यूहन्ना 4

यीशु होर सामरी बेटढ़ी

1 तेहुकी ज़ेबा दईब थोगअ लागा कि फरीसी शूणु दा साहा कि यीशु यहुन्ना का ज़ादा चेले ़े बणाऊंदा होर तया बे बपतिस्मा दींदा । 2 हलांकी यीशु आपे नांईं बलकी तेऊ रे चेले ़े बपतिस्मा दींदा , । 3 तेबा सह यहूदी छाड़ी करे भी गलीला बे नाठअ , 4 होर तेऊ सामरिया बा नाहणा ज़रुरी , । 5 ऐतकी तणी सह सुखार ना रे सामरिया रे ऐकु नगरा तक आऊअ , ज़ोहतेसा जमीना सेटा साहा ज़ोह याकुबे आपणे शोहरू युसुफ बे दीनादा , ; 6 होर यकुबा र कुंअँ भी तखे , ।पर यीशु बाता र थकू दअ तेऊ कुंएँ पैंदे एढए बैठअ ।या गला छआ घंटे रे लगभग होई । 7 तेतारे में एक सामरी बेटढ़ी पाणी भरदी आई ।यीशु तेसा बे बोलू , ''माँह बे पाणी पलाह ।” 8 किबेकि तेऊ रे चेले ़े रोत लउंदे नगरा बे नाठे दे , । 9 तेसे सामरी बेटढ़ी तेऊ बे बोलू , ''तूह यहूदी होई करे माँह सामरी बेटढ़ी का पाणी किबे लाऊ मँगणा ?” (किबेकि यहूदी सामरी संघा कोई व्यवहार नांईं डाहंदे , ।) 10 यीशु उतर दींना , ''अगर तूह दईबा रे बरदाना ज़ाणा , होर यह भी ज़ाणा कि सह कुँण साहा ज़ोह ताह बे बोला , 'माँह बे पाणी पलाह , 'तेबा तूह तेऊ का माँगा , होर सह 'माँह बे जीवना रा पाणी दींदा ।” 11 बेटढ़ी तेऊ बे बोलू , '' हे दईब , ताह सेटा पाणी भरने बे ता किछ साहा भी नांईं , होर कुअं डूघअ साहा ;तेबा ताह सेटा जीबना रा पाणी कंदा का ईंहणा । 12 कैह तूह महारे बापू यकुबा का बढ़अ साहा , जूणी हामा बे यह कुअं दींनअं ;होर तमे ं ही आपणे शोहरू , होर आपणे पशु समेत ऐ का झुतेऊ ?” 13 यीशु तेसा बे उतर दीना , ''ज़ोह कोई ऐऊ पाणी झुटलअ सह भी शोखअ हुणअ , 14 पर ज़ोह कोई तेऊ पाणी मेंज़ा का झुटलअ ज़ोह माँह तेऊ बे दींणा , सह तेहुकी अन्नतकाल (लास्ट) तणी शोखअ नांईं रहंणअं ;पर ज़ोह पाणी माँह तेऊ बे दींणा , सह तेऊ में एक सोता बणना ज़ोह अनन्त जीबना बे उमड़ते रहंणा ।” 15 बेटढ़ी इ तेऊ बे बोलू , '' हे दईब , तेऊ पाणी माँह बे देह ताकि हाँऊं शोखी नांईं रहोर नाह पाणी भरदी ऐतरी दूर नांहणा ।” 16 यीशु तेसा बे बोलू , ''नाह , आपणे मर्दा अखे शादअ ।” 17 बेटढ़ी इ उतर दीना , ''हाँऊं बिनामर्दा री साहा दी ।”यीशु तेसा बे बोलू , '' तूह ठीक बोला , ' हाँऊं बिना मर्दा री साहा ।' 18 किबेकि ताँईंए पाँज़ बयाह करी दे , होर जासू ु सेटा तूह ऐबरे साहा सह भी तेरअ मर्द नांईं आंधअ ।यह तांई सच ही बोलू ।'' 19 बेटढ़ी इ तेऊवे बोलु;''हे दईब; माँह लागा कि तूह ज्योतिषीसाहा । 20 महारे दादू बाबेए ऐऊ पहाड़ा प्रार्थना ही पैंदे करी; होर तू बोला सह जागहा ज़खे प्रार्थना लोढी यरुशेलेम में साह।” 21 यीशु तेसा बे बोलू; हे बेटढ़ी इ;मेरी गला रा बुशाह कर कि सह टाईम ईंणा कि तमे ं नांईं त ऐऊ पहाडा में बापू री प्रार्थना करणी , नाह त यरुशेलेमा में । 22 तमे जासू ु नांईं ज़ाणदे , तेऊ री प्रार्थना करा ;होर जासू ु हामे ज़ाणा तेऊ री प्रार्थना करा ;किबेकि उदार यहूदी का ही साहा । 23 पर सह टाईम ईंहधा , पर ऐबरे भी साहा , जासू ू में सच्चे भक्त बापू री प्रार्थना आत्मा होर सच्चाई का करले , किबेकि बापू आपु बे ऐहढे ऐढे ही आराधना लोढ़ा । 24 दईब आत्मा साहा , यह जरूरी साहा कि तेऊ री प्रार्थना करण आलेए आत्मा होर सच्चाई का प्रार्थना करे ।” 25 बेटढ़ी इ तेऊ बे बोलू , ''हाँऊं ज़ाणा कि मसीहा बे ख्रिस्त बोला , ईहंण आलअ साहा ;जेबा सह आल़ , तेबा हामा बे सभे गला खोज़णी ।” 26 यीशु तेसा बे बोलू , ''हाँऊं ज़ोह ताह बे बोलदअ , सहे साहा ।”

