मुएदे चुअका होर ज़ाल़ा , तेहडा ही शोहरू जासू ु चांहंदा तया ज़ाल़ा । 22 बापू कासका न्याय करदअ , पर न्याय करणे रे सभे काम शोहरू बे दींदा , 23 कि सब लोका जेह्ड़े बापू रा आदर करा तेहडे ही शोहरू रा भी आदर करे ।ज़ोह शोहरू रा आदर करदअ , सह बापू रा जूणी सह भेजुअ साहा , आदर करदअ । 24 हाँऊं तमा बे सच - सच बोला , ज़ोह मेरा बचन शूणी करे मेरे भेजण आल़े में बुशाह करा , सारीी अनन्त जीबन तेऊ रा साहा ;होर तेऊ पैंदे दण्डा री आज्ञा हुंदी पर सह मउती का पर होई करे जीवन नाहीं छेकू । 25 हाऊ तमा का सच - सच बोला कि टाईम ईहंदा , होर ऐबा साहा , जासू ु में मुंएदे दईबा रे शोहरू रे शब्द शूणने , होर ज़ोह शूणले तया जिऊणे । 26 किबेकि जासू ु रीती बापू आपणे आपु में जीबन डाहंदा , तेसी रीती में तेऊ आपणे शोहरू बे भी यह अधिकार दीनादा कि आपणे आपा में जीबन डाहे : 27 किबे तेऊ बे भी न्याय करणे रा अधिकार दीनादा , ऐतकी तणी कि सह मणशा र शोहरू साहा । 28 ऐता में अचम्भा करा;किबेकि सह टाईम ईहंदा कि जेतारे कब्रा में साहा तया तेऊ रे शब्द शूणी करे निखलने । 29 जूणी भलाई करीदी तया जीबना रे पुनरुत्थानाबे उठणे होर जूणी बुराई करीदी तया दण्डा रे पुनरुत्थाना बे जिऊणे ।

यीशु रे सम्बन्धा में गुआही

30 हाँऊ आपणे आपा का किछे नाईं करी सकतअ ;जेढ़ा शूणा , तेढ़ा न्याय करदा ;होर मरा न्याय सच्चा साहा , किबेकि हाँऊ आपांणी इच्छा पर आपणे भेजण आलेए री इच्छा चाँहदा । 31 अगर आपांणी गुआही हाँऊ आपे दे , त मेरी गुआही सच्ची हुँणी। 32 एक होर साहा ज़ोह मेरी गुआही दींदा , होर हाँऊ ज़ाणा कि मेरी ज़ोह गुआही सह दींदा , सह सच्ची साहा । 33 तमे यहुन्ना का पुछु होर तेऊ सच्चाई री गुआही दींनी । 34 पर हाँऊं याह गला आपणे बारे में मणशा री गुआही चांहंदअ;तेबा हाँऊ याह गला करा कि तमा उदार भेटे । 35 सह त जलदअ होर चंमकतअ सजींअ , होर तमा कुछ देर तणी तेऊ ज्योति (प्रयाशे) में मगल हुँणा ठीक लागा । 36 पर मांह सेटा ज़ोह गुआही साहा सह यहुन्ना री गुआही का भी बड़ेी साहा ;किबेकि ज़ोह काम बापू मांह बे पूरा करणे बे दींना दा अर्थात यहे काम ज़ोह हाँऊं करा , तया मेरे गुआह साहा कि बापू हाँऊं भेजुदअ। 37 होर बापू जूणी हाँऊं भेजुदअ , तेहुए मेरी गुआही दींनी दी ।तांई कधी भी तेऊ रे बोल शब्द शुणु , होर नाह तेऊ रा रूप भालूऊ; 38 होर तेउरे बचना स्थिर डाहंदे , किबे कि ज़ोह तेऊ भेजी तमे तेऊ रा बुशाह करदे । 39 तमे पवित्र शास्त्रा लोडा , किबेकि समझा कि तेता में अनन्त जीबन तंमा भेटा;होर यह सहे साहा ज़ोह मेरी गुआही दींदा ; 40 तेबा भी जीबन पांऊदे तमे माँह सेटा ईहंणा चाँहंदा। 41 हाँऊं मणशा का आदर चाँहदअ । 42 पर हाँऊ तमा ज़ाणा कि तमा में दईबा रा प्यार आंधा । 43 हाँऊं आपणे बापू रे ना पैंदे आउअद , होर तमे मेरा ग्रहण करदे ;अगर होर कोई आपणे ना में इच्छे , तेबा सह ग्रहण करनअ । 44 तमे ज़ोह एकु दूजे का आदर चाँहंदा होर सह आदर ज़ोह एक सीधी दईबा री तरफा का साहा , चाँहंदे , कि कासु साबे बुशाह करी सके ? 45 यह समझा कि माँह बापू बराबर दोष लाऊणा ;तमाबे पैंदे दोषा लाऊणा आलअ त मूसा साहा , जासू ु में तमे भरोसा डाहु । 46 किबेकि अगर तमे मूसा रा बुशाह करदे , त मेरा भी बुशाह करदे , ऐतकी तणी कि तेऊ मेरे बारे में लिखुदा । 47 अगर तमे तेऊ री लिखी दी गला रा बुशाह करदे , तेबा मेरी गला पैंदे केड़े बुशाह करणा ?”