15
Tɛtʋ ndʋ patayɩnɩ Yuuda cejewiye taa ñɩma yɔ
1 Tɛtʋ ndʋ paɖʋ miika nɛ patayɩnɩ Yuuda liɖe taa cejewe taa ñɩma yɔ, ndʋʋ yɔ: hadɛ kiŋ wɩsɩ ɖɩlɩyɛ hɔɔlʋʋ taa lɛ, tɩwɛɛ nɛ piwolo pɩsɩnɩ Edom ɛjaɖɛ kámaɣ yɔɔ. Cini lakʋ a wɛnɩ ɖooo hɔɔlʋʋ ŋ́gʋ kɩ-hadɛ kiŋ kpaagbaagbaa. 2 Hadɛ kiŋ lɛ, tɩwɛ kpaɣ tɛtʋ tɔnaɣ ŋga kɛwɛ Ɖɔm teŋgu nɛ hadɛ kiŋ yɔ, 3 nɛ tiwolo Akɩrabim piyaɣ nɛ Cini lakʋ pa-hadɛ kiŋ nɛ tɩkpa Kadɛɛsɩbaarɩneyaa nɛ hadɛ kiŋ nɛ tiwolo Hɛcɩrɔɔnɩ nɛ tɩkpanɩ Adaarɩ hɔɔlʋʋ taa nɛ tiwolo Karɩkaa hɔɔlʋʋ taa, 4 nɛ tiwolo Acimɔɔnɩ nɛ tɩcɔlɩ Ejipiti pɔɔ b nɛ pitii Mediteraanee teŋgu nɔɔ. Yuuda ñɩma kámaɣ ŋga kɛwɛnɩ hadɛ kiŋ yɔ, ŋgaa lɛ.
5 Wɩsɩ ɖɩlɩyɛ hɔɔlʋʋ taa lɛ, kpaɣ Sɩm teŋgu nɛ piwolo pɩsɩnɩ Yɔɔrɩdaŋ pɔɔ pa-ɖɩkatɩyɛ, kámaɣ wɛɛ.
Piyele hayo kiŋ lɛ, ɖɩ-katɩyɛ kʋɖʋmɖɩyɛ nɖɩ ɖɩ-taa kámaɣ kpaɣnaa 6 nɛ kakpa Beyitihogilaa tɛtʋ nɛ pɩtɩŋnɩ Beyitaraba tɛtʋ ñʋʋ yɔɔ nɛ piwolo pɩyɛ nɖɩ payaɣ se Bohaanɩ pɩyɛ yɔ. Bohaanɩ kɛ Ruubɛɛnɩ pɩyalʋ nɔɔyʋ. 7 Katɩŋnɩ Akɔɔrɩ kajalaŋa taa nɛ kakpanɩ Deviiri kiŋ. Pɩkɔm pɩtasɩ kpaʋ hayo lɛ, kɔcɔɔnɩ Giligaalɩ tɛtʋ hɔɔlʋʋ taa, tɩpam ɛza nɛ Aduumim piyaɣ ŋga kɛwɛ pɔɔ nɛ hadɛ kiŋ yɔ. Pʋwayɩ lɛ, kɛɖɛɛ kowolo katɩŋnɩ Eyinisɛmɛɛsɩ hiɖe cɔlɔ nɛ kowolo kakatɩ ɖenɖe payaɣ se, Eyinirogɛɛlɩ yɔ. 8 Kamaɣ ŋga kɛɖɛ mbʋ nɛ kowolo kakpa Bɛɛnɩhinoom kajalaŋa nɛ kowolo Yebuusii liɖe taa ñɩma piyaɣ yɔɔ ɖenɖe Yeruusalɛm tɛtʋ wɛɛ yɔ nɛ kowobini pʋŋ ñʋʋ taa kiŋ. Pʋŋ ɛnʋ ɛwɛ Bɛɛnɩhinoom kajalaŋa wɩsɩ ɖɩɖʋyɛ hɔɔlʋʋ taa nɛ Reefayii liɖe taa ñɩma kajalaŋa nɛ ɖooo hayo kiŋ. 9 Kɛɖɛɛ mbʋ nɛ kowolo kɔcɔnɩ Nɛfɩtowa hiɖe hɔɔlʋʋ taa nɛ kowolo kakatɩ Iyavaarim tɛtʋ ndʋ tɩwɛ Efirooni pʋʋ cɔlɔ yɔ. Pʋwayɩ lɛ, kowolo Baalaa hɔɔlʋʋ taa. Payaɣ Baalaa ɖɔɖɔ se Kiriyaatɩyeyaarim. 10 Katɩŋnɩ Baalaa peeye nɛ kowolo kɔcɔnɩ wɩsɩ ɖɩɖʋyɛ hɔɔlʋʋ taa nɛ kowokini Seyiiri pʋʋ taa nɛ kakpa laŋ pʋʋ yaa Kesalooni pʋʋ hayo kiŋ hɔɔlʋʋ taa. Ketii Beyitisɛmɛɛsɩ tɛtʋ taa nɛ katɩŋnɩ Timinaa ñɩndʋ taa. 11 Kɛɖɛɛ mbʋ nɛ kowolo Ekirooni tɛtʋ hɔɔlʋʋ taa, hayo kiŋ piyaɣ yɔɔ nɛ kɔcɔnɩ Sikarooni kiŋ nɛ katɩŋnɩ Baalaa pʋʋ yɔɔ nɛ kowolo Yabɩnee nɛ kɔkɔɔ katalɩ Mediteraanee teŋgu.
