Farɩsɩ ɛgbɛyɛ taa ñɩma nɛ caanaʋ sɔnzɩ
(Mat 15.1-9)
7
1 Pʋwayɩ lɛ, Farɩsɩ ñɩma nɛ Yuda ñɩma paɣtʋ wɩlɩyaa nabɛyɛ palɩnɩ Yeruusalɛm nɛ powolo pekpeɣli Yesu cɔlɔ. 2 Peeye pana ɛ-tɔmkpɛlɩkɩyaa lɛlaa tɔkaɣ tɔɔnaɣ nɛ patasaŋ pe-nesi ɛzɩ paɖʋʋ pɔ-sɔnzɩ taa se pala yɔ. 3 Ŋgʋ, Farɩsɩ ñɩma nɛ Yuda ñɩma lɛlaa tɩŋa pɔɖɔkɩ pɔ-cɔzɔnaa sɔnzɩ. Sɔnzɩ nzɩ sɩpɔzʋʋ se pasaŋ camɩyɛ nɛ pʋcɔ pɔtɔɔ. 4 Ye palɩnɩ kɩyakʋ nɛ pɔtɔsɔ lɩm yɔ, paatɔkɩ. Pañalɩɣ caɖasɩ nɛ ɖeɣsi nɛ ñɩɣtʋ wondu nɛ palakɩ lakasɩ lɛɛsɩ sakɩyɛ ɛzɩ caanaʋ taa ñɩma yɔ.
5 Farɩsɩ ñɩma nɛ Yuda ñɩma paɣtʋ wɩlɩyaa mba pɔpɔzɩ Yesu se: “Pɩlabɩ ɛzɩma ñɔ-tɔmkpɛlɩkɩyaa yele ɖɔ-cɔzɔnaa sɔnzɩ nɛ paasaŋɩɣ se pʋcɔ pɔtɔɔ?” 6 Yesu cosi-wɛ se: “Tɛɛ nɛ pʋ-yɔɔ ñɩma mɩ! Mɩ lɛ mba Ɛsɔ yɔɔdɩ pɔ-tɔm nɛ Ezaayii susi-tʋ camɩyɛ nɛ ɛma ɛ-takayaɣ taa yɔ. Ndʋ lɛ se:
‘Ɛyaa panɛ pasaŋ-m nɛ nɔɔ yem.
Pa-laŋa taa lɛ, pɔtɔsɔɔlɩ-m paa ñɩɩɩ.
7 Pa-samtʋ fɛyɩ-m kazʋwa nakɛyɛ.
Mbʋ pʋyɔɔ yɔ, pakpaɣ ɛyaa paɣtʋ nɛ papɩsɩ ɛzɩ ma-ñɩndʋ yɔ nɛ pawɩlɩɣ.’ ”
8 Peeye Yesu heyi-wɛ se: “Iyebi Ɛsɔ paɣtʋ nɛ ɩnɩɣnɩ ndʋ ɛyaa maɣmaɣ ɖʋwa yɔ.”
9 Ɛlɛ, ɛtasɩ-wɛ heyuu se: “Ɩñaɣ pana nɛ iyele Ɛsɔ paɣtʋ kɩbandʋ nɛ ɩpazɩnɩ mɩ-maɣmaɣ mɩ-ñɩndʋ wɩlʋʋ. 10 Ɖɔ-cɔzɔ *Mooyiizi weyi Ɛsɔ cɛlɩ-ɩ paɣtʋ yɔ, ɛyɔɔdaa se: ‘Pʋwɛɛ se ɛyʋ ɛña ɛ-caa nɛ e-ɖoo.’ Ɛyɔɔdaa ɖɔɖɔ se: ‘Ye nɔɔyʋ ɛyɔɔdɩ ɛ-caa yaa e-ɖoo tɔm ɛzaɣtʋ yɔ, pʋwɛɛ se pakʋ-ɩ.’ 11 Ɛlɛ, mɩ mɩwɩlɩɣ se: ‘Ye nɔɔyʋ ɛɖʋwa se mbʋ pɩɩwɛɛ se ɛha ɛ-caa yaa e-ɖoo yɔ, pɩkɛ Kɔrbaŋ*fe*,’ pʋ-tɔbʋʋ se ɛhaɣ-pʋ Ɛsɔ yɔ, \fm e \fr (7.11) \fk Kɔrbaŋ: \f Yuda ñɩma tɔm natʋyʋ. 12 ɩɩtasɩɣ-ɩ haʋ waɖɛ se ɛsɩnɩ-wɛ. 13 Mbʋ ɩkpakɩɣ mɩ-cɔzɔnaa sɔnzɩ nzɩ ɩɖɛzɩɣ ɖama yɔ nɛ ɩwɛɛkɩɣnɩ Ɛsɔtɔm. Ɩlakɩ lakasɩ lɛɛsɩ ndɩ ndɩ mbʋ ɖɔɖɔ.”
