3 Daji yeiyawa Isuwuye mewudǝ Masarro algama njuworo leyera.

4 Amma Biniyamini kanna Isuwuye lejǝnni.

Yakubaye:

«Biniyamini-a nayi-a rokko leniyo rakkǝni,

bare masiwa laa tia cuwandǝnniro!»

5 Lardu Kan'anayero kǝna ngaana nangaro,

tadawa Yakubaye am algama njuworo lejaidǝro kǝldagane leyera.

6 Isuwu tima lardudǝa cunodi ye,

tima jamadǝro algama cǝkkǝladi ye.

Daji yeiyawanju isane fuwunjun ngujane ngumnja cidin gǝnayera.

7 Tayia kirunniya,

asujǝnama,

tayiro nodu fǝleduwu waje jauje:

«Ndaran kadiw?»

«Lardu Kan'anayen kǝmbo njuworo.»

8 Isuwu yeiyawanjua asujǝna,

amma tayi tia asujanni.

9 Kǝnnasim kǝlanjan cǝdǝnadǝa takce:

«Nayi sǝɍi diowu!

Larduye nanju sǝɍiwo kǝskeadǝa noduro kadiw.»

10 «A'a!

Barganǝmnin,

kǝmbo njuworo kadiye.

11 Andi samma tadawa kam falle.

Andi am adalla,

sǝɍi diowu gǝni!»

12 «Jire gǝni,

na larduye sǝɍiwo kǝskeadǝa kuroro kadiw!»

13 «Bawande kam Kan'anayen andi tadawanju mewun yindin duwon tǝngǝɍimande nanjun napkeno isǝnni,

koro falmande faccǝgǝna.»

14 «Adǝma awo nayiro wulnjagakkǝnadǝ,

nayi mǝnafǝkka!

15 Akko jiɍi dikke nayia rijamnjakkidǝ.

Cu Fira'aunayen kansi bukkǝna,

kannando isǝnni duwon na adǝn luwuwwawo.

16 Kamndo fal nodowo lejo cuwudo,

nayi gadedǝ koson nammowo.

Manandodǝ jire bi jire gǝniro nokke.

Jire gǝnia,

cu Fira'aunayen kansi bukkǝna,

nayi mǝnafǝkka!»

17 Isuwu tayia kawu yakkuro kosoro kekkǝnniya,

18 kawu yakkuyeadǝ Isuwuye:

«Rondo rawuwwaa,

ngo awo diwidǝ.

Wu Alaa rikkǝna.

19 Jiremaro nayi adallaa,

kasaddowo kamndo fal kosolan napco!

Nayi gammuwwadǝ algama jamandoro yikkadowo kǝnanja culuwo!

20 Daji kannando kudowo rukke manando jirero nokke bare nuwwiro!»

21 «Barganǝmnin,

kassadiyena.»

Kattenjan:

«Fagat,

kannande Isuwuro biwu yiddiyena.

Karwukuttanju sa andia lowosane tia kolliyo cǝnidǝye ruiyena,

amma tia kǝrndu waniyena nangaro,

andia kuttu adǝ sewando.»

22 Rubenne:

«Nayiro bare Isuwuro biwu yidduwwi wulnjagakkǝna,

gǝna?

Amma fanduro wayew!

Kǝrma Ala kǝla karmonjuyen andia sawori.»

23 Isuwu tǝlamnja fanjiro nojanni,

dalil kam tiro jandenja kalakciyi ngojǝna.

24 Daji Isuwu mananja adǝa fangenniya,

tayin kuruwunno leje kiro.

Tayiro jandeduwuro walladanniya,

fuwunjan cakke Simiyonna cadane kekkero.

25 Amnjuro karenja sammaa algaman casǝmbǝɍo wuɍinja buwunjaro kalakcaa koro tayiro kansi jawalle cado cǝne sammaa kedo.

26 Daji korowanja algaman lapcane jawal keda.

27 Na laan buneje jǝpkeranniya,

kamnja fal koronjuro kǝmbo ci cǝne karenjunju kayenniya,

wuɍinju ci buwu alamayen cure:

«Wuɍini kalansaana,

akko ti curo buwuniyen!»

Karwunja kamde lolojane:

«Attǝ awi Ala saddo!»

