3 Bune Abimalak kǝnnasim kido.

Kǝnnasimnin Ala tiro fǝlediye:

«Kamu adǝa mowommadǝ numi.

Ti kwanjua,

diye!»

4 Abimalak tia koroma gǝrejǝnni:

«Awi Kǝmani?

Jama jirenjua yejǝmi wa?

5 Ti gǝni wa wuro:

"Kannani diye,"

yeno,

koro kamudǝye:

"Yeiyani,"

yeno.

Jirebawo falma dikkǝni,

karwu bullaro kidǝkko.»

6 «Karwu bullaro kidǝmbo nokkǝna,

koro wuma nia awo diwi dioro njǝkkaakko.

Adǝmaro kolnjǝkke tia lenǝmmidǝ.

7 Kǝrma kwa adǝro kamunju kalakkǝgǝne.

Dalilnjudǝ ti nawi,

dunian dǝgairo niro wua njukkori.

Amma none,

tiro kamunju kalaktuwu wayemba,

kat ni-a amnǝm-a nuwi.»

8 Abimalak suwa lǝpnin cije kowonawanjua bowoje tayiro lamar adǝa wulyeyeno.

Fangeranniya,

jauro riyera.

9 Daji Abimalak Ibrahimba bowoje:

«Attǝ awi andiro saddǝm?

Biwunǝm fi ngokkoro,

wu-a jamani-a danau kura adǝgairo sasakkǝm?

Awo tǝdiwawo wuro sǝddǝmma.

10 Awi njakke adǝa kidǝm?»

11 «Wuye:

"Na adǝn kat alarida bawo,

kamuni nangaro wua seyesi,"

yekko.

12 Jiremaro tia kannani,

andi yindi bawande tilo,

amma yande gade,

koro kamuniro walyeno.

13 Sa Ala wua sakke na fado bawaniyen kuruwunno lekkǝnadǝn,

tiro yekko:

"Ndara leyeiye yaye,

wuro ser sǝdde,

wua yeiyanǝm wuldu kasadde."»

14 Abimalak fe so,

dimi so,

kaɍea so,

kir so ngoje Ibrahimbo keno.

Kamunju Saratu yea tiro kalakkeyeno.

15 «Ibrahim,

larduni nga fuwunǝmnin,

na raammalan namme!»

16 «Saratu,

ngo cungu dǝwu yeiyanǝmbo yikki,

fuwu amndoyen awo diwi niro njǝddǝkkǝnaa cinduro.

Wundu yaye lamar adǝyen ni biwunǝm bawo nojo!»

17 Ibrahim Abimalakko Alaa cukkore,

ti-a kamunju-a kirranju-a isangajiye gademinno yalla fando ngǝskera.

18 Awoa kǝla Saratu kamu Ibrahimben Ala kamuwa fado Abimalakke sammaa casambiwaworo burwon cǝdǝna.

21 Kǝmande Saraturo wadu ngojǝgǝnadǝ gai,

bananjuro ise awo wuljǝnadǝa kido.

22 Curo nankiari Ibrahimben curo ngoje sa Ala tiro wuljǝgǝna kaldǝn tada kikkambo.

23 Ibrahim tada Saratuye tiro cinaa Isakun bowoyeno.

24 Tambǝnaye kawu wuskua,

Ala wuljǝnadǝ gai,

Isakua kajayeno.

25 Tambo Isakuyen tiye kǝrwunju mia.

26 Saratuye:

«Ala wua karwukǝjin kaasuro sakkǝna.

Wu-a am awo adǝa fanjana samma-a kallo kaasu diye.

27 Wunduma Ibrahimbo kamunju Saratu adǝ tadaro tǝgam ci tǝmaje wuljǝgǝna bawo.

Adǝ yaye nankiarinjun tiro tada yikkǝna.»

28 Tadadǝ wuraje dapkera.

Yim Isakua dapcanadǝn,

Ibrahim ngǝmǝri kura kido.

29 Saratu tada Hajaratu Ibrahimbo cǝkkambǝnadǝa kaasu nankǝladoye cǝdi kirunniya,

30 kwanjuro:

«Kir adǝ-a tadanju-a dune,

bare tada kir adǝye-a tadani Isaku-a warasanǝm kallo jawunniro!»

31 Awodǝ tadanju Ismayilaa lejǝna nangaro,

Ibrahim jaumaro kuttu fangeno.

32 Daji Alaye:

«Ibrahim,

kǝla tada adǝ-a kirnǝm-ayen bare ronǝm wajǝnni.

Awo Saratu niro wulnjǝgǝna sammaa ngone!

Isakuyeman diye kaduwu cunǝm facciyiwawo fandǝmi.

33 Koro tada kirnǝmbe kaduwunjua yakkǝkke jama ngǝwuro walji,

ti yea tadanǝm nangaro.»

34 Wajǝnanjua Ibrahim suwa lǝpnin cije burodi-a satki ingiye-a Hajaraturo ce ngawananjuro lapkeyenniya,

tiro tadanju yea ce duyeno.

Hajaratu leje curo karaa Bir-Shebayen fomgeno.

35 Ingi satkiye kerǝnniya,

tadadǝa fǝrdu kǝska laayen kolyeno.

36 Daji bare tia nui curunni cǝne leje na gaden na gǝptu kǝniwuye gaialan napkeno.

Na adǝn napcǝnadǝ,

kowo sapce tai daje kiro.

37 Daji Ala so tadadǝye yea fanje,

samen malaiya Alayedǝ Hajaratua bowoje:

«Awi njǝda Hajaratu?

Bare rinǝmmi!

Ala so tadanǝmbe na bojǝnalan fanjǝna.

38 Cine tadadǝa sange mukkoyen tai,

awoa yakkǝkke kaduwunju jama kadaro walji nangaro.»

39 Daji Ala simnju kaje baram ingia kiro.

Leje satkia cǝmbǝɍe cuwude tadanjuro ingi ce kia.

40 Ala tadadǝa cǝɍiwe curo karaayen wuraje goni kabbiyero walyeno.

Karaa kuruwu laa lardu Kan'anayen anǝmnin napkeno.

41 Yanju ye Masarro tiro kamu maduro leyeno.