Lawar rokura Hamanne
8
9 Yim adǝ Haman jauro karwu kǝjiaro na gǝmsuyen kiluwo.
Amma cinna mairiyen Mordekai fuwunjun cije dajǝnni ye,
tia riduro lolojǝnni yedǝa kirunniya,
fum gǝrgayeno.
10 Adǝ yaye kanadi cǝdane koje fannjuro leyeno.
Fadoro kadinniya,
am cunode sawawanju-a kamunju Jeres-a bowoyera.
11 Fuwunjan Haman kǝla arsiyinju dama bawo-a tadawanju kada-a koro Mai darajanju cǝrrane tia wajiriro galajǝnaye-an awulo giwo.
12 Awulo juwe:
«Ngo fanowo,
Gǝmsu Esta wu runia dose Mai Ahasarassa yadduwukke masǝna kǝji dabbarjǝnadǝa giwuiye.
Koro baɍi ye wu-a Mai-a dosana.
13 Amma ani ngama,
Mordekai yaudidǝa cinna mairiyen napkada rukkiya,
karwuni kuttaji.»
14 Kamunju Jeresse:
«Kwani,
kǝska dadunju metǝr findi wuria maja kokca,
koro baɍi suwa Mai Ahasarassa kore,
Mordekaia kǝskadǝro dauyen rojaa ronju culuwo,
daji karwu kǝjia Maia yadduwe masǝna dioro lenowo.»
Haman mana adǝye kǝjinju fanje cakke kǝskadǝa majane kokkera.