Lawar napta jama Israyilaye Masarnin
8
31 Isuwu kǝramiyanju-a durra bawanjuye-aro:
«Lekke Fira'aunaro kǝramiyani-a durra bawaniye-a lardu Kan'anayen isana wulgǝgǝkki.
32 Tiro nayi sǝniya koro dimiyando-a kaniyando-a feyando-a awo tawwa sammaa kuduwwa nǝkki.
33 Fanowo,
Fira'auna nayia bowonjane awi saniando cǝniya,
34 tiro:
"Barganǝmnin,
andi tǝn tǝngǝɍindeyen har kumaro sǝniya.
Kaan kaarinno adǝma saniande wo,"
wulgǝnowo!
Adin Masarwuye sǝni cǝraannidǝ,
adǝgai tiro wulgǝwiya,
kolnjane nanjan kuruwunin kanji kaɍangi lardunjaye cidi Goshennen nammuwi.»
41 Isuwu na Fira'aunaroyero leje:
«Barganǝmnin,
bawani-a kǝramiyani-a dimiyanja-a kaniyanja-a feyanja-a karenja samma-a lardu Kan'anayen isana.
Kǝrmadǝro tayi cidi Goshennen.»
42 Kam uwu curo awaanawanjuyen cuwude Fira'aunaro fǝleyeyeno.
43 Fira'aunaye:
«Awi saniando wo?»
«Barganǝmnin,
andi sǝniya dimi-a kani-aye,
andi kaan kaarinno nansǝni saniande wo.
44 Lardu adǝro napturo kadiye,
lardunde Kan'anayen jauro kǝnaa,
koro kajim ye bawo nangaro.
Marne,
kasadde cidi Goshennen nammiyo!»
45 Fira'aunaye:
«Isuwu,
bawanǝm-a kǝramiyanǝm-a nanǝmbo isana.
46 To,
lardu Masarre curo mukkonǝmben.
Tayia na sammaro ngǝla wodǝro yade,
cidi Goshennen napca!
Ngawo adǝyen curonjan am kidanja ngǝlaro nojana nonǝmma mennaa,
lǝmannania mukkonjaro yakke!»
47 Daji Isuwu bawanju Yakubaa cuwude Fira'aunaro fǝleyeyeno.
Yakuba Fira'aunaa darajaaro lewayenniya,
48 Fira'aunaye:
«Yakuba,
kǝrwunǝm ndawu?»
49 «Kǝrwuni mian fiakkun.
Kawuni gana ye,
leiyaa ye,
kawu bawaniye-a kaaniye-a naakkǝni.»
50 Daji Fira'aunaro barga dǝpciye leyeno.