Mbʋ pipisiɣ*fɛ* ɛyʋ Ɛsɔ ɛsɩndaa yɔ
(Mat 15.10-20)
14 Pʋwayɩ lɛ, Yesu tasɩ ɛyaa samaɣ kpeɣluu nɛ eheyi-wɛ se: “Mɩtɩŋa payɩ iwelesi nɛ ɩnɩɩ mɔn-tɔm camɩyɛ. \fm ɛ \fr (7.14) \fk Pipisiɣ: \f Yuda ñɩma paɣtʋ taa lɛ, tɔɔnasɩ nasɩyɩ wɛɛ, ye ɛyʋ ɛtɔɔ-sɩ yɔ sipisiɣ-i Ɛsɔ ɛsɩndaa. 15 Nabʋyʋ fɛyɩ se pitiki ɛyʋ taa nɛ pipisi-i Ɛsɔ ɛsɩndaa. Ɛlɛ, mbʋ pɩlɩɣnɩ ɛ-taa yɔ, mbʋ pisiɣni-i. [\v 16 Weyi ɛwɛnɩ nɩŋgbaaŋ lɛ, ɛnɩɩ.]”
17 Yesu nɛ ɛ-tɔmkpɛlɩkɩyaa pakʋyɩ ɛyaa samaɣ taa nɛ pekpe lɛ, pɔpɔzɩ-ɩ se ɛlɩzɩ-wɛ eduuye nɖɩ ɖɩ-tɔbʋʋ. 18 Peeye ɛpɔzɩ-wɛ se: “Pɩkpɛndɩnɩ-mɩ ɖɔɖɔ nɛ ɩtapɩzɩ ɩnɩɩ tɔm ndʋ mɔyɔɔdʋʋ yɔ tɩ-tɔbʋʋ naa we? Ɩtanɩɩ se pʋyʋ fɛyɩ se ɛyʋ tɔkɩ-pʋ nɛ pipisi-i yaa we? 19 Mbʋ ɛyʋ tɔkɩ yɔ, pitiki e-lotu taa nɛ pʋcɔɔ kʋlɔmɩŋ taa nɛ puwolo pɩlɩnɩ ɛ-tɔbʋʋ. Ɛlɛ, pɩɩsʋʋ ɛ-lɩmaɣza taa.” Yesu yɔɔdʋʋ mbʋ yɔ, pɩwɩlɩɣ se tɔɔnasɩ tɩŋa mʋnaa se pɔtɔɔ-sɩ.
20 Ɛtasɩ-wɛ heyuu se: “Tɔm ndʋ tɩlɩɣnɩ ɛyʋ taa yɔ, ndʋ pisiɣni-i.” 21 Mbʋ pʋyɔɔ yɔ, ɛyʋ taa lɩmaɣza kɩdɛkɛdɛɛ lɩɣna se ɛla hayitu nɛ ɛmɩlɩ nɛ ɛkʋ ɛyaa 22 nɛ ɛkpaɣ lɛlaa halaa nɛ ɛɖʋ ɛzɩyɛ lɛlaa ñɩm yɔɔ nɛ ɛla kañatʋ nɛ ɛla ajiitu nɛ ɛla yem yem nɛ ɛwɛɛ ɛzɩsɛmɩyɛ nɛ ɛcɛtɩnɩ lɛlaa taa nɛ ɛkpazɩ ɛ-tɩ nɛ ɛla kɩmɛlɛndʋ. 23 Ɛzaɣtʋ tʋnɛ tɩtɩŋa payɩ tɩlɩɣnɩnɩ ɛyʋ taa nɛ tipisiɣ-i.
