Lawar mana ngodunambu Nawi Musaye
3
Masarnin caluwunaye saa fidewua kǝndawu burwoyedǝn jama Israyilawuye samma Kadesso walladara.
Na adǝman Miriyamatu yaana Musa-a Haruna-aye bawoje sittǝrayera.
2 Ingi kǝnjayema jamaro tiyero.
Na Musa-a Haruna-ayen captane Musaa lawalaro majane:
«Ǝn!
Sa Kǝmande amande gadea cejǝnadǝ ca andi ye nuiyo ye!
Awiro andi jama Kǝmandeyedǝa karaa adǝro sewudǝm?
4 Andi-a lǝmannande-a na adǝn nuiyoro wa?
5 Awiro andia Masarnin settuluwum?
Caman andia na kuttu adǝro kudoro wa settuluwum?
Na adǝn awima rangiye nadiyewawo.
Tarmu so,
inab so,
ruman soma bawo.
Ingima bawo.»
6 Musa-a Haruna-a jama capkadadǝa koljane cinna leima Ala-a tadorambedǝro lejane tungurumjane ngumnja cidin gǝnayera.
Daji kǝrmai Kǝmandeye tayiro fǝlediye Kǝmandeye:
8 «Musa,
kanǝm ngone.
Ni-a yeiyanǝm Haruna-a jamadǝa cammowo.
Fuwunjan kaudǝro wulgǝnowo ingi njado.
Daji ngainin kaudǝn ingi tuluwuwe jamadǝ-a lǝmannanja-a casai.»
9 Musa leima Alayero ngaye Kǝmande wuljǝnadǝ gai kanju ngoyeno.
10 Ti-a Haruna-a jamadǝa fuwu kau Kǝmande wuljǝnadǝyen capcane Musaye:
«Fanowo ansiya!
Kau adǝn nayiro ingi tuluwiye wa?»
11 Mukkonju sapce yindiro kaudǝa bakkeno.
Ingi ngǝwuro culuwe jama-a lǝmannanja-a kesa.
12 Amma Kǝmandeye:
«Musa-a Haruna-a,
wua mǝrsasuwe fuwu Israyilawuyen daraja siwwi!
Adǝ nangaro nayi gǝni jama adǝa lardu tayiro yikki nǝkkǝnadǝro yaduwi.»
13 Israyilawu Kǝmandea lawalaro cadana nangaro ingi adǝa ingi Meribayenin bowojai,
maananju lawala.
Nadǝn Kǝmande fuwunjan darajanju fǝleyeno.