चेले ़े री बापसी

27 ऐतारे में तेऊ रे चेले ़े आउए , होर परेशान होई कि सह बेटढ़ी इ संघा गला लगदअ ;तेबा भी कोही नांईं पुछु , ''तूह कैह चाँहंदा ?”या '' कीज़ कि तणी गला करदअ लागदअ?” 28 तेबा बेटढ़ी इ आपण घडअ छाड़ी करे नगरा बे नाठी , होर लोका बे बोलदी लागी , 29 ''ईच्छा , एकु मणशा हेरा , जूणी सब कुछ ज़ोह माँईं करू माँह बे खोजू ।कही यहे त मसीह नांईं आंधअ ?” 30 तेबा तया नगरा का निखल़ी करे तेऊ सेटा बे ईंहधे लागे । 31 ऐता मझे तेऊ रे चेले ़े यीशु का यह विनती करी , '' हे मालका कुछ खाआ ।” 32 पर तेऊ तया बे बोलू , ''माँह सेटा खाणे बे ऐहडा खाणा साहा जासू ु तमे ं नांईं ज़ाणदे ।” 33 तेबा चेले ़े आपु में बोलू , ''कैह कुणीए तेऊ बे खाणे बे आणुदा ?” 34 यीशुये त्याह ह बे बोलू , '' मेरा खाणा यह साहा कि आपणे भेज़णे आल़े री इच्छा रे साबे चलू होर तेऊ रा काम पूरा करू । 35 कैह तमे नाईं बोलदेए , 'लउणे (कटनी) बे मची चार महीने रहिदेए ?'भालाआ , हाँऊ तमाबे बे बोला , आपांणी आछी खोली करे खेचा फेरा बे नज़र देआ कि लउणे बे पाकी मुके देए । 36 लउण आल़े मज़दूरी मांगा होर अनन्त जीवना बे फल़ बटोरा , ताकि बऊंणा आल़ होर लउणे आल़ दुहे मिली करे मज़ा करे । 37 किबेकि अखे यह कहाबत ठीक बेशा : 'बऊंणा आलअ होर साहा होर काटणे आलअ होर ।' 38 माँईं तमे ं तेऊ खेचा लऊंदे भेजी जासू ु में तमे मेहनत नांईं करीदूजे मेहनत करी होर तमे ं तया री मेहनता में भारी होई ।” सामरी रा बुशाह करणा 39 तेऊ नगरे रे बहू सामरीए तेसा बेटढ़ी रे बोलणाे का यीशु पैंदे बुशाह करू ;किबेकि तेसे यह गुयाही दीनी , तेऊ सब कुछ खोजू कि ज़ोह माँईं करू , मांह बे खोजू ।' 40 ऐतकी तणी जेबा या सामरी तेऊ सेटा आऊए , त तेसाका विनती करदे लागे कि म्हारअ खे रह । तेबा सह दुई धियाड़े तणी तखे रहू । 41 तेऊ रे बचना रे कारण होर भी बहू लोके बुशाह करू । 42 होर तेसे बेटढ़ी बे बोलू , ''ऐबा हामें तेरे बोलणाे में ही बुशाह नांईं करदेए ;किबेकि हामे ऐबा आपे भी शुणु होर ज़ाणा कि यहे सची जगता रे उदारा करण आल़ साहा ।” 43 तेहुकी तया दुई धियाड़ी बाद सह तखा का निखली करे गलीला बे नाठअ , 44 किबेकि यीशु आपे ही साक्षी (बोलू)कि ज़ोह द्शी आपणे देशे में आदर नांईं पाऊंदअ । 45 जेबा सह गलीला में आउअ , तेबा गलीली ख़ुशी होई करे तेऊ संघा मिली ;किबेकि जेतारे काम तेऊ यरुशेलेमा में ज़ाचा रे टाइमेंकरी , , तयाहे तया सब हेरी , किबेकि तया ज़ाचा में नाठेदेए , ।

