ꄜ/ꑸꉳꌦ/ꃰꃅ/ꇰ/ꌠ/ꅇꂷ
7
1 ꃶꑭꑸ/ꇖꑳ、ꒀꄤ/ꄰ/ꌺ/ꑸꉳꌦ/ꒀꄊ/ꃰꃅ/ꄺ/ꄮꇬ，ꑸꇂ/ꃰꃅ/ꆺꑪ/ꌋꆀ/ꆺꂷꆺ/ꄰ/ꌺ/ꑱꌝꆀ/ꃰꃅ/ꀘꏦ/ꑋ/ꆹ/ꀍꉀ/ꄉ/ꑳꇊꌒꇌ/ꇓꈓ/ꌉ/ꇁ，ꄚ/ꇓꈓ/ꂶꌠ/ꋍꑊ/ꇬ/ꅣ/ꁖ/ꀋꄐ。 2 ꊾ/ꈨ/ꄊꃥ/ꄰ/ꑭꊂ/ꏯ：“ꑸꇂ/ꇩꏤ/ꌋꆀ/ꑱꃔꆃ/ꐯꐉ/ꏤꐪ/ꒃ/ꀐ”ꃅ/ꉉ/ꇁ/ꌠ/ꐥ。ꄚꄉ，ꃰꃅ/ꌋꆀ/ꉹꁌ/ꆹ/ꐯꇯ/ꉌꂵ/ꏸꏦ/ꄉ/ꑑꃹꏾꌌꀕ/ꌐ，ꀋꇊꆏ/ꌩꏪ/ꇬ/ꌩꁧ/ꃅꆳ/ꇱ/ꁏꌊ/ꉈꈧ/ꐺ/ꌠ/ꌡ。3 ꑳꀊꊆ/ꆏ/ꑱꌏꑸ/ꏭ：“ꆎ/ꌋꆀ/ꅽ/ꌺ/ꏂꑸ.ꑷꎵ/ꐯꇯ/ꁖꌊ/ꎮꍹ/ꒉꁦ/ꏾꂪ/ꄇꈜ/ꑸꀬ/ꒈꋌ/ꅉ/ꏭ/ꆹ/ꏡꌠ/ꇬꄉ，ꑸꉳꌦ/ꃰꃅ/ꂿ/ꆹ/ꑲꆀ， 4 ꇬ/ꏭ：‘ꆏ/ꑴꌠ/ꋓꉪꁨ，ꏸꄡꏦ，ꉌꂵ/ꅡꊪ/ꃅꄉ，ꑸꇂ/ꃰꃅ/ꆺꑪ/ꌋꆀ/ꆺꂷꆺ/ꄰ/ꌺ/ꂶꌠ/ꑋ/ꇨꇅꃃ/ꐨ/ꑠ/ꆹ/ꌩꋴ/ꐝꀜ/ꃅꇴ/ꅐ/ꌠ/ꌡ，ꅽ/ꉌꂵ/ꏸꏦ/ꌋꀋꌸ。 5 ꑞꃅꆏ，ꑸꇂ、ꑱꃔꆃ/ꌋꆀ/ꆺꂷꆺ/ꄰ/ꌺ/ꏤ/ꋋꈨ/ꆹ/ꏡꁈ/ꏂꌊ/ꆏ/ꉮ/ꏢ/ꉨ/ꄉ， 6 ꑠꃅꉉ：‘ꉪꊇ/ꀍꉀ/ꄉ/ꒀꄊ/ꌉ/ꆹ/ꂿ，ꊿ/ꈧꌠ/ꃸꆽ/ꐯꀋꉜ/ꑲꆀ，ꇓꈓ/ꂶꌠ/ꅥꁖ/ꄉ/ꋀ/ꁳ/ꉪ/ꇂꃴ/ꐥ/ꇁ/ꎻ/ꇈ，ꋀ/ꈬꄔ/ꇬ/ꄣꀘꇍ/ꄰ/ꌺ/ꂶꌠ/ꁳ/ꃰꃅ/ꄻ/ꎻ/ꂿ’ꄷ。 7 ꄚ/ꌋꑳꀊꊆ/ꆏ：
‘ꏡꁈ/ꋋꏢ/ꈍꃅꑌ/ꃅꐛ/ꀋꄐ，
ꌤꆿ/ꋍꑠ/ꇫꅐ/ꇁ/ꀋꄐ/ꌠ/ꄹ。
