Lawar karwukibbu Gǝmsu Estaye
7
Asembe kawu yakkua,
Esta kajǝmuwanju nangǝmsuye cakke balballa curo fado Mai Ahasarassero leje fuwu soronjuyen dayeno.
Mai curon kǝla kurisnju kǝrmaiyen napkada cinna soroyedǝa curui duwon,
2 kamunju Estaa balballan daada kiro.
Kirunniya,
daji tia ngurnoje kanju kǝrmaiye dinarre mukkon cǝdanadǝa tiro sayeyeno.
Esta Maia karǝnje ci kayedǝa leyeno.
3 Maiye:
«Ku awi njǝda,
kamuni?
Awi raam?
Reda cidiniyero walyeno yaye,
niro njikki.»
4 «Barganǝmmin,
kasaddǝmmaa,
ku ni-a Haman-a arowo,
masǝna kǝji dabbarnjǝgǝkkǝnadǝa buiwo.»
5 «Hamanna bowonowo nagatto iso,
awo gǝmsu cǝraanadǝa cǝdo.»
Daji ti-a Haman-a masǝna boro na Estayero leyera.
6 Diben casai duwon,
Maiye:
«Esta,
awi koronǝm wo?
Kasaddǝkkǝna.
Awi raam?
Reda cidiniyero walyeno yaye,
fandǝmi.»
7 «Akko awo njuworǝkkiya,
raakkǝnadǝ.
8 Barganǝmmin,
ardisǝmmaa,
koroni kasaddǝme mǝraduni galdu raammaa,
marne baɍi ni-a Haman-a arowo,
koro masǝna kǝji dabbarnjagakkidǝa buiwo.
Buwiya,
awo suworǝmmadǝa wulnjǝgǝkki.»