22 Kǝmandeye:

«Musa,

Israyilawuro wulgǝne:

"Kǝmande yeno:

Simndon ruwwa gǝna samenin nayiro jandengeyera.

23 Bare sǝnǝm ɍiwullanin bi dinarnin tǝgarǝnaa tiro kǝlgǝgǝwwi.

24 Tulo ngonowo,

ti nangaro na laya duwaduram tandowo,

kǝladǝn ngǝlaro so,

dal so,

dalo so tiro duwaanowo.

Ti ye na amarnjagane ti nangaro tanduwwa fi yayen ise nayiro barga dǝmnjagai.

25 Tiro na laya duwaduram kaunin yidduwiya,

bare kaudǝa sǝranguwwi.

Kaudǝa sǝrakkewwa,

darajanju tuluwuwi nangaro.

26 Bare na laya duwaduram kǝmbaramba diwwi,

bare kǝlanjuro am jawane jama tayia bowu carunni nangaro."»