यूहन्ना 3

यीशु होर निकुदेमुस

1 फरीसी में निकुदेमुस ना र एक मणश , , ज़ोह यहूदी र सरदार , । 2 तेऊए राची यीशु सेटा इछी करे तेऊ बे बोलू , ''हे रबी , हामे ज़ाणा कि तूह दईबा री तरफा का गुरु होई करे आउअद , किबेकि कोहे भी याह निशाणा ज़ोह तूह रिहाई सका ।” 3 यीशु तेऊ बे उतर दिना , ''हाँऊं ताह बे सच- 2 बोला , अगर कोई नऊंऐं सिरे का नांईं जन्मे तेबा दईबा रा राज़ नाईं हेरी सकतअ ।” 4 निकुदेमुसे तेऊ बे बोलू , ''मणश जेबा बूढलअ होऊ , तेबा केहड़े जन्म लई सका ?कैह सह आपांणी आमा बे गर्भा में दूज़ी बारी नाहीं करे जन्म लई सका ?” 5 यीशु उतर दिना , ''हाँऊं ताह बे सच -2 बोला , जेबरे तणी कोई भी मणश पाणी होर आत्मा का नांईं जन्मे तेबा दईबा रे राज़ा में नाहीं नांईं सकतअ । 6 किबेकि ज़ोह शरीरा का जमुदअ , सह शरीर साहा;ज़ोह आत्मा का जमुदअ , सह आत्मा साहा । 7 हेरान नांईं होई कि माँईं ताह बे बोलू , 'ताहा नउंऐ सिरे का जन्म लउंणा जरूरी साहा दा ।' 8 बागुर ज़ेसी चाँहंदा तेसी ही चला होर तूह तेसकी छेहढ शूणा , पर यह नांईं ज़ाणदअ कि यह कंदा का ईंहदा होर कंधा बे नाहंदा ? ज़ोह कोई आत्मा का जमुदअ सह ऐढा ही साहा दा ।” 9 निकुदेमुसे तेऊ बे उतर दिंना , ''या गला कैढे होई सका ?” 10 यह शूणी करे यीशु तेऊ बे बोलू , ''तूह इस्राएली र गुरु हुणे का बाद भी तूह याह गला नांईं समझदअ ?” 11 हाँऊं ताह बे सच-2 बोला कि हामे ज़ोह ज़ाणा तेता बोला , होर ज़ोह हामे हेरू तेतकी गुआही दींदा , होर तमे ं महारी गुआही ग्रहण नाईं करदे । 12 जेबा माँईं तांईं संघा पृथ्बी ी री गला करी होर तमे ं बुशाह नांईं करदे , अगर हाँऊं तांईं संघा सरगा री गला खोज़े बुशाह त तेबा केढे बुशाह करणा ? 13 कोहे सरगा पैंदे नांईं चढु , सीधी सहे ज़ोह सरगा का उतरु , अर्थात मणशा र शोहरू ज़ोह सरगे साहा । 14 होर जासू ु रीती संघा मूसे ज़ंगले सर्प उछटे में चढाऊ , तेसी रीती संघा जरूरी साहा कि मणशा र शोहरू भी उछटे में चढाऊ लोढ़ी ; 15 ताकि ज़ोह कोहे भी तेऊ पैंदे बुशाह करे तेऊ अनन्त जीबन पाऊंणा । 16 “किबेकि दईबे जगता में ऐढा प्रेम डाहू कि तेऊ में आपणअं ऐकु शोहरू भी दींनअं , ताकि ज़ोह कोई भी तेऊ पैंदे बुशाह क्रुसा ह नष्ट नांईं होए पर अनन्त जीबन पाए । 17 दईबे आपणअं शोहरू ज़गता में एतकि तणी नांईं भेजु कि ज़गता पैंदे दण्डा री आज्ञा दे , पर एतकि तणी कि जगत तेऊ रे दुआरा उदार पाए । 18 ज़ोह तेऊ पैंदे बुशाह करा , तेऊ पैंदे दण्डा री आज्ञा नाईं हुँदी पर ज़ोह तेऊ बुशाह नांईं करदअ , सह दोषी ठहरू ;एतकि तणी कि तेऊ दईबा रे ऐकु शोहरू रे ना पैंदे बुशाह नांईं करू । 19 होर दण्डा री आज्ञा रा कारण यह साहा कि ज्योति जगता में आई , होर मणशे निहारा ज्योति का बहू प्यारा समझ किबे तया रे काम बुरे , । 20 किबेकि ज़ोह कोई बुराई करा , सह ज्योति संघा बैर (दुशमनी) डाहंदा होर ज्योति नेड नांईं ईंहंदअ , ऐडा नांईं होए कि तेऊ रे कामा में दोष लाए । 21 पर ज़ोह सत्य (सचाई) पैंदे चला , सह ज्योति नेड ईंधाआ , ताकितेऊ रे काम प्रकट हो कि त्याह दईबा री तरफा का करी दे हो ।”

यीशु रे बारे युहन्ना री गुआही

22 ऐता बाद यीशु होरतेऊ रे चेले ़े यहूदी देशा में आउए ;होर तखे तयाहे संघा रहिकरे बपतिस्मा दींदअ लागअ । 23 यहुन्ना भी शलेमा रे नेड ऐनोना में बपतिस्मा दींदा , , किबेकि तखे बहू पाणी , , होर लोका तखे इच्ची करे बपतिस्मा लऊंदा , 24 यहुन्न तेऊ टाइमे तणी जेलखाने में नांईं पाऊ , - 25 तखे यहुन्ना रे चेले ़े रा कासु यहूदी संघा शुद्धी रे बारे में बाद-बिबाद (झगड़ा) , । 26 होर तयाहे यहुन्ना सेटा इच्ची करे तेऊ बे बोलू , ''हामेलका , ज़ोह मणश यरदन रे पाहर तांईं संघा , होर जासू की तांईं गुआही दिंनी;हेरू , सह बपतिस्मा दींदा , होर सब तेऊ सेटा इंधा ।” 27 यहुन्ना उतर दिना , ''जेबरे तणी मणशा बे सरगा का नांईं दिना , तेबरे तणी सह किछेए नांईं पाई सकतअ । 28 तमे ं त मेरे ही गुआह साहादे कि माँईं बोलू , हाँऊं मसीह नांईं , पर तेऊ ज़ैहं भेजुदअ । 29 जासू की लाढ़ी साहा , सहे लाढअ साहा;पर लाढे र मित्र ज़ोह खड़अ होऊ तेऊ री शूणा , लाढे रे शब्दा का बहू खुश हुँदा :ऐबा मेरा यह ख़ुशी पूरी होई । 30 ज़रुरी साहा कि सह बढ़े होर हाँऊं घटे । 31 ''ज़ोह उज्हे का ईंन्धा सह सर्बो तमे (बढ़अ ) साहा ;ज़ोह पृथ्बी ी का ईंहंधा सह पृथ्बी ी र साहा , होर सह पृथ्बी ी री ही गला बोला:ज़ोह सरगा का ईंहंदा , सह सभी का उज्हे साहा । 32 ज़ोह कुछ तेऊ भालूऊ होर शुणु , ते री गुआही दींदा ;होर तेऊरी गुआही ग्रहण नांईं करदअ । 33 जूणी तेऊ री गुआही ग्रहण करी तेऊ ऐसा गला री छाप लाई कि दईब सचअ साहा । 34 किबेकि ज़ोह दईबे भेजुदअ , सह दईबा री गला करा ;किबेकि सह आत्मा नापी-नापी करे नांईं दींदा । 35 बापू शोहरू संघा प्यार डाहंदा , होर तेऊए सारीी चीज़ा तेऊ रे हाथे दींनी दी । 36 ज़ोह शोहरू पैंदे बुशाह करा , अनन्त जीबन तेऊ रा साहा ;पर ज़ोह शोहरू री नाईं मनदअ तेऊ जीबन नाईं हेरणा , पर दईबा रा रोश तेऊ पैंदे रहंदा ।”