Lawar bǝla soro sameyea Babila caniye
6
Am duniayedǝ samma tǝlamnja tilo.
2 Cijane adinnambo bǝrdagai duwon,
curo lardu tiro Shinar caniyen na cawande napkera.
3 Daji amanjaro:
«Arowo,
jalap kammiyo,
ngǝlaro warniyo!»
Jalap wargadama kaunja tandoye wo,
koro koltama sǝmintinja wo.
4 Waldane amanjaro:
«Arowo,
kǝlandero bǝla curonjun soro sameye dadunju har samero lejǝgǝnaa tǝttandiyo,
cunde culuwo,
bare dunia ngaro tatardǝgǝiyendero!»
5 Amma bǝla adamgǝnaso cadandǝna-a soronju sameye-adǝa kuroro Kǝmande jǝpkeno.
6 Kǝmandeye:
«Ngo jamadǝ tilo,
tǝlamnja ye tilo,
awo cadǝna adǝ badiduram bas!
Fuwuro geyaa,
awo niajana tayiro tiyerima bawo.
7 Arowo,
jǝmmiyo,
bare kam mana kamanjuye fanjǝnniro tǝlamnja cawulǝk cawulǝkko diyo,
gadeja!»
8 Daji Kǝmande nadǝn dunia ngaro tayia tatarjiye bǝlanjadǝa tando kolyera.
9 Nadǝn Kǝmande tǝlam am dunia sammayea cawulǝkko cǝde gadejana nangaro,
bǝladǝro Babila yera.
Maana Babilayedǝ cawulǝktu.
Koro Kǝmande nadǝn amdǝa dunia ngaro tataryeyeno.