ꃷꅍ/ꀊꃶ/ꌠ/ꀱ/ꐥꇁ
37
1 ꑳꀊꊆ/ꇇ/ꋌ/ꄻ/ꉠ/ꇭꀧ/ꇬ/ꐛ/ꄉ/ꊋꃤ/ꄻ/ꉢ/ꁳ。ꑳꀊꊆ/ꆹ/ꋍ/ꒌ/ꂶꌠ/ꇇꄧ/ꈴ/ꄉ/ꉢ/ꋌ/ꏃ/ꉈꏭ/ꁧ/ꇈ，ꇁꌊ/ꐦꀞ/ꑠ/ꂷ/ꇬ/ꑟ；ꐦꀞ/ꋋ/ꂷ/ꇬ/ꃅ/ꊿ/ꃷꅍ/ꐛꃅ/ꇫ/ꎍ。 2 ꑳꀊꊆ/ꉢ/ꁳ/ꃷꅍ/ꈧꌠ/ꀉꈬꀊꇋ/ꈴ/ꒉ/ꎻ/ꇬꆏ，ꀊꁣ！ꐦꀞ/ꇬ/ꃷꅍ/ꈍꑋ/ꈍꑋ/ꃅ/ꇫꎍ，ꀊꃶ/ꇤꊭꀕ/ꌐ。 3 ꋌ/ꉠ/ꏯ：“ꊾꌺ/ꀋ！ꃷꅍ/ꋋ/ꈨ/ꇫ/ꐥ/ꇁ/ꄎ/ꀕ？”ꄷ/ꅲ。ꉡ/ꆏ：“ꌋ/ꑳꀊꊆ/ꀋ！ꋍ/ꑠ/ꆏ/ꀉꄂ/ꇫ/ꅉꐚ”ꄷ。
4 ꋌ/ꉈꑴ/ꉠ/ꏯ：“ꆏ/ꄚ/ꃷꅍ/ꋋ/ꈨ/ꏭ/ꅉꄜ，ꋀ/ꏭ： ꃷꅍ/ꀊꃶ/ꇤꊭꀕ/ꈧꌠ/ꀋ！ꑳꀊꊆ/ꅇꂷ/ꅲ/ꄉ。 5 ꌋ/ꑳꀊꊆ/ꄹꇬ：‘ꇬꉚꄉ！ꉢ/ꀋꎪꃅ/ꌗ/ꄻ/ꆍ/ꄸꈐ/ꇬ/ꊐ/ꄉ，ꆍ/ꁳ/ꄓ/ꇫ/ꐥ/ꇁ/ꎻ/ꌠꉬ。 6 ꉢ/ꈬꏣꑳꏡ/ꄻ/ꆍ/ꄀ，ꆊꌧ/ꒆ/ꇁ/ꎻ，ꉈꑴ/ꑅꇷ/ꄻ/ꇫ/ꄟ/ꄉ，ꌗ/ꄻ/ꆍ/ꄸꈐ/ꇬ/ꊐ/ꇈ，ꆍ/ꁳ/ꄓ/ꇫ/ꐥ/ꇁ/ꎻ；ꑠꃅ/ꑲꆏ，ꆍꊇꆹꉢꑳꀊꊆꉬꌠꆍꅉꐚꌠꉬ’ꄷ”ꄷ。
7 ꄚꄉ，ꉢ/ꑳꀊꊆ/ꅇꃅ/ꄉ/ꅉꄜꅇ/ꉉ，ꅉꄜꅇ/ꉉ/ꑌ/ꃅ/ꄈ/ꄮꇬ/ꆏ，ꂾꃚ/ꈨ/ꇫ/ꈌ/ꐚ/ꇁ，ꀊꁣ！ꊭꇙꇠꆽ/ꃅ/ꃷꅍ/ꈧꌠ/ꀱ/ꉈꑴ/ꐯꎏꐯꅑ/ꇁ/ꌐ。 8 ꉢ/ꏮ/ꇬ/ꉚ/ꇬꆏ，ꀊꁣ！ꃷꅍ/ꈧꌠ/ꈬꑳ/ꇬ/ꎏ/ꐺ，ꆊꌧ/ꑌ/ꒆ/ꇁ，ꉈꑴ/ꑅꇷ/ꑌ/ꄻ/ꇫ/ꄟ/ꄉ/ꌐ，ꌗ/ꀉꄂ/ꀋ/ꑌ/ꀐ。 