3 Maijǝnaye kǝrwu yakkua ngǝmǝri kura laa kowonawanju-a am gomnasoro galajǝna-a sammaro kiddo.

Kajallawa kǝriwuye cidi Farsiye-a Mediye-a so,

amwurawa-a gomnawa-a larduwa cunodiye so,

samma nanjuro kadiranniya,

4 tayiro kawu mian fiskunno arsiyi tǝrǝm cidinjuye-a darajanju dama bawo-a fǝleyeyeno.

5 Kawu ani kojana ngawon,

kawu tulurro balballa mairiyelan am Bǝrni Shushannin captana kuran ganan sammaro ngǝmǝri kiddo.

6 Balballadǝlan juwa ngalwo ngalwo bul so,

ɍiwulla so kaɍaujiya kau sulsullero tekkerǝna.

Juwawadǝ je kimelan kulumba ɍiwullaye kaɍaujiyadǝro kokkaadaro tekkerǝna.

Cidi nadǝye kau jiɍi jiɍi jauro tamannayen tǝdǝna,

kǝladǝlan napturam dinarre so,

ɍiwullaye so gǝnaada.

7 Gǝmdowolom diben njaram samma dinarre ye,

alama gadegadea ye.

Mai Ahasarasse nankǝrenjuro,

diben dama bawo cuwudǝna.

8 Wolodiyanjuro mǝradu kusotto fiye yaye galja cǝnnadǝro,

wundu yaye jiɍi ronju cǝraanaro diben cai.

9 Sa adǝn Gǝmsu Basti ti ye curo mairiyen kamuwaro ngǝmǝri cǝddi.