Halʋ ɛgɔm weyi ɛwɛnɩ lidaʋ Yesu yɔɔ yɔ
(Mat 15.21-28)
24 Pʋwayɩ lɛ, Yesu wolo ɛjaɖɛ nɖɩ ɖɩñɔtɩnɩ Tiiri yɔ ɖɩ-taa nɛ ɛsʋʋ ɖɩɣa nakɛyɛ taa. Ɛlɛ, ɛtaasɔɔlɩ se nɔɔyʋ ɛna se ɛwɛ peeye. Kitefe kutoyu lɛ, ɛyaa tɩŋa tɛm naʋ. 25-26 Halʋ ɛgɔm weyi ɛlɩnɩ Siirii egeetiye taa nɛ ɛkɛ Fenisii tʋ yɔ, ɛnɩ mbʋ lɛ, ɛtɩwobu eluŋ Yesu tɛɛ nɛ eheyi-i se: “Mɛwɛnɩ pɩɣa peliɣa nakɛyɛ, eleeu nɔyʋ wɛ ka-wayɩ. Mentendiɣ-ŋ se ŋɖɔɔnɩ-ɩ.” 27 Peeye Yesu tuu halʋ ɛnʋ eduuye se: “Pɩtamʋnɩ se pakpaɣ piya tɔɔnaɣ nɛ pɛpɛɖɩ hasɩ. Ɛlɛ, pʋwɛɛ se piya ɛtɔɔ sɩhaɣ nɛ pʋcɔ.” 28 Halʋ ɛnʋ ecosi-i se: “Kɩpaɣlʋ! Ye piya ɛtɔkɩ nɛ pʋtɔʋ tataa, hasɩ ɛɛtɔzʋʋ yaa we?” 29 Peeye Yesu heyi-i se: “Ño-cosuu pʋnɛ pɩwɩlɩɣ pɩŋŋ se ŋwɛnɩ lidaʋ mɔ-yɔɔ: wolo. Eleeu ɛnʋ ese ña-pɩɣa peliɣa ŋga ka-wayɩ.” 30 Ekpema lɛ, ɛmaɣnɩ ɛ-pɩɣa ŋga kɛhɛnɩ ñalʋʋ yɔɔ. Eleeu tɛm ka-wayɩ seu.
Ndam kaayɔɔdaɣ nakɛyɛ tɔm
31 Pʋwayɩ lɛ, Yesu kʋyɩ Tiiri egeetiye taa nɛ ɛtɩŋnɩ Sidɔɔ ñɩnɖɛ taa nɛ ewoko ɛsʋʋ Tɛtʋ Hiu ñɩnɖɛ taa se ewoki Galilee teŋgu nɔɔ. 32 Peeye powoni ndam kaayɔɔdaɣ nakɛyɛ nɛ pewini-i se ɛtɩnɩ nesi kɔ-yɔɔ nɛ kɔ-yɔɔ cɛ. 33 Peeye ɛkpaɣ-kɛ nɛ ɛkɛzɩ kɩjaʋ nɛ ɛlɛkɩ e-niwee ka-nɩŋgbaaŋ taa nɛ ɛla ndaatʋ nɛ ɛtaa ka-nzʋlʋmɩyɛ yɔɔ. 34 Ɛtɛma lɛ, ɛkpazɩ ɛ-ɛza ɛsɔdaa nɛ emuzi nɛ ɛtɔ se: “Efata*ff*.” Pʋ-tɔbʋʋ se: “Tʋlɩ.” \fm f \fr (7.34) \fk Efata: \f Yuda ñɩma tɔm natʋyʋ. 35 Kpaagbaa mbʋ lɛ, ndam kaayɔɔdaɣ ŋga, ka-nɩŋgbaaŋ taa tʋlɩ nɛ ka-nzʋlʋmɩyɛ yɛɖɩ nɛ kapazɩ yɔɔdʋʋ camɩyɛ. 36 Ɛlɛ, Yesu paɣ patɩŋa se pataaheyi-tʋ nɔɔyʋ, ɛlɛ pamanɩ ɛ-tɔm yɔɔ nɛ posusi-tʋ siŋŋ. 37 Mbʋ labɩnɩ ɛyaa piti pɩŋŋ nɛ pɔtɔŋ se: “Mbʋ ɛlakɩ yɔ, pɩtɩŋa pʋwɛ ɖeu. Ɛlakɩ nɛ ndamaa nɩɣ nɛ kaayɔɔdasɩ yɔɔdʋʋ.”