8 Curo ngor adǝyen bǝlaa ngǝwu koltaye mbeji.

Sojiya mai Sodombe-a mai Gomorraye-a keyasǝnniya,

ngǝwunja curo bǝlaayero fidagane,

gapcǝnanja kǝla kauwa kurayero cagase tatkera.

11 Sojiya Mai Kudorlowomorre isane bǝla Sodombe-a Gomorraye-alan areya-a aja kǝmboye-a jama sammaye ngojane leyera.

12 Lutu kǝrami Ibrembe Sodomnin dǝgana nangadǝro,

sojiyadǝ tidǝn kǝndanjun ngaa ngojane leyera.

13 Kam laa kǝriwudǝn cǝgasǝna ise Ibrem gǝre kǝskawa kura Mamǝreyen dǝganaro lawar adǝa kikkudo.

Mamǝredǝ yaana Isǝkol-a Aner-aye.

Tayi yakku ani amanwu Ibrembe.

14 Ibrem sojiya Lutua cadana cane fangenniyama,

amnju yer yakkun mewun wuskunin ngǝlaro dabbargadaa bowoyeno.

Am ani tǝn tasambǝnayen nanjulan kasarga.

Tayia bowoje kallo sojiya Mai Kudorlowomorrea har kaɍangi yala lardu Kan'anayero kaduyera.

15 Curo buneyen Ibrem amnjua kǝwu kǝwuro dagarje kǝriwu tayiro cǝkkade juwe har yala Damassero kaduyeno.

16 Fandi kǝriwuye samma-a Lutu-a kǝndanju-a koro kamuwa-a am gade cadanadǝ-a cǝmoye kiwudo.

17 Ibrem Kudorlowomor-a maiya tia jaana-a kǝriwun juwe kadinniya,

mai Sodombe tia ngor maiye canidǝn kapkeyeno.

18 Malkisadaka ti mai Salambe ye,

ɍiman Ala Mai Kuraye ye ise Ibrembo burodi-a diben-a kikkudo.

19 Ibrembo barga dǝpciye:

«Ibrem,

Ala Mai Kura Kǝma same-a cidi-aye niro barga dǝmnjuwo!

20 Kǝmande mukkonǝmbo kǝladowanǝm cakkǝnadǝye darajanju tǝrga!»

Daji Ibrem curo fandi kǝriwuye sammayen fal curo mewuyen ngoje tiro sadaaro keno.

21 Mai Sodombeye:

«Ibrahim,

wuro amdǝa simiya,

ni kǝlanǝmbo kareyadǝa rone!»

22 «Fuwu Kǝmani Ala Mai Kura Kǝma same-a cidi-ayen,

kansi bukke

23 awinǝmma ngokkiwawo.

Garasan falma bi je sunoye falma ngokkiwawo,

bare nima Ibremba gaɍiwuro dim wullǝmmiro.

24 Awima raakkǝni,

ngawo jairowani awo kǝmboro jawuna-a amanwuniye nuwanja-ayen.

Aner-a Isǝkol-a Mamǝre-a nuwanja ngoja!»