Lawar laya njǝkkayiram Kǝmandeye
7
Musa-a Haruna-a Masarnin duwon,
Kǝmande tayiro:
2 «Kǝndawu kǝrmaye adǝ,
kollowo kǝndawu badiduram saayero waljo!
Tima kǝndawundo burwoye wo.
3 Jama Israyilawuye sammaro wulgǝnowo,
kǝndawu adǝye kawu mewua curo fado fiyen yaye layaro lǝman fal fal cada.
4 Am fadodǝye runja rakcane lǝmandǝa jagariwawoa,
kǝmaskinja karǝnnjayea bowoja rokko jagaro.
Lǝman rakcane jagari kǝreja cada.
5 Ngǝlaro bi dal layaro ngǝla kǝrwu falla cada,
6 kawu mewu deri kǝndawu adǝyero roja!
«Yim adǝn dunia lǝmdu karǝnjiya,
jama Israyilawuye fadoma fi yaye lǝmannjua duwajo.
7 Budǝa ngojo kǝska tawara cinna fannjuye na da jagaridǝyero cinjuwo.
8 Curo buneyen lǝmandǝa warja,
burodi yis bawoa-a kalu cǝm-an tia jagaro.
9 Bare danju kǝɍi bi ingin deyadaa jagarǝnni.
Lǝmandǝye ndaranjuma koldǝnniro,
kǝlan kal,
sin kal,
kare curoyen kal,
warja tia jagaro.
10 Bare awima baɍiyero koljanni.
Wajǝnanjua,
awo laa gapcǝnaa,
tia rǝmǝs kannun warja.
11 Akko jiɍi dadǝa jagaridǝ:
kajǝmu canjaro tikkerǝna,
suno sinin,
ka mukko wailanin,
nagatto jagaro.
Adǝ tima laya njǝkkayiram Kǝmandoye wo.
12 «Bune adǝ Masar ngaa gakke tada burwoye fi yaye,
kamben kal,
lǝmannen kal,
roro yejǝkki.
Sǝnǝmba Masarwu mǝrsajanadǝa bassǝkki.
Wuma Ala Kǝma Israyilawuye wo.
13 Bu cinna fanndoyero cingǝwwa adǝ,
tima sheda nayia njǝkkawoyero walji.
Bu adǝa rukkiya kokki,
fanndoro ngaakkiwawo.
Ngainin ajawu karmoye Masarwuro gǝnagǝkkidǝ nayia njawandiwawo.
14 Yim adǝ nayiro awo adǝa isatannjagairo walji.
Jaman fi yayen saa saalan lamar adǝa diwe ngǝmǝri adǝn wuro daraja siwi.»
21 Musa amwurawa Israyilawuye sammaa bowoje:
«Lenowo ngǝlaro bi dal jamandoro manowo,
bu fida laya njǝkkayiram Kǝmandeyea dewo.
22 Budǝa curo kalwoyero figǝwiya,
dǝlam kǝɍi kǝskaye curodǝro yakkuwiya,
kǝska tawara cinna fanndoyero cingǝnowo.
Bare wunduma har baɍi suwaro fadon culuwunni!
23 Kǝmande Masar ngaa jǝgane am larduyea njejo ngǝssiya,
bu adǝa cinnandon curuiya,
koji.
Kolje ajawu karmoyedǝ nayia nanjagaiwawo.
24 «Nayi-a kaduwundo-a gala adǝa bare duniaman ngessuwwi!
25 Cidi Kǝmande nayiro njadi cǝnnaro lenuwiya,
ibada adǝa saa fi yaye dewo!
26 Tadawandoye nayiro:
"Awi ibada adǝye maananju wo?"
caniya,
27 tayiro:
"Bu fida laya njǝkkayirambe Kǝmandero yiddiye.
Masarnin sa dǝgaiyenadǝ Kǝmande Masarwua roro kejo,
amma andi Israyilawua lesanni,
fanndeyen koje roa kolsera,"
wullowo.»