Lawar nanga nankǝladoye Hamanne kǝlanjuro njukkuroye
10
1-2 Mai-a Haman-a caye baworo masǝna dioro na Gǝmsu Estayero kadiranniya,
diben casai duwon,
Mai Ahasaras koro walde Estaro:
«Awi koronǝm wo,
kamuni?
Kasaddǝkkǝna.
Awi raam?
Reda cidiniyero walyeno yaye,
fandǝmi.»
3 «Barganǝmmin,
ardisǝmmaa,
marne,
roa kolsǝne,
adǝma koroni wo.
Kasaddǝmmaa,
marne,
jamania karmoro yikkaye,
adǝma awo raakkǝnadǝ!
4 Wu-a jamani-a seyeso andia sulat baworo sadoro saladǝna,
diye!
Ca andia kaɍearo walliyoro saladoa,
gǝm dikke nia suwolnjǝkkiwawo,
bone yaiyedǝ ganama nangaro.»
5 «Wundu kam attǝ?
Wundu kam awo adǝa niajǝnadǝ?
Nda ti?»
6 «Wadumande,
kǝladonde Hamandǝ!»
Haman fǝkka Maiye-a Gǝmsuye-a kirunniya,
karwunju tai daje kamgadan.
7 Mai jauro gǝrgajǝna cije na masǝna dioye kolje farsam curo mairiyero leyenniya,
Haman na Estayen napkeno.
Mai tia cejiro asujǝnadǝ,
ronju cǝkkaworo Gǝmsu Estaa lowodu badiyeno.
8 Napturam kǝlanjun Esta bowadaadǝro ngujǝgǝna duwon,
Mai walde kadio.
Mai adǝa kirunniya:
«Ha!
Simmin rukki duwon,
kam adǝ fannin kamunidǝa maji?»
Mana adǝ ci Maiyen kiluwunniyama,
wolodiyanju fǝkka Hamanne jakkera.
9 Daji Harbona wolodiyaye falnjaye:
«Barganǝmmin,
kǝska laa dadunju metǝr findi wuria Haman fannjun kokcǝna mbeji.
Nianjudǝ Mordekai kam ronǝm cǝkkaanadǝa kǝskadǝro roduwu.»
«Hamanna kǝskadǝro rowonowo!»
10 Daji tia caadǝne kǝska Mordekai nangaro kokcǝnadǝro royeyeranniya,
karwu Maiye samgeno.