Lawar ganambu Gǝmsu Bastiye
2
10-11 Curo ngǝmǝriyen kawu tulurra dibendǝ cakke karwu Maiye kǝjiyeno.
Nanjun wolodiya tiro kistuwuwu tulur daada,
tandima Mehuman,
Bista,
Harbona,
Bikta,
Abakta,
Jetar,
Karkas.
Maia tayiro:
«Lenowo,
kamuni Bastia jawa nangǝmsuye kǝlanna sukkuwudo!»
Nianjudǝ,
nanshawanju jama-a gomnawa-asoro fǝleduwu.
Labudda shawa!
12 Amma kawuɍi Maiyedǝa gǝmsuro keddǝnniya,
leduro wayeno.
Daji Mai Ahasaras fum gǝrgaje rashiduwa sawariwunjusoa bowoyeno.
13-14 Caman sa awo Maidǝa wujǝna wakkajiya,
goniya wowombe jawal sharaye jauro nojanaa bowoje sawarji.
Curo goniyadǝyen amanwunju tulur gomnawa cidi Farsiye-a Mediye-a mbeji.
Mairo kajia,
kam tayiro kura wo bawo.
Cunja Karshena,
Shetar,
Admata,
Tarsisi,
Meres,
Marsena,
Memukan.
15 Mai Ahasaras tayiro:
«Kamuni Basti kawuɍini wolodiya tiro caddǝnadǝa ngodu wajǝnadǝ,
jawal wowombelan shara fi tia cǝdai?»
16 Daji fuwu amanju sawariwudǝyen Mai Memukanne:
«Barganǝmmin,
kamunǝm Basti ni runǝmbo gǝni biwu njǝddo,
adǝa fuwuwu-a jama larduwa nodǝmiye-a sammaro kiddo.
17 Kamuwa gadedǝ ye awo gǝmsu cǝdǝnadǝa fanjaiyama:
«Ase,
Mai Ahasaras am cunode gǝmsua nanjuro cawudo yenniya,
kǝndero wayeno,»
cane kwanjaa rujai.
18 Ku adǝ kamuwa amwurawa cidi Farsiye-a Mediye-aye awo kamunǝm Basti cǝdǝnadǝa fanjaiya,
tayi ye mana kwanjaye ngodu wajai.
Kwanjaa ngairo rujaiya,
sai lawala,
sai karwuja!
19 «Barganǝmnin,
kasaddǝmmaa,
wada tuluwe ruwuja wowomba cidi Farsiye-a Mediye-aye abadaro cindaiwawodǝro kǝljaa.
Wada adǝ cakko na adǝn fuwun bare kamunǝm Basti nanǝmbo isǝnni.
Kaala nangǝmsuyedǝa kamu laa gade tia kojǝna cuwando.
20 Lawar wada adǝyea jama larduwa kura kura nodǝmiye fanjaiya,
kamuwa nga kwanja kuran ganan sammaro daraja cadi.»
21 Mai-a sawariwunju-a mana adǝa amarjane,
daji Mai awo Memukan wuljǝnadǝa kido.
22 Larduwa cunodi ngaro kakkadu juwayeyeno.
Kakkadu lardu fi yayero jiɍi ruwunjuyen,
koro jama fi yayero tǝlamnjulan ruwudǝnaa juwajiye:
«Wada Mai Ahasarassen:
Kwa fi yaye fuwuma fannjuyero waljo.
Ti mana cǝdiya,
ngodiro waljo.»