Lawar gala Mordekaiye
6
Mordekai awo wakkajǝnadǝ sammaa fangenniya,
karwunju waje kajǝmunju karje kalwu lagaranne buwun tududǝna cakke fukkolan buwu ngoje kǝlanjuro fiyeyeno.
Daji burwu karwuwadaye cakkiaro culuwe bǝrnilan dadayeno.
2 Cinna mairiyero kadinniya,
dayeno,
wunduma kalwu lagaranne tiyinna ngayiwawodǝro.
3 (Lardu fi yayen,
ndara yaye na wada Mai Ahasarassedǝa fanjanadǝlan karwukutta dama bawo yaudiya ngaa cǝdane,
asem cade,
waiyo caniaro kesiro.
Ngǝwunja ye cidilan buwu fijane kǝladǝro buwu ferjagane boyera.)
4 Kirra-a wolodiya-a Gǝmsu Estaye nanjuro isane tiro Morkedai kalwu lagaranne tiyinna fuwu cinna mairiyen daada yeranniya,
hangalnju nga ciyeno.
Mordekairo kajǝmu juwajiye tiro kalwunju lagarannedǝa faljo yenniya,
wayeno.
5 Daji Esta wolodi Maiye laa Hataka cani Mai tiro kǝljǝgǝnadǝa bowoje:
«Na Mordekaiyero lene,
awo cakke naptu adǝa cǝdidǝa kore,
fane!»
6 Hataka leje Mordekaia farsam fuwu cinna mairiyedǝn nayeyenniya,
7 Mordekai awo tia cuwandǝnadǝa tiro wulyeyeno.
Koro yaudiya sammaa ceyesoro,
nanngǝwu ɍiwullaye Haman curo ajaram Maiyen gǝnaji cǝnnadǝa wulyeyeno.
8 Kakkadu wada yaudiya njejoye Bǝrni Shushannin cattuluwunadǝa tiro ce:
«Lene,
Estaro fǝlene fisarne wulle!
Lejo,
jamanju yaudiya nangaro Mai Ahasarassa lowojo,
kanadi cǝda tayia njunojo!»
9 Hataka ise Estaro awo Mordekai wuljǝna sammaa wulyeyenniya,
10 Esta koro walde tia cunode:
«Walde na Mordekaiyero ngai wulgǝgǝne:
11 "Fane,
wowom karmoye kwa bi kamu bowojanni duwon Maia curo balbalnjuyen najǝgǝnadǝa cǝdai mbeji.
Kowonawa Maiyen tamiya jama cidinjuye sammaro yade,
wundu yaye adǝa nojǝna.
Kam bowojanni Maia najǝgǝna adǝ,
Mai gǝni kanju kǝrmaiye dinarre tiro sayeyenoa,
ronju fucci.
Wu ye ku kawuni fiakku na Maiyero lekkoro bowosannidǝ."»
12 Mordekai awo Esta wuljǝnadǝa fangenniya:
13 «Feroni,
bare ni mairin kǝrgam nangaro runǝm curo yaudiyayen karmoro kanǝmiro tǝmanǝmmi!
14 Ku Mairo manadǝa njǝddo wayemba yaye,
yaudiya bana na gaden cawandǝne ronja karmoro cakkayi.
Amma ni ye numi,
koro kaduwu bawanǝmbe samma baworo waljai.
Wundu nojo,
waneye jamanǝm karmoro njǝkkaworo gǝmsuro walyem?»
15 Daji Esta kawuɍi adǝa Mordekairo juwajiye:
16 «Bawani,
lene jama yaudiyaye Bǝrni Shushannin dasaana sammaa camme.
Wu nangaro asem taiwo.
Bune-a kausu-a kawu yakkuro bare awima buwwi bi yawwi.
Wu-a kirrani-a ye nayi gai asem taiye.
Daji wowom damsǝgǝna yaye,
na Mai Ahasarassero lekki.
Nukki yaye,
nukko!»
17 Mordekai adǝa fangenniya,
leje awo Esta tiro wuljǝgǝna sammaa kido.