राज कर्मचारी र स्होह शोहरू चांगअ करण

46 तेबा सह गलीला रे काना में आउअ , ज़खे तेऊ पाणी दाखरस बणाऊ , । तखे राजा र एक कर्मचारी , जासू कअ शोहरू कफरनहूमा में बीमार , । 47 सह यह शूणी करे कि यीशु यहूदी का गलीला में आउअद , तेऊ सेटा नाठअ होर विनती करदअ लागअ कि चालअ मेरे शोहरू चांगे कर ।किबेकि सह मरने आद , । 48 यीशु तेऊ बे बोलू , ''जेबरे तणी तूह चीन होर अद्बभुत काम नांईं भाल्लेए तेबरे तणी कधी भी बुशाह नांईं करणा।” 49 राजा रे कर्मचारी तेऊ बे बोलू , ''हे दईब ा , मेरे शोहरू रे मरने का पहिले चालअ ।” 50 यीशु तेऊ बे बोलू , ''नाह , तेरअ शोहरू जिउंदअ साहा ।”तेऊ मणशे यीशु री बोलीदीइ गलअ शूणी होर नाठअ । 51 सह बाता ही , कि तेऊ रे दास तेऊ होर बोलदे लागे , ''तेरअ शोहरू जिउंदअ साहा ।” 52 तेऊ तया का पुछु , ''केबरा ओरी ठीक हुँदअ लागअ ?”तयाहे तेउबे बोलू , ''हिज़ साते घण्टे में तेऊ र ज़र उतरु ।” 53 तेबा बापू ज़ाणु कि यह तेहू टाइमें होऊ जासू ु टाइमें यीशु तेउबे बोलू , ''तेरअ शोहरू जिउंदअ साहा , ''होर तेऊ होर तेऊ रे सारीे घराने बुशाह करू । 54 यह दूजा आशा ्चर्यकर्म , ज़ोह यहूदीया का इच्छी करे गलीला में रिहाऊ ।