9 ꑳꀊꊆ/ꉠ/ꏯ：“ꊾꌺ/ꀋ！ꆏ/ꅉꄜ/ꄉ/ꃅꆳ/ꏭ/ꉉ，ꑳꀊꊆ/ꄹꇬ：‘ꆳꌗ/ꀋ！ꆏ/ꃄꇖꄹꊂ/ꄉ/ꁏꇁ，ꁏ/ꌊ/ꄚ/ꊿ/ꀕ/ꌉ/ꇫꎭ/ꋋ/ꈨ/ꇭꀧ/ꇬ/ꌸ/ꄉ，ꋀ/ꁳ/ꄓ/ꇫ/ꐥ/ꇁ/ꎻ’ꄷ”ꄷ。 10 ꑠꃅꄉ，ꉢ/ꋍ/ꅇꃅ/ꄉ/ꅉꄜ/ꇬꆏ，ꆳꌗ/ꇁ/ꃷꅍ/ꈧꌠ/ꈐꏭ/ꃹ/ꄉ，ꃷꅍ/ꈧꌠ/ꇫ/ꐥ/ꇁ/ꌐ，ꄷꀋꁧ/ꑭꄑ/ꇬ/ꉆ/ꄉ/ꂽꑼ/ꈍꒈ/ꑠ/ꁥ/ꐛ/ꀐ。
11 ꑳꀊꊆ/ꉠ/ꏯ：“ꊾꌺ/ꀋ！ꃷꅍ/ꋋ/ꈨ/ꆹ/ꑱꌝꆀ/ꄰ/ꑭꊂ/ꉬ。ꋀꊇ/ꆹ：‘ꇬꉚ！ꉪ/ꃷꅍ/ꀊꃶ/ꇤꊭꀕ/ꀐ，ꉪ/ꉘꇉ/ꅍ/ꀋ/ꊌ/ꀐ，ꉪꊇ/ꈔꑍ/ꌐ/ꀐ！’ꃅ/ꉉ。 12 ꑠꅹ，ꆏ/ꑴꌠ/ꅉꄜ/ꄉ/ꋀ/ꏭ/ꉉ/ꒉ：‘ꌋ/ꑳꀊꊆ/ꑠꃅ/ꉉ： ꉠ/ꉹꁌ/ꊈ/ꀋ！ꇬꉚꄉ！ꉡ/ꆹ/ꆍ/ꄃꁧ/ꁉ/ꄉ，ꄃꁧ/ꈐꏭ/ꄉ/ꆍ/ꏁ/ꅐꇁ/ꇈ，ꏃ/ꉈꑴ/ꑱꌝꆀ/ꃅꄷ/ꑟ。 13 ꉠ/ꉹꁌ/ꊈ/ꀋ！ꆍ/ꄃꁧ/ꉢ/ꁉ/ꄉ/ꆍ/ꉢ/ꏃ/ꅐ/ꇀ/ꄮꇬ/ꆏ，ꆍꊇ/ꆹ/ꉢ/ꑳꀊꊆ/ꉬꌠ/ꆍ/ꅉꐚ/ꌠꉬ。 14 ꉡ/ꆹ/ꀋꎪꃅ/ꉠ/ꒌ/ꄻ/ꆍ/ꄸꈐ/ꊐ/ꄉ，ꆍ/ꁳ/ꄓ/ꇫ/ꐥ/ꇁ/ꎻ。ꆍꊇ/ꉢ/ꄻ/ꆍ/ꊨꏦ/ꃅꄷ/ꏀ/ꄉ/ꄮꇬ/ꆏ，ꆍꊇ/ꆹ/ꉢ/ꑳꀊꊆ/ꅇꂷ/ꉉ/ꄉ/ꑲꆏ/ꃅ/ꇫ/ꑟ/ꂷ/ꉬꌠ/ꆍ/ꅉꐚ。ꋍ/ꑠꆹ/ꑳꀊꊆ/ꉉ/ꌠꉬ’ꄷ”ꄷ。
ꒀꄊ/ꌋꆀ/ꑱꌝꆀ/ꇁ/ꇩꏤ/ꋍ/ꂷ/ꐛ