29 Lardu Kan'anayero na bawanja Yakubayero kadiranniya,

awo tayia cuwandǝnaa wuljagane:

30 «Kam lardudǝa cunodidǝ jauje andi sǝɍi dioro lardudǝro kadiye yeno.

31 Andiye tiro:

"Andi am adalla,

sǝɍi diowu gǝni!

32 Bawandeyen andi kam mewun yindin duwon,

falnde bawo,

koro tǝngǝɍimande lardu Kan'anayen na bawandeyen napkeno isǝnni,"

yeiye.

33 Tiye:

"Ngo jiɍi nayi adallo nonjakkidǝ:

kamndo fal nanin kollowo,

algama ngǝwu ngonowo kǝna jamandoye lenowo yejowo.

34 Lenowo kannandodǝa kudowo rukke nayi mǝnafǝkka gǝni am adallaro nokko.

Daji kǝramindo rokkǝnadǝa kollǝkke,

lardudǝn wusǝrndo dewo!"»

35 Buwunja fǝkcai duwon,

ngo jǝganja wuɍiyedǝ!

Tayi-a bawanja-a wuɍinja sammaa kerunniya,

karwunja kamgada.

36 Bawanjaye:

«Wu-a tadawani-a faisawwa.

Isuwu bawo,

Simiyon ye bawo,

koro Biniyaminia ngonuwi.

Kǝlaniro diye awo adǝ cukkuri!»

37 Rubenne:

«Biniyaminia kukkǝniro walyenoa,

tadawani yindi sammaa yeje!

Mukkoniro yakke,

wu ye tia njukkudǝkki.»

38 «Tadani-a nayi-a kallo lenuwwawo.

Yanjugǝna nuna,

tadawa kamuni Rabeka cambǝnadǝn ti runju gapco.

Curo bǝlawurondoyen kudǝra laa tia kiwandoa,

yakkuwe wu jauro kiarinǝkkǝnaa karwukutta sesi.»

41 Kǝna lardu sammaro cayema kojǝnaro ngayi duwon,

42 algama Masarnin cawudǝna sammaa jawune kerǝnniya,

bawanja Yakubaye:

«Waldǝnowo andiro kǝmbo gana laa sakkiwowo!»

43 Yahudaye:

«Kam lardudǝa cunodidǝ kannande kudiyendea,

tia kasacce ruiyewawo cǝnna.

44 Kasaddǝme Biniyamini-a leyeiyea,

kǝmbo njǝkkiwiye.

45 Amma kasaddǝmmia,

leniyewawo,

dalilnjudǝ andiro kannande kudiyendea,

andia kasansaiwawo cǝnna.»

46 «Awi nangaro kanna tawwa tiro wulyeyew?

Awi nangaro biwu adǝa sedduw?»

47 «Tima kǝla andi-a jamande-ayen koro dama baworo sadde yeno:

"Bawando koroson roa wa?

Kǝramiya gade tawwa wa?"

Andi jaawu koro aniro bas keiye.

Ndayilan kannandea kudowo cǝne andia saworiro noniye?»

48 «Kolle Biniyaminia ngokke leniyo,

ni-a andi-a tadawande-a roa dǝgaiye rayiyenaa.

49 Wuma tia ɍiwukki,

wua suwore tia kalannjǝgǝkkǝnia.

Nanǝmbo tia kalannjǝgǝkkǝnnia,

biwu njǝddǝkkǝna adǝa sawisoro kǝlaniro ngokki.

50 Kǝrma ngai ngaro daniyendea,

lenǝm'are yindiye diyena.»

51 «Adǝgaimaa,

awowa ngalwo ngalwo lardundeye ngonowo,

kam adǝro jiyero yikkadowo.

Kango so,

kaaji so,

kǝmagǝn so,

tadawa kǝskaye kǝji kǝji so,

koro wuɍi kawak yindi ngonowo.

52 Waneye yim todǝma taljane wuɍidǝa ci buwundo algamayero kesakko.

53 Kannando yea ngonowo,

na kam adǝyero wallowo.

54 Kǝmande Ala martawama cakko kam adǝ nayia njunonja kolnja kǝramiyando Simiyon-a Biniyamini-a kallo arowo!

Wua kureman tadawa fuddǝkkǝna,

koro yaye fuddǝkkidǝma.»