Lawar aman ndǝpta katte Ibrahim-a Mai Abimalak-ayen
11
22 Sa adǝlan mai Abimalak-a kajallanju kǝriwuye-a isane Abimalakke:
«Ibrahim,
awo dimi ngan Ala nia bananjiyi.
23 Kǝrma na adǝn fuwu Alayen wuro kansi sǝbbui,
wu yen kal,
tadawani yen kal,
diwuni yen kal,
diwurini yen kal,
wundundemaa jambanǝmbaworo,
amma wu-a am lardu na nansikudo dimi adǝye-aro awo ngǝla sadde,
niro njǝddǝkkǝnadǝ gai.»
24 «Kansi bukkǝna.»
25 Ibrahim Abimalakko sonju kǝla baram laa am maiyedǝ dunolan camowonayen kiddo.
26 Abimalakke:
«Kam awo adǝa cǝdǝnadǝa nokkǝni.
Ni ye wuro kuren manasǝgǝmmi,
ku duwon adǝa fangekko.»
27 Ibrahim fe so,
dimi so,
Abimalakko ce tayi yindi aman ndǝpkera.
28 Ibrahim curo lǝmannanjuyen tama tulur karje sǝgǝriro kittuluwo.
29 Abimalakke:
«Awiro tama tulur sǝgǝriro tuluwumidǝ?»
30 «Tamani tulur ania kasadde ngone,
wuro baram adǝa wuma lakkoro naptu shedaye cado!»
31 Na adǝn tayi yindi samma kansi jawuna nangaro,
nadǝa Bir-Shebalan bowoyera.
Bir-Shebaye maananju baram kansiye,
koro baram tulurraye.