Lawar barga-a barganambu-a tadawa Nawi Nuhuye
5
18 Tadawa Nuhuye curo dǝɍyidǝyen caluwunadǝ,
tandima Samu-a Hamu-a Yafisu-a wo.
Hamudǝ,
tima bawa Kan'anaye wo.
19 Ani tandima tadawa Nuhuyedǝ wo.
Am Ala cakke dunia ngaro tatardaanaso samma kaduwunja.
20 Nuhudǝ sanianju bare,
jǝrwu cǝde kǝska inabbe kokkeno.
21 Ingi inabbe tiro diben canidǝa cane,
sagarande curo leimanjuyen duwon ɍinde yanjuye camboro boyeno.
22 Hamu bawa Kan'anaye Nuhu asǝrnju jakcǝnni bowada kirunniya,
yanjugǝna yindi deyan daadaro wulyeyeno.
23 Daji Samu-a Yafisu-a kalwu ngojane ngawananjaro lapcagane,
bare asǝr bawanjaye carunniro,
ngawosǝrlan ngasaye bawanjaa jakkera.
24 Diben kǝla Nuhuyen jǝpce awo Hamu tadanju ganadǝ tiro cǝddǝnadǝa fangenniya,
25 Nuhuye:
«Ala Kan'anaa baskujo!
Kaɍea rawawanjuyero waljo!
Kaɍeawanja sammayen ngawonno waljo!
26 «Ala ni Kǝma Samuyedǝ,
darajanǝm tǝrga!
Kan'ana kaɍea Samuyero waljo!
27 Ala cidi Yafisuyea farakko cǝdo,
ti-a Samu-a kallo dasaa!
Kan'ana kaɍea Yafisuye yero waljo!»
28 Ngawo ingi tufanaye kojǝnayen,
Nuhu dunian kǝrwu yer yakkun fiwunno napkenniya,
Alaye kirǝmbo.
Sammanjuso Nuhu dunian kǝrwu yer lǝgarnin fiwunno napce duwon Alaye kirǝmbo.