3 Daji na kamunju bawojǝnaalan cije leje Hittiwuro manayeyeno.

4 «Wu sikudo naptu kusottoye curondon dikki.

Wuro na sittǝra dioye sewoye,

kamunia sittǝrakke.»

5 «Barganǝmnin,

kǝrǝnsane.

Curonden Ala nia mairo njǝddo.

Kamunǝmba curo kauriyandeye ngalwonjannadǝ.

Kamnde falma kamunǝm nadoro niro kaurinju damnjiyi bawo.»

7 Ibrahim cije fuwu Hittiwu am cidi adǝyen ngǝlaro nguje:

«Kamunia jiremaro nadǝkki amarsuwuwwaa,

wua kǝrǝnsǝnowo,

Ifuron tada Soharrea wuro yikkorowo,

9 kul kauye ci kulonjuyendǝa sǝkkǝlado.

Kul adǝ na sittǝra dioniyero dawu cidindoyen waljoro,

tia korowo tamannjuro sǝkkǝlado!»

10 Ifuron dawu amanju Hittiwuyen ngaworam bǝlayen napkadadǝ nukce fuwu Hittiwu nadǝn captana ngayen Ibrahimbo:

11 «Ǝn!

Ǝn!

Barganǝmnin,

wua kǝrǝnsǝne.

Kulodǝa niro njikkǝna,

kulnju yea njikkǝna.

Ngo fuwu Hittiwuyen niro ngekko.

Lene kamunǝm sittǝrane!»

12 Ibrahim fuwu jama lardudǝyen ngǝlaro nguje

13 fuwunjan Ifuronno:

«Marne wua kǝrǝnsǝne,

taman kulodǝyea niro njikki.

Kamuni rangǝkko sittǝrakkoro,

tamannju nanin amarne moye!»

15 «Barganǝmnin,

wua kǝrǝnsǝne.

Wu-a ni-aye katten awi cidi cungu yer dewuyedǝ?

Lene kamunǝm sittǝrane!»

16 Ibrahim-a Ifuron-a fandane,

Ibrahim kasacce cungu yer dewu ɍiwullaye fuwu Hittiwuyen wuljǝnadǝa ngal kasuwuye kalkallo ngalje tiro keno.

17-18 Ngainin kulo Ifuronne karǝn bǝla Mamǝreyedǝ Ibrahimbero walyeno.

Kulo-a kul-a kǝskawa curo kulodǝye-a samma Ibrahimbero walyera.

Fuwu Hittiwu ngaworam bǝlayen captanayen kǝndanjuro walyera.

19-20 Ngawo adǝyen Ibrahim kamunju Saratua curo kul kulo karǝn bǝla Mamǝreye Heburon canidǝyen,

lardu Kan'anayen sittǝrayeno.