8 ꑞꃅꆏ，ꑸꇂ/ꇩꏤ/ꃰꃅ/ꇓꈓ/ꂶꌠ/ꆹ/ꄊꂷꌧꇱ/ꉬ，
ꄊꂷꌧꇱ/ꇓꈓ/ꌟꒉ/ꀑꋾ/ꂶꌠ/ꆹ/ꆺꑪ/ꉬ；
ꃅꈎ/ꃘꊯꉬ/ꈎ/ꈍꈐ/ꃅꄉ，
ꑱꃔꆃ/ꇩꏤ/ꌋꆀ/ꊿꋅ/ꆹ/ꀋꎪꃅ/ꈔꑍ/ꇁ/ꌠꉬ，
9 ꑱꃔꆃꇩꏤꃰꃅꇓꈓꆹꌒꂷꆀꑸꉬ；
ꌒꂷꆀꑸꌟꒉꀑꋾꂶꌠꆹꆺꂷꆺꄰꌺꉬ。
ꀋꄸꄷꆍꑇꐨꏟꈯꀋꈯꇬꆹ，
ꆍꊇꈍꃅꑌꉆꈬꉆꈈꀋꄐꌠꉬ’ꄷꉉꒉ”ꄷ。
ꑱꂷꆺꆀꌐꂷ
10 ꋍꈭꐨꆏ，ꑳꀊꊆꉈꑴꑸꉳꌦꏭ： 11 “ꆏꑳꀊꊆ-ꅽꏃꃅꌋꄷꌐꂷꑵꇖꂟ，ꀏꅉꃴꆈꉘꀕꅉꇬꅐꇁꑌꍑ，ꄩꃅꃴꀊꂥꅉꇬꁖꇁꇬꑌꍑ”ꄷ。 12 ꄚꑸꉳꌦꆏꇬꏭ：“ꉢꀋꇖꀋꂟ，ꉢꑳꀊꊆꌌꀋꉪ”ꄷ。 13 ꑱꌏꑸꆏ：“ꄊꃥꄰꀋ！ꅲꄉ！ꊿꆍꃅꅷꉌꅧꑓꇤꀐꇬꀋꇎꑴꌦꅀ？ꉈꑴꉠꏃꃅꌋꁳꉌꅧꑓꇤꎻꑴꌦꅀ？ 14 ꑠꅹ，ꌋꊨꏦꆹꊫꄲꌐꂷꑵꄻꆍꀦꌠꉬ，ꇬꉚꄉ！ꀋꎪꃅꌋꅪꑱꋦꀋꋻꑠꂷꃴꑌꄉꌹꍈꒆꇈ，ꄻꑱꂷꆺꆀꂓꄉꌠꉬa。 15 ꋌꄷꅠꌠꄘꑣ、ꂄꎔꌠꌊꄻꑲꌧꄮꇬꆏ，ꀋꎪꃅꇌꑍꏀꏿꄉꌠꌋꆀꐚꒉꋠꌠꉬ。 16 ꑞꃅꆏ，ꀉꑳꋋꂷꄸꌠꄙ、ꂄꌠꌋꑲꀋꌧꌦꂾꇯꆐ，ꆏꇫꌂꌠꃰꃅꀊꋨꑍꂷꃄꅉꆹꀋꎪꃅꈥꅐꀜꅐꌠꉬ。 17 ꋍꈭꐨꆏ，ꑳꀊꊆꀋꎪꃅꑸꎽꃰꃅꁳꆎꌋꆀꅽꉹꁌ、ꅽꀉꄉꄰꑭꊂꌉꇁꎻ。ꑱꃔꆃꁯꌠꒀꄊꐞꁧꇈꉈ，ꃅꑍꑠꃅꐙꌠꐥꀋꋻꌠꉬ。
20 ꀊꋨꄮꇬꆏ，ꌊꆹꀋꎪꃅꒀꃔꇁꄂꒊꃀꅶꁉꄉꀂꏾꐑꃈꏢꋌꊋꃼꌊꇁ，ꐑꃈꋋꏢꆹꑸꎽꃰꃅꉬ，ꐑꃈꋋꏢꌊꅽꀍꑐꈧꌠ、ꅽꏸꑭꇬꑐꈧꌠꌋꆀꅽꂴꊨꈧꌠꐯꇯꋌꇱꐑꇫꎭꌐꌠꉬ。