7
1 Peeye, KƖPAƔLƲ heyi Mooyiizi se, ɛna, ɛ́nʋ́ haɣ-ɩ ɖoŋ sɔsɔŋ nɩɩyɩ nɛ ɛpɩsɩɣ ɛzɩ Ɛsɔ yɔ Farawɔɔ ɛsɩndaa, piyele nɛ Aarɔɔnɩnɩnɩ kɛ ɛ-tɔm yɔɔdɩyʋ. 2 Se, ɛkɛdɩ ɛ-ɖalʋ Aarɔɔnɩnɩnɩ ńdʋ ɛ́nʋ́ heyi-i yɔ tɩ-tɩŋa, nɛ ɛ́lɛ́ kaɣnɩ yɔɔdɩnaʋ Farawɔɔ nɛ ɛpɔzɩ-ɩ se eyele Izirɛɛlɩ ñɩma nɛ palɩɩ ɛ-ɛjaɖɛ taa nɛ pɛɖɛɛ. 3 Se, paa nɛ ḿbʋ́ʋ́ yɔ, ɛ́nʋ́ lakɩ nɛ Farawɔɔ laŋɩyɛ wɛɛ kpɩzɩŋ, nɛ ɛ́nʋ́ kaɣ labʋ hama lakasɩ sakɩyɛ Ejipiti ɛjaɖɛ taa. 4 Se, Farawɔɔ ɛɛkaɣ-wɛ welesinuu. Se, ɖɩnɛɛ lɛ, ɛnʋ́ kaɣ e-nesi sezuu Ejipiti ɛjaɖɛ yɔɔ nɛ ɛnʋ́ hɔ ɖɩ-taa ñɩma nɩŋgbaaŋ nɛ kʋñɔmɩŋ weyi ɛnʋ́ ɖʋwa se ɛwɩlɩɣ-wɛ yɔ. Se, pʋwayɩ lɛ, ɛnʋ́ hɔŋ ɛ-samaɣ, Izirɛɛlɩ ñɩma nɛ ɛlɩzɩ-wɛ nɔɔ kʋɖʋmaɣ Ejipiti ɛjaɖɛ taa. 5 Se, alɩwaatʋ ńdʋ́ ɛnʋ́ kʋyʋʋ Ejipiti taa ñɩma yɔɔ nɛ ɛnʋ́ lɩzɩ Izirɛɛlɩ ñɩma nɛ ɛnʋ́ ɖoŋ Ejipiti ɛjaɖɛ taa lɛ, ɖɩnɛɛ lɛ, paba naɣ se, ɛ́nʋ́ʋ́ lɛ KƖPAƔLƲ.
6 Ḿbʋ́ʋ́, Mooyiizi nɛ Aarɔɔnɩnɩnɩ palabɩ keekee ɛzɩ KƖPAƔLƲ keheyuu-wɛ yɔ. 7 Alɩwaatʋ ńdʋ́ powobi pɔyɔɔdʋʋnɩ Farawɔɔ lɛ, Mooyiizi kaawɛnɩ pɩnzɩ nɩɩnʋwa nɛ niidozo nɛ Aarɔɔnɩnɩnɩ ñɛwɛɛnɩ pɩnzɩ nɩɩnʋwa nɛ niidozo nɛ naadozo.
Farawɔɔ kizuu se eewelesiɣni Mooyiizi nɛ Aarɔɔnɩnɩnɩ yɔ
8 Pʋwayɩ lɛ, KƖPAƔLƲ heyi Mooyiizi nɛ Aarɔɔnɩnɩnɩ se, 9 ye Farawɔɔ ɛtɔm-wɛ se, pala hama lakasɩ nasɩyɩ lɛ, eheyi Aarɔɔnɩnɩnɩ se, ɛ́lɛ́ ɛkpaɣ ɛ-ɖaʋ ŋgʋ ɛ́lɛ́ ɖɔkaa yɔ nɛ ɛpɛɖɩ-kʋ tataa, wiyaʋ ɛsɩndaa. Se, ɛpɛdɩɣ-kʋ lɛ, kɩpɩsɩ ɖʋm.
10 Ɖɩnɛɛ, Mooyiizi nɛ Aarɔɔnɩnɩnɩ pakʋyaa nɛ powolo Farawɔɔ cɔlɔ nɛ pala ɖeyi ɖeyi ɛzɩ KƖPAƔLƲ keheyuu-wɛ yɔ. Aarɔɔnɩnɩnɩ kpaɣ ɛ-daʋ nɛ ɛpɛɖɩ-kʋ tataa Farawɔɔ nɛ ɛ-cɔlɔ ñɩma ɛsɩndaa. Ɛpɛɖɩ-kʋ lɛ, kɩpɩsɩ ɖʋm. 11 Pɩlabɩ ḿbʋ́ lɛ, Farawɔɔ tiyi payaa Ejipiti ɛjaɖɛ taa lɔŋsɩnɖaa nɛ tɩyaa. Paba tiŋni pa-hama yɔɔ nɛ pala ḿbʋ ɖɔɖɔ. 12 Paa weyi ɛpɛdɩ ɛ-ɖaʋ tataa nɛ ɖaŋ ɛ́nʋ́ ɛ-tɩŋa ɛpɩsi ɖʋmaa. Ɛlɛ, Aarɔɔnɩnɩnɩ ɖaʋ kʋyɩ nɛ kili paba ñɩŋ. 13 Paa nɛ ḿbʋ́ yɔ, Farawɔɔ la laŋkpɩzɩyɛ ɛzɩ KƖPAƔLƲ kɔyɔɔdʋʋ yɔ, nɛ ɛtɩkpaɣ Mooyiizi nɛ Aarɔɔnɩnɩnɩ pɔ-tɔm nɛ ɛyaa se pʋyʋ.
Lɩm pɩsʋʋ calɩm yɔ
14 Pɩlabɩ ḿbʋ́ lɛ, KƖPAƔLƲ heyi Mooyiizi se, lɛɛlɛɛyɔ Farawɔɔ ñʋʋ taa kpa ɖoŋ nɛ ekizi se eeyeki Izirɛɛlɩ ñɩma nɛ pɛɖɛɛ. 15 Se, ye ḿbʋ́ kifema lɛ, ɛlɩɩ lɔŋ tanaŋ cu alɩwaatʋ ndʋ́ ɛ́lɛ́ tiki pɔɔ nɔɔ yɔ nɛ ewolo ɛɖaŋ ɛ́lɛ́ɛ́ peeye. Se, ɛɖɔkɩ e-nesi taa ɛ-ɖaʋ ŋgʋ́ kɩɩpɩsɩ ɖʋm yɔ, nɛ ɛtalɩ peeye lɛ, ɛsɩŋ ɛ́lɛ́ ɛsɩndaa Niili pɔɔ nɔɔ, kiteŋ yɔɔ. 16 Se, eheyi-i se, KƖPAƔLƲ Ebire ñɩma Ɛsɔ tiyi-i se eheyi-i se, eyele ɛ́nʋ́ samaɣ nɛ kowolo lakʋ taa nɛ káláá ɛ́nʋ́ʋ́ kɩlaʋ. Ɛlɛ, se halɩ nɛ sɔnɔ yɔ, ɛwɛɛ nɛ ɛɛcaɣ se ɛnɩɩ natʋyʋ. 17 Se, pʋ-yɔɔ KƖPAƔLƲ kaɖaa se, lɛɛlɛɛyɔ pʋnɛ piyeki nɛ eɖiɣzini se ɛ́nʋ́ kɛ KƖPAƔLƲ. Se, ɖɑʋ ŋgʋ́ ɛ́nʋ́ ɖɔkaa yɔ, ŋgʋ́ʋ́ ɛ́nʋ́ makɩnɩ Niili pɔɔ taa lɩm yɔɔ, nɛ pɩpɩsɩ calɩm. 18 Se, kpakpasɩ sɩkɩ nɛ pɔɔ taa lɩm lɩɩ sɔŋ nɛ Ejipiti ñɩma ɛɛpɩzɩɣ nɛ pataasɩ ka-taa lɩm ñɔ́ʋ́. 19 Pʋwayɩ lɛ, KƖPAƔLƲ tasɩ Mooyiizi heyuu se, eheyi Aarɔɔnɩnɩnɩ se ɛkpaɣ ɛ-ɖaʋ nɛ eposi e-nesi Ejipiti pɔsɩ tɩŋa nɛ lɔmɩŋ nɛ lɔɔŋ nɛ pɩkpɛndɩnɩ teŋgunaa, pɔ-hɔɔlʋʋ taa nɛ pa-taa lɩm pɩsɩ calɩm. Se, calɩm ɛwɛɛ Ejipiti ɛjaɖɛ tɩŋa taa, halɩ nɛ pɩkpɛndɩnɩ ñanzɩ ńzɩ́ pasaɣ-sɩ nɛ tɩʋ yaa pɩyɛ yɔ, sɩ-taa.
20 Ḿbʋ́ʋ́, Mooyiizi nɛ Aarɔɔnɩnɩnɩ palabɩ ńdʋ́ KƖPAƔLƲ keheyi-wɛ se pala yɔ. Aarɔɔnɩnɩnɩ kpazɩ ɛ-ɖaʋ farawɔɔ nɛ ɛ-cɔlɔ ñɩma pɛ-ɛsɩndaa nɛ ɛma Niili pɔɔ taa lɩm yɔɔ, nɛ lɩm ḿbʋ pɩ-tɩŋa pɩpɩsɩ calɩm. 21 Pɩlabɩ ḿbʋ́ lɛ, kpakpasɩ sɩ nɛ pɔɔ taa lɩm pazɩ lɩɣ sɔŋ, nɛ Ejipiti ñɩma tɩpɩzɩɣ se patasɩ lɩm ñɔ́ʋ́. Calɩm kɛwɛɛ ɛjaɖɛ kpeekpe taa.
22 Peeye, Ejipiti ɛjaɖɛ taa tɩyaa tiŋni pa-hama yɔɔ nɛ pala ḿbʋ ɖɔɖɔ. Ɖɔɖɔ ɛzɩ KƖPAƔLƲ kɔyɔɔdʋʋ yɔ, Farawɔɔ laŋɩyɛ tɛzɩ labʋ kpɩzɩŋ nɛ ɛtɩkpaɣ Mooyiizi nɛ Aarɔɔnɩnɩnɩ pɔ-tɔm nɛ ɛyaa se pʋyʋ. 23 Pɩlabɩ ḿbʋ́ lɛ, Farawɔɔ ha nɩmaɣ nɛ ɛpɩsɩ ɛ-tɛ, nɛ ɛtatasɩ tɔm ndʋ kpaɣʋ nɛ ɛyaa se pʋyʋ. 24 Ɖɩnɛɛ Ejipiti ñɩma tɩŋa sʋ pɔŋ huyuu yɔɔ Niili pɔɔ nɔɔ se tesɔyɔɔ paahiɣ lɩm kɩpam. Ḿbʋ́ pʋyɔɔ yɔ, Niili pɔɔ taa lɩm taafɛyɩ ñɔ́ʋ́.
25 KƖPAƔLƲ yeba nɛ asɛyʋʋ sʋʋ Niili pɔɔ taa lɩm wayɩ lɛ, pɩtalɩ kɩyakɩŋ lʋbɛ.
Fetee tɔm
26 Pʋwayɩ lɛ, KƖPAƔLƲ heyi Mooyiizi se, ewolo Farawɔɔ cɔlɔ nɛ eheyi ɛ́lɛ́ se, eyele ɛ́nʋ samaɣ nɛ kɛɖɛɛ kowolo kaláá ɛ́nʋ́ʋ́ kɩlaʋ. 27 Se, ye ekizaa yɔ, ɛ́nʋ́ yeki nɛ fetee lɩɩ nɛ apa Ejipiti ɛjaɖɛ tɛtʋ tɩŋa yɔɔ. 28 Se, ahukuu sakɩyɛ Niili pɔɔ taa. Se, alɩɣ nɛ asʋʋ e-kiwiyaɣ ɖɩɣa taa nɛ e-kutuyuu tɛɛ, halɩ pɩkpɛndɩnɩ ɛ-ñalʋʋ yɔɔ. Akaɣ sʋʋ ɖɔɖɔ ɛ-cɔlɔ ñɩma nɛ ɛ-samaɣ tɩŋa pɛ-tɛ. Se, akaɣ suu lonaa wena a-taa pɔhɔkɩ kpɔnɔ yɔ nɛ wena a-taa pasɩɣ-kʋ yɔ. 29 Se, halɩ akaɣ ɛ-maɣmaɣ nɛ ɛ-cɔlɔ ñɩma kpɛɛɛ nɛ ɛ-samaɣ taa ñɩma pɔ-yɔɔ kpaʋ.