12 Mediteraanee teŋgu ŋgʋ lɛ, kámaɣ, wɩsɩ ɖɩɖʋyɛ hɔɔlʋʋ taa.
Tɛtʋ ndʋʋ patayɩnɩ Yuuda liɖe taa cejewe taa ñɩma.
13 Paakpaɣ Yuuda cejewiye taa ñɩma tɛtʋ hɔɔlʋʋ nakʋyʋ nɛ paha Yefunee pɩyalʋ Kaalɛɛbɩ ɛzɩ KƖPAƔLƲ keheyuu Yoozuuwee yɔ. Paha-ɩ Kiriyaatarɩba yaa Arɩba tɛtʋ. Tɛtʋ ndʋ payaɣ-tʋ lɛɛlɛɛyɔ se Hɛbɩrɔɔnɩ. Arɩba lɛ, Anaakɩ liɖe taa ñɩma cɔzɔ. 14 Peeye Kaalɛɛbɩ ɖɔɔnɩ Anaakɩ ñɩma cejewe taa ñɩma. Akpɛndɩ naadozo, ana yɔ: Sesayɩ ñɩnɖɛ nɛ Ahimaanɩ ñɩnɖɛ nɛ Talɩmayɩ ñɩnɖɛ. 15 Ɛkʋyɩ Hɛbɩrɔɔnɩ nɛ ewolo ɛkʋyɩ Deviiri tɛtʋ taa ñɩma yɔɔ. Payaɣaɣ tɛtʋ ńdʋ se, Kiriyaatɩsefɛɛrɩ. 16 Peeye Kaalɛɛbɩ tɔm se, weyi ɛwabɩ Kiriyaatɩsefɛɛrɩ ñɩma nɛ ɛmʋ pɛ-tɛtʋ yɔ, ɛnʋ haɣ-ɩ ɛ-pɛlɛ Akɩsa. 17 Ɖɩnɛɛ, Kaalɛɛbɩ neu Kenaazɩ pɩyalʋ Ɔtɩnɩyɛɛlɩ mʋ-tʋ nɛ Kaalɛɛbɩ ha-ɩ ɛ-pɛlɛ. 18 Ɛwalɩ Ɔtɩnɩyɛɛlɩ lɛ, eheyi ɛ́lɛ se ɛsʋlɩmɩ ɛnʋ caa Kaalɛɛbɩ hayɩm nabʋyʋ. Ɛkɔm etibini ɛ-kpaŋaɣ yɔɔ lɛ, ewolo Kaalɛɛbɩ cɔlɔ nɛ ɛ́lɛ pɔzɩ-ɩ se ɛbɛ e-liu wɛɛ? 19 Ecosi se ɛla ɛnʋʋ ɖeu. Se, ɛha ɛnʋʋ lɩm hila. Mbʋ pʋyɔɔ yɔ, hɔɔlʋʋ ŋgʋ ɛha ɛnʋʋ hadɛ yɔ, kɩwɩlɩ kaŋ lɩm fɛyɩ kɩ-taa. Peeye Kaalɛɛbɩ ha-ɩ hayo kiŋ hila nɛ hadɛ kiŋ ñɩna.
20 Tɛtʋ ndʋʋ patayɩnɩ Yuuda liɖe taa cejewe taa ñɩma.
21 Tɛtʋ ndʋ ndʋ tɩwɛ Yuuda ñɩma tɛtʋ nɛ hadɛ kiŋ Edom kámaɣ yɔɔ yɔ, ndʋʋ yɔ: Kaviseyɛɛlɩ tɛtʋ nɛ Edɛɛrɩ ñɩndʋ nɛ Yaguuri ñɩndʋ 22 nɛ Kina nɛ Dimona nɛ Adeyada 23 nɛ Kɛdɛɛsɩ nɛ Hacɔɔrɩ nɛ Yɩtɩnaanɩ 24 nɛ Zifi nɛ Tɛlɛm nɛ Beyaalɔɔtɩ 25 nɛ Hacɔɔrɩhadataa nɛ Keriyɔɔtɩhɛcɩrɔɔnɩ pʋ-tɔbʋʋ se, Hacɔɔrɩ 26 nɛ Amam nɛ Sema nɛ Molada 27 nɛ Hacaarɩgadaa nɛ Hɛsɩmɔɔnɩ nɛ Beyitipɛlɛɛtɩ 28 nɛ Hacaarɩsuwalɩ nɛ Bɛɛrɩseva nɛ hɔɔlɩŋ weyi ɛcɔ-tʋ nɛ ɛta yɔ 29 nɛ Baala nɛ Iyavaarim nɛ Ecɛm 30 nɛ Elitolaadɩ nɛ Kesiili nɛ Hɔɔrɩma 31 nɛ Cikɩlaagɩ nɛ Madɩmana nɛ Sanɩsanaa 32 nɛ Levawɔɔtɩ nɛ Sileehim nɛ Eyinirimooni. Tɩkpɛndɩ tɛtʋ nɩɩlɛ nɛ nakʋ (29) nɛ tɩ-tɛtʋ cikpetu cikpetu.
33 Tɛtʋ ndʋ tɩwɛ piyisi yɔɔ yɔ, ndʋʋ yɔ: 34 Zanowa nɛ Eyiniganiim nɛ Tapuwaa nɛ Eyinam 35 nɛ Yaarimuuti nɛ Aduulam nɛ Soko nɛ Azekaa 36 nɛ Saarayim nɛ Adiitayim nɛ Gederaa nɛ Gederootayim. Tɩkpɛndɩ tɩtɩŋa tɛtʋ hiu nɛ naanza (14) nɛ tɩ-tɛtʋ cikpetu cikpetu. 37 Tɛtʋ lɛɛtʋ kɛwɛ peeye ɖɔɖɔ, ndʋʋ yɔ: Senaanɩ nɛ Hadasa nɛ Migidaalɩgaadɩ 38 nɛ Dileyaanɩ nɛ Micipee nɛ Yokiteyɛɛlɩ 39 nɛ Lakiisi nɛ Bocɩkaatɩ nɛ Ɛgɩlɔɔnɩ 40 nɛ Kaabɔɔnɩ nɛ Lahemaasɩ nɛ Kitiliisi 41 nɛ Gederooti nɛ Beyitidaagɔɔnɩ nɛ Naama nɛ Maakeedaa. Tɩkpɛndɩ tɛtʋ sɔsɔtʋ hiu nɛ loɖo (16) nɛ tɩ-tɛtʋ cikpetu cikpetu. 42 Tɛtʋ lɛɛtʋ kɛwɛ hɔɔlʋʋ ŋgʋ kɩ-taa ɖɔɖɔ, tʋtʋ yɔ: Libinaa nɛ Etɛɛrɩ nɛ Asaanɩ 43 nɛ Yifitaa nɛ Asɩnaa nɛ Nesiivi 44 nɛ Keyila nɛ Akiziivi nɛ Maareesaa. Tɩkpɛndɩ nakʋ (9) nɛ tɩ-tɛtʋ cikpetu cikpetu. 45 Ɛkɩrɔɔnɩ tɛtʋ nɛ lona wena awɛ tɩ-cɔlɔ yɔ nɛ tɛtʋ cikpetu cikpetu pɛwɛ peeye ɖɔɖɔ 46 nɛ tɛtʋ sɔsɔtʋ nɛ cikpetu ndʋ tɩwɛ Asidooti hɔɔlʋʋ taa Ɛkɩrɔɔnɩ nɛ Mediteraanee teŋgu pɛ-hɛkʋ taa yɔ. 47 Tɛtʋ lɛɛtʋ kɛwɛ peeye ɖɔɖɔ, ndʋʋ yɔ: Asidoodi tɛtʋ nɛ Gaazaa ñɩndʋ nɛ lona wena acɔ-tʋ yɔ nɛ tɛtʋ cikpetu cikpetu nɛ ndʋ tɩwɛɛ nɛ piwolo pɩsɩnɩ Ejipiti pɔɔ nɛ piwolo pɩsɩnɩ Mediteraanee teŋgu nɔɔ kpɛɛ yɔ.
