Noqyal e yaqyo suq nulhhaeq e houldailhael
Dailshangl 1:5-23
10
Sa'oqboqhael Noqyal e yaqyohael Sanq, Hanq kaol Yaqfuq e houldailhael e cuga deelhhei mael. Haqmeq eeldeel deelmae aeqnaol'ae, yoqhhaeteel'ae yaqyo du'lal gil biq vae.2 Yaqfuq e yaqyohael laoq Gemyel, Maqgel, Maqdail, Yaqwanq, Tuqba, Miqshel kaol Tiqla'ae. 3 Gemyel e yaqyohael laoq Yalshiqji'naq, Lilfaq kaol Toqjamaq'ae. 4 Yaqwanq e yaqyohael laoq Yiqlilsa, Tashi, Jitiq kaol Dodan'ae. 5 Cholyaeq xihael e houldailhael zholsanq deel byel yil vae, eeldeel deelmae deeljyel cho'lomyel milcaeq vae, kaol daoq vae zhol gil hhae. Maeq qiqsheel e saeziq gee, maeq qiqsheel e minqcuq laoq, maeq qiqsheel e milcaeq vae zhol, kaol maeq qiqsheel e goqja peqlal vae.
6 Hanq e yaqyohael laoq Guqshiq, Aijiq, Fuq kaol Ja'nanq'ae. 7 Guqshiq e yaqyohael laoq Xiba, Hafei'la, Saqfuqta, Lamaq kaol Saqfuqtiqja'ae. Lamaq e yaqyo laoq Shilba kaol Diqdanl'ae. 8 Guqshiq'ae yaqyo Ninqlul yol dyeqlal biq, Ninqlul laoq milcaeq taq'ae laefuq fuqli e zhee onglzaeq e aqha yobo bomae'ae. 9 Yoqhhaeq laoq Yeheqhuaq e yiqsiboq'ae laoq aqha yobo bomae byeljyeq bezaq e cholyaeq'ae. Tyulkaol, xilnye geeqlongq biq e saeziq qiq doq za'ae, gee: "Yeheqhuaq e yiqsiboq'ae, nol laoq aqha yobo bomae byeljyeq bezaq e cholyaeq Ninqlul laoqmyel peqlal biq." 10 Yoqhhaeq goqja zhoq zongltul mael laoq Shilnaq e milcaeq Babyeq, Yiqlil, Yaljaq kaol Jaqniq milcaeq vae. 11 Yoqhhaeq tyuqvae milcaeq ae'lye duyi, Yalsul vae yil, Niqniqvei, Lilheqboq kaol Ja'la milmae heeqmyel mael cutul hhei, 12 Kaol Niqniqvei kaol Ja'la e kaeqlaeq vae Lilxian lye gul e milmae zhee heeqmyel mael eiq cutul hhei vae. 13 Aijiq'ae du'lal biq e cholyaeqhael laoq, Luldiq cholyaeq, Yalnaqmiq cholyaeq, Lilhabiq cholyaeq, kaol Naqfuqtuqxi cholyaeq, 14 Palsi'luqxil cholyaeq, Jasi'lulxi cholyaeq, kaol Jafeito cholyaeq; Jafeito ae'lye duyi e Fei'lilshil cholyaeq'ae.
15 Ja'nanq'ae fuqbo yaqyo Xidunl du'lal biq, aeqnaol Hel lye gul biq e qiq hhaeq yol du'lal biq, 16 Kaol Ja'nanq ae'lye yol du'lal biq hael laoq, Yebulsi cholyaeq, Yalmoqlil cholyaeq, Geqjasa cholyaeq, 17 Xiveil cholyaeq, Yalji cholyaeq, Xi'niq cholyaeq, 18 Yalwaqdiq cholyaeq, Xiqmaqlil cholyaeq kaol Hamaq cholyaeq'ae; aeqnaol Ja'nanq e jacuq laoq qiqgael'ae qiq miq qiq miq lye zhol byel yil vae. 19 Ja'nanq cholyaeq e milcaeq mael Xidunl lye Ji'la'eq boq'ae maoldu yil kaol Jasal keellye hhae; Soqdomaq, Eqmoqla, Yamaq, Xiqbianq boq'ae yol maoldu yil kaol Lasa keellye hhae. 20 Cholyaeq xihael laoq gilzuqmyel Hanq e houldailhael'ae, maeq qiqsheel e saeziq gee, maeq qiqsheel e minqcuq laoq, maeq qiqