मत्ती 24

देहुरे रे बिनाशा री भबिष्यबाणी

1 जेबा यीशु देहुरे का निखल़ी करे नाहंदअ तीही , तेबा तेउरे चेले देहुरे ऋ रचना रिहाउंदे तेऊ सेटा बे आउए । तेऊ तयाबे बोलू , “ तमे यह सब हेरदे लागेदे! हाँऊं तमा बे सच बोला , अखे पाथरा पेंदे पाथर भी नाईं छुटणअं ज़ोह नाईं ढाउंणअं ।? संकट होर क्लेश 2 तेऊ तयाबे बोलू , “ तमे यह सब हेरदे लागेदे! हाँऊं तमा बे सच बोला , अखे पाथरा पेंदे पाथर भी नाईं छुटणअं ज़ोह नाईं ढाउंणअं ।? संकट होर क्लेश 3 जेबा सह जैतूना पहाडा पेंदे बेठअ द तीही , तेबा चेले एकान्ता में तेऊसेटा इच्छी करे बोलू , “ हामा बे खोझ कि या गला कधु हूँणी ? तेरे ईंहंणे रा होर जगता रअ न्त रा कैह निशाण हूँणा ?” 4 यीशु तया बे उतर दिंना , “ साबधान रहा ! कोई तमा ना भरमाई पाए , 5 किबेकि बहू जे एढे हूँणे ज़ोह मेरे ना का इच्छी करे बोलले , ' हाँऊं मसीह साहा ' , होर बहू भी भरमाउंणे । 6 तमा चिखणे होर चिखणे री चर्चा शुंणनी , तेबा नाईं डरे किबेकि याह रा हूँणा जरूरी साहा , पर तेऊ टाइमे अन्त नाईं हूँणा । 7 किबेकि जाति पेंदे जाति , होर राज्य पेंदे राज्य चढाई करणी , होर जगह - जगह पेंदे अकाल पड़ने , होर ज़ाज़री हूँणी । 8 या सब गला पीड़ा (दाहु) री शुरुआत हूँणी 9 तेबा क्लेश दींणे री तणी तमे ढाकणे बझयाल़णे , होर तमे मारी पाउंणे , होर मेरे ना रे कारण सभी जाति रे लोका तमे संघा बइर डाहंणा । 10 तेबा बहू कै ठोकर खांणी , होर एक दूजे ढाकणे बझयाल़णे , होर एकु दूजे संघा बइर डाहंणा । 11 बहू जे झूठे भबिष्यद्क्ता खड़े हूँणे , होर बहू भरमाउंणे । 12 अधर्म रे बढने का बहू रा प्रेम ठाण्डा पढ़णा , 13 पर ज़ोह लास्ट तणी धीरज धरी रहलअ , तेहू रा उदार हूँणा 14 होर राज्य रा यह सुसमाचार सारीे जगता में प्रचार करे करना , कि सभी जाति पेंदे गाही हो , तेबा अन्त इहंणा । महासंकटा रा आरम्भ 15 “ एतकी तणी जेबा तमे टू उजाड़णे आल़ी घृणित बस्तु बे जासू की चर्चा दनिय्येल भबिष्यद्क्ता रे दुआर होई , पवित्र ज़ाघा में खड़ी होई हेरा (ज़ोह पढ़े सह समझे ) , 16 जेबा ज़ोह यहूदी में हो तया पहाडा बे भागे । 17 ज़ोह छता पेंदे हो , तया आपणे घरा मेजा का समाना नीदें नाईं उतारे ; 18 होर ज़ोह खेछे हो , तया आपणे कापडे आणदे पीछे नाईं फिरे । 19 तया दुही में ज़ोह सुइंदी होर दुधा पलाउंदी होली , तया बे हाय । 20 होर प्रार्थना करा :की तमा सर्दी री दिहाड़ी या सब्त री धिहादी ठुरण नाइ पड़े 21 किबे कि तेऊ टाइमे एढा ज्यादा क्लेश हूँणा , जेड़ा जगता में पहिले का एब्रे तणी होऊ होर नाह कधी हूँणा । 22 किबे कि तेऊ टाइमे एढा ज्यादा क्लेश हूँणा , जेड़ा जगता में पहिले का एब्रे तणी होऊ होर नाह कधी हूँणा । 23 तेऊ टाइमे अगर तमा बे कुछ बोले , 'हेरा मसीह अखे साहा !' या 'तखे साहा , तेबा बुशाह नाईं करे । 24 किबेकि झूठे मसीह होर झूठे भबिष्यद्क्ता खड़े हूँणे , होर बड़ेे निशाण , होर बड़ेे अद्बभुत काम रिहाउंणे कि अगर होई सके कि चुनी दे भी भरमाए । 25 हेरा , माईं पहिले का यह सब कुछ तमा बे बोलू । 26 एतकी अगर तया तमा बे बोले , ' हेरा सह बूणे साहा ' , तेबा बागे नाईं निखल़े ; या 'हेरा , सह कोठरी में साहा ' , तेबा बुशाह नाईं करे । 27 किबेकि जेड़े बिजली पुर्बा का निखल़ी करे पशिचम तनी चमका , तेडे ही मणशा रे शोहरू रा भी इहंणा हूँणा । 28 ज़खे लोथ(मुअं द डागअ ) हो तखी शशणी कठे हूँणी । मणशा रे शोहरू रा पुनरागमन 29 “तया धियाड़े रे क्लेशा रे तेभरी बाद ध्याढअ न्यारअ हूँणअं , होर ज़ोह था रा प्रयाशा नाहंदा रहंणा , होर तारे सरग ा का पढ़णे होर सरग ा री शक्ति हिलाउंणी । 30 तेबा मणशा रे शोहरू रा निशाण सरग ा में हेरना , होर तेबा पृथ्वी रे सभी कुला रे लोका हिक ठोकणी , होर मणशा रे शोहरू बे बड़ेी सामर्थ्य होर ऐश्बर्य संघा सरग ा रे बादल़े पेंदे इहंदे हेरने । 31 तया तुरही रे बड़ेे शब्दे संघा आपणे दूत भेज़णे , होर तया सरग ा रे एउ छोरा का तेऊ छोरे रे तणी , चहु दिशा का तेउरे चुनी दे कठे करने । अंजीरा रे बूटे रा उदाहरण 32 अंजीरा रे बूटे का यह दृष्टान्त सिखा : जेबा तेउरी डाल़ी नर्म हूँदा होर पाच निखल़ते लागा तेबा तमे ज़ाणा कि ग्रीष्म काल नेढ साहा । 33 एसी रीति का जेबा तमे याह सभी गला हेरा , तेबा जाणना की सह नेढ साहा , दुआरा सेटा ही साहा । 34 हाँऊं तमा बे सच बोला कि जेबरे तणी या सभे गला पूरी ना हो , तेबरे तणी एसा पीढ़ी रा अन्त नाईं हूँणा । 35 सरग होर पृथ्वी टल़ने , पर मेरी गला कधी नाईं टल़णी । ज़ागदे रहा 36 “तेसा धियाड़े होर तेसा घड़ी रे बिषय में कोई नाईं ज़ाणदअ , नाह सरग ा रे दूत होर नाह शोहरू , पर सीधी बापू । 37 जेड़े नूहा रे ध्याड़े तीही , तेढा ही मणशा रे शोहरू रा इहंणा हूँणा । 38 किबेकि जेड़े जल प्रलय का पहिले रे ध्यादे में , जासू धियाड़े तणी कि नूह जहाजा में नाईं चढू , तेसा धियाड़े तणी लोका खांदा पींदा , , होर तया में बियाह हूँदा , । 39 होर जेबरे तणी जल प्रलय इच्छी करे तया सभे नाईं बहाई , तेबरे तणी तया किछे भी पता नाईं पढू ; तेडे ही मणशा रे शोहरू रा इहंणा भी हूँणा । 40 तेऊ टाइमे दुई जन खेचे हूँणे , एक निणअं होर दूजअ छाढणअं । 41 दुई बेटढ़ी चक्की पिश्ती रहंणी , एक निणी होर दूजी छाढणी । 42 एतकी तणी ज़ागदे रहा , कि तमे नाईं ज़ाणदे कि थारअ दईबा कासु धियाड़े इहंणअं । 43 पर यह ज़ाणा कि अगर घरा र स्बामी ज़ाणा हूँदअ कि चोर कासु पहरे इहंणअं तेबा जागदअ रहंदअ , होर आपणे घरे सेंध लागणे नाईं दींदअ । 44 एतकी तणी तमे भी तयार रहा , किबेकि जासू घड़ी रे बिषय में तमे सोचते भी नाईं आंह्धे , तेसी घड़ी मणशा र शोहरू इहंणअं । बिश्बासयोग्य दास होर दुष्ट दास 45 “ पर सह बिश्बासायोग्य होर बुदिमान दास कूंण साहा , जूण स्बामीएँ आपणे नोकरा चाकरा र सरदार डाहू कि टाईमा पेंदे तया बे रोटी दे? 46 धन्य साहा सह दास , जासू तेऊर स्बामी इच्छी करे एढा ही करदे हेरे । 47 हाँऊं तमा बे सच बोला , तेऊ सह आपांणी सारीी सम्पति र अधिकारी डाहंणअं । 48 पर अगर सह दुष्ट दास सोचतअ लागे की मेरे स्बामी रे ईंहंणे में देर साहा , 49 होर आपणे सा दासा चिकतअ लागे , होर पिआक्ढू संघा खाए झूटे । 50 तेबा तेऊ दासा र सबमि एढे ध्यादे इहंणअं , तेबा सह तेउरी बाट ना ज़ोह , होर एढी घड़ी जासू सह ज़ाणदअ ना हो , 51 तेबा तेऊ तेउबे भारी ताड़ना दींणी होर तेऊर भाग कपटी संघा डाहंणा : तखे लेरना होर दाँद चाबणे हूँणे ।