15 ꑳꀊꊆ/ꅇꂷ/ꇁꌊ/ꉠ/ꄹ/ꑟ/ꄉ，ꉠ/ꏯ： 16 “ꊾꌺ/ꀋ！ꆏ/ꑴꌠ/ꄯꁯ/ꏢ/ꒃ/ꌋ/ꄉ‘ꒀꄊ/ꌋꆀ/ꋌ/ꐉ/ꌠ/ꑱꌝꆀ/ꊿ’ꄷ/ꑠ/ꇬ/ꁱ/ꇬ/ꄀ/ꄉ；ꆏ/ꉈꑴ/ꄯꁯ/ꀉꁁ/ꏢ/ꒃ/ꌊ/ꄉ‘ꑱꃔꆃ/ꄯꁯ-ꒀꌝ/ꌋꆀ/ꋌ/ꐉ/ꌠ/ꑱꌝꆀ/ꁯ/ꌠ’ꄷ/ꑠ/ꇬ/ꁱ/ꇬ/ꄀ/ꄉ。 17 ꆏ/ꑴꌠ/ꄯꁯ/ꑍ/ꏢ/ꌠ/ꒃ/ꌊ/ꊛ/ꋍ/ꏢ/ꃅꄉ，ꋀ/ꁳ/ꅽ/ꇇꈐ/ꇬꄉ/ꏓ/ꇁ/ꋍ/ꏢ/ꐛ/ꎻ。 18 ꅽ/ꇩꏤ/ꇬ/ꉹꁌ/ꈧꌠ/ꅽ/ꏯ：‘ꋍ/ꑠ/ꑞ/ꄜ/ꌠꉬ？ꆏ/ꉉ/ꉪ/ꀋ/ꇰ/ꅀ？’ꃅ/ꅲ/ꑲꆏ， 19 ꆏ/ꑴꌠ/ꋀ/ꏭ：‘ꌋ/ꑳꀊꊆ/ꄹꇬ：ꇬꉚꄉ！ꉡ/ꆹ/ꒀꌝ/ꌋꆀ/ꋌ/ꐉ/ꌠ/ꑱꌝꆀ/ꃣꉻ/ꃤ/ꄯꁯ/ꑱꃔꆃ/ꇇꈐ/ꀀ/ꏡꌠ/ꌋꆀ/ꒀꄊ/ꄯꁯ/ꏡꌠ/ꄻ/ꐯꊛ/ꄉ，ꉠ/ꇇꈐ/ꇬꄉ/ꇁ/ꋍ/ꏢ/ꐛ/ꎻ’ꄷ。 20 ꆏ/ꑴꌠ/ꋀ/ꂾ/ꄉ，ꄯꁯ/ꁱꂷ/ꁱ/ꇬ/ꄀ/ꄉ/ꑍ/ꏢꌠ/ꄻ/ꅽ/ꇇ/ꇬ/ꊐ/ꄉ/ꇈ， 21 ꋀ/ꏭ/ꉉ/ꒉ：‘ꌋ/ꑳꀊꊆ/ꑠꃅ/ꉉ： ꇬꉚ！ꉡ/ꆹ/ꑱꌝꆀ/ꊿ/ꈀ/ꑟ/ꅉ/ꇩꏤ/ꈧꌠ/ꈬꄔ/ꄉ/ꋀ/ꏁ/ꉈꑴ/ꇁ，ꃄꇖꄹꊂ/ꄉ/ꋀ/ꏣꏑ/ꐯꇯ/ꄉ/ꏃ/ꉈꑴ/ꋀ/ꃅꄷ/ꇁ。 22 ꉢ/ꋀ/ꁳ/ꃅꄷ/ꋌ/ꈚ/ꇬ，ꑱꌝꆀ/ꁧꇂꇈꌺ/ꈧꌠ/ꇬꄉ/ꇁ/ꇩꏤ/ꋍ/ꂷ/ꐛ/ꎻ，ꀋꎪꃅ/ꃰꃅ/ꂷ/ꇁ/ꋀ/ꈀꐥꌠ/ꄩ/ꏲꂠ。ꋀꊇ/ꆹ/ꋌꊂ/ꆏ/ꇩꏤ/ꑍ/ꂷ/ꀋ/ꉬ/ꀐ，ꁸ/ꌊ/ꇩꏤ/ꑍ/ꂷ/ꃅ/ꐙ/ꀋ/ꁧ/ꀐ。 23 ꋀꊇ/ꆹ/ꈍꃅꑌ/ꌩꁱꇓꁱ、ꌤꆿ/ꊽ/ꉌꁕ/ꌠ/ꌋꆀ/ꑽꃤꄸꃤ/ꈀꐥꌠ/ꑠ/ꁳ/ꊨꏦ/ꍍꆀ/ꀋ/ꎽ/ꀐ。ꋀꊇ/ꉢ/ꇱ/ꈭꋏ/ꌊ/ꑽꃤꄸꃤ/ꈀꐥꌠ/ꈬ/ꇬ/ꐞ/ꇁ/ꄉ，ꋀ/ꁳ/ꁦꎴ/ꅐ/ꎻ，ꑠꃅꄉ，ꋀꊇ/ꇁ/ꉠ/ꉹꁌ/ꐛ，ꉡ/ꆹ/ꋀ/ꏃꃅꌋ/ꄻ’ꄷ。
24 ꉠ/ꁏꐚ/ꄊꃥ/ꇁ/ꋀ/ꃰꃅ/ꄻ；ꋀꊇ/ꐯꇯ/ꇁ/ꆫꃀ/ꋍ/ꂷ/ꇂꃴ/ꐥ。ꋀꊇ/ꀋꎪꃅ/ꉠ/ꇗꅉ/ꍬ，ꋓꉪꁨ/ꄉ/ꉠ/ꏥꀕ/ꈴ/ꌠꉬ。 25 ꋀꊇ/ꆹ/ꃄꅉ/ꉢ/ꄻ/ꉠ/ꁏꐚ/ꑸꇱ/ꇖ/ꄉ/ꈚ/ꌠ/ꀀ，ꃄꅉ/ꋌ/ꈚ/ꆍ/ꁍꁈ/ꀀ/ꅉ/ꑌ/ꉬ。ꋀꊇ/ꌋꆀ/ꋀ/ꌺꇖ、ꋀ/ꌺꇖ/ꊂꋊ/ꐯꇯ/ꐩꋊꐩꍂ/ꃅ/ꀊꋩꈚ/ꇬ/ꀀ/ꌠꉬ。ꉠ/ꁏꐚ/ꄊꃥ/ꐩꋊꐩꍂ/ꃅꄉ/ꋀ/ꃰꃅ/ꄻ。 26 ꉡ/ꆹ/ꋀ/ꌋꆀ/ꋬꂻ/ꏤꐪ/ꒃ，ꏤꐪ/ꐩꋊꐩꍂ/ꑠ/ꏢ/ꒃ/ꄉ。ꉢ/ꋀ/ꁳ/ꀀꑭꒃ/ꄉ，ꊿ/ꂷ/ꃷꁨ/ꀉꑌꃅ/ꁦꎆ/ꎻ，ꉈꑴ/ꉠ/ꌃꎔ/ꑳ/ꂶꌠ/ꐩꋊꐩꍂ/ꃅ/ꉢ/ꄻ/ꋀ/ꈬꄔ/ꋦ/ꎻ。 27 ꉠ/ꐤꅉ/ꑌ/ꀋꎪꃅ/ꋀ/ꈬꄔ/ꐛ；ꉡ/ꆹ/ꋀ/ꏃꃅꌋ/ꄻ，ꋀꊇ/ꆹ/ꇁ/ꉠ/ꉹꁌ/ꐛ。 28 ꉠ/ꌃꎔ/ꑳ/ꂶꌠ/ꆹ/ꋀ/ꈬꄔ/ꐛ/ꅷ/ꐩꋊꐩꍂ/ꄮꇬ/ꑟ，ꑠꃅ/ꑲꆏ，ꇩꏤ/ꈧꌠ/ꀋꎪꃅ/ꉢ/ꑳꀊꊆ/ꆹ/ꑱꌝꆀ/ꊿ/ꁳ/ꌃꇁꎔꐛ/ꎻ/ꂶꌠ/ꉬꌠ/ꋀ/ꅉꐚ/ꇁ”ꄷ。