Wadawa kǝla kanjiya Israyilwuyen
4
«Musa,
ngo wadawani Israyilawuro wulgǝmidǝ:
2 Kaɍea Israyilama yuwuwiya,
kida saa arakkuro njaddo.
Saa tulurredǝ tia kolluwe awima biyajǝnnin lejo.
3 Sa tia fanduwwadǝn ti kamu bawoa,
runju tok lejo.
Sadǝn kamunjuaa,
ti-a kamunju-a leja.
4 Banju ngimba tiro kamu ce tadawa bi ferowa cawandǝnaa,
kamu adǝ-a yallanju-a naptu lǝman banju ngimbaye cado.
Ti runju lejo.
5 Amma kaɍeadǝ banju ngimba-a kamunju-a yallanju-aa cǝraana cǝne,
nankam kǝlaye waje lejiwawo yenoa,
6 banju ngimbadǝ Alaa shedaro ngoje ngai cǝdo:
Kaɍeadǝa cinnaro cado sǝmonju sulan sukce,
kaɍeanju surrero napco.
7 Kam feronju cǝladiya,
jiɍi kaɍea salamjaidǝ gai gǝnin ferodǝa salamja.
8 Banju ngimbadǝ tia kamuro dioro cuwuna duwon wayenoa,
koljo jamanju tia meruja.
Tia kusottoro njǝkkǝladodǝ banju ngimbaro wajipcǝgǝnni,
adǝ amannju bo.
9 Tadanjuro kamuro njoro kaiwoa,
jiɍi ferowa fadoye cadaidǝ gairo ti yea cǝda.
10 Banju ngimbadǝ tia kamuro ngojǝna duwon,
kamu gade kimowoa,
awo kureyen tiro cǝddidǝn bare awima fulujǝnni:
kǝmbon kal,
kajǝmun kal,
halal kamuyen kal.
11 Awo yakku ania tiro cǝddiwawoa,
awima biyajǝnnin lejo.»