48 Tɛtʋ ndʋ tɩwɛ pʋʋ egeetiye taa yɔ, ndʋʋ yɔ: Samiiri tɛtʋ nɛ Yatiiri ñɩndʋ nɛ Sokoo ñɩndʋ 49 nɛ Daanaa ñɩndʋ nɛ Kiriyaatɩsaanaa ñɩndʋ, payaɣ-tʋ ɖɔɖɔ se Deviiri, 50 nɛ Anaavɩ ñɩndʋ nɛ Ɛsɩtemowaa ñɩndʋ nɛ Anim ñɩndʋ 51 nɛ Goosɛɛnɩ ñɩndʋ nɛ Holooni ñɩndʋ nɛ Giiloo ñɩndʋ. Tɩkpɛndɩ tɛtʋ sɔsɔtʋ hiu nɛ kʋɖʋm (11) nɛ tɩ-tɛtʋ cikpetu cikpetu. 52 Tɛtʋ lɛɛtʋ wɛ peeye ɖɔɖɔ, ndʋʋ yɔ: Araavɩ tɛtʋ nɛ Duumaa ñɩndʋ nɛ Eseyaanɩ ñɩndʋ 53 nɛ Yanum ñɩndʋ nɛ Beyititapuwa ñɩndʋ nɛ Afeekaa ñɩndʋ 54 nɛ Humetaa ñɩndʋ nɛ Kiriyaatarɩba ñɩndʋ, payaɣ-tʋ ɖɔɖɔ se, Hɛbɩrɔɔnɩ, nɛ Sɩyɔɔrɩ ñɩndʋ. Tɩkpɛndɩ tɛtʋ sɔsɔtʋ nakʋ (9) nɛ tɩ-tɛtʋ cikpetu cikpetu. 55 Tɛtʋ lɛɛtʋ wɛ peeye ɖɔɖɔ. Ndʋʋ yɔ: Mawɔɔnɩ tɛtʋ nɛ Kaarɩmɛɛlɩ ñɩndʋ nɛ Ziifi ñɩndʋ nɛ Yuutaa ñɩndʋ 56 nɛ Yizireyɛɛlɩ ñɩndʋ nɛ Yɔɔrɩkeyam ñɩndʋ nɛ Zanowaa ñɩndʋ 57 nɛ Kayɩnɩ ñɩndʋ nɛ Giveyaa ñɩndʋ nɛ Timinaa ñɩndʋ. Tɩkpɛndɩ tɛtʋ sɔsɔtʋ hiu (10) nɛ tɩ-tɛtʋ cikpetu cikpetu. 58 Tɛtʋ lɛɛtʋ wɛɛ dɔɖɔ, ndʋʋ yɔ: Haluuli tɛtʋ nɛ Beyiticuuri ñɩndʋ nɛ Gedoori ñɩndʋ 59 nɛ Maaraatɩ ñɩndʋ nɛ Beyitanɔɔtɩ ñɩndʋ nɛ Ɛlɩtekooni ñɩndʋ. Tɩkpɛndɩ loɖo (6) nɛ tɩ-tɛtʋ cikpetu cikpetu. 60 Tɛtʋ lɛɛtʋ wɛɛ ɖɔɖɔ, ndʋʋ yɔ: Kiriyaatɩbaalɩ tɛtʋ, payaɣ-tʋ ɖɔɖɔ se Kiriyaatɩyeyaarim, nɛ Raaba ñɩndʋ. Tɩkpɛndɩ naalɛ nɛ tɩ-tɛtʋ cikpetu cikpetu.
61 Tɛtʋ ndʋ tɩwɛ lakʋ hɔɔlʋʋ taa yɔ, ndʋʋ yɔ: Beyitarabaa tɛtʋ nɛ Midiini ñɩndʋ nɛ Sekaka ñɩndʋ 62 nɛ Nivesaanɩ ñɩndʋ nɛ Irimɛla c ñɩndʋ nɛ Eyinigɛdii ñɩndʋ. Tɩkpɛndɩ loɖo (6) nɛ tɩ-tɛtʋ cikpetu cikpetu.
63 Yuuda liɖe taa ñɩma tapɩzɩ pɔɖɔɔnɩ Yebuusii ñɩma mba pɛwɛ Yeruusalɛm yɔ. Ḿbʋʋ pɩlaba nɛ pɛwɛɛ peeye mbʋʋ halɩ nɛ sɔnɔ.