Petrus ni surat luryain
Ngribatin luryanir
Petrus narengi ni surat luryain ye ber tomwatar ma to Yahudi sir ma ralele Yesus. Sir ye ma ramin mpenempen na provinsi Asia balisya trangan (1:1). Petrus ye Yesus Ni manglatar sa nof buty resin du a ne. Noak ma nose surat ye, i ntak Silas ma narengi (5:12). Sir radu a rarengi surat ye nof ngarak 64-68. Noak a ne tomwatar rose suse ma rtean sir ma ralele Yesus ninr Ray Silai (1:13-2:3, 2:11-17, 3:1-7, 3:8:12, 4:7-11, ma 5:1-11).
Iane nwayat ma Petrus narengi surat ye ber sir la nafkoran sir ma ralele Yesus nema bonir ral ma rabare susar a ne. Ma nsurat sir a nbal ma ka rmorip a rlarat Ratu Ni mpempeang (4:1-6). Ma rose rlarat contoh ma Yesus nose ber sir a ne (2:18-25). Ma I neluk baty momorip ber sir (2:4-10). Ma I nsurat sir a nbal nema noak ma rkoman suse fali ralele Yesus, ka dedesar ma rsabar (3:13-22 ma 4:12-19). Ma nfalak a nbal feti Ratu keta nfair sir fali Ni dalam ngamone (1:3-12).
Surat isin farye:
1:1-2 Salam
1:3-12 Kit talele Yesus mpa bise ma tdaf safe ma Ratu nyoding ber kit a ne
1:13-25 Ratu nfil kit ma ka tmorip e tanglerap
2:1-3 Ka dedesar ma tanriak Ratu Ni ngribatnir
2:4-10 Yesus ninr Ray Silai farlan baty momorip
2:11-17 Tomwatar ma ralele Yesus ninr Ray Silai ka rfatutu nir wewelmpampan ngamonar
2:18-25 Yesus ninr Ray Silai nkoman suse neluk contoh ber kit
3:1-7 Snyurat ber ene sawe
3:8-12 Ka tmorip e tangamon tor tomwatar ma tose lan kabain ngamonar
3:13-22 Noak ma tkoman suse ka dedesar ma tsabar
4:1-6 Ka tafbeberi tbali ninr momorip ma tlarat Ratu Ni mpempeang
4:7-11 Tomwatar ma ralele Yesus nir momorip
4:12-19 Snyurat ber tomwatar ma rkoman suse fali rlarat Yesus ninr Ray Silai
5:1-11 Snyurtar ber mangnrur gerejar ma soranyar
5:12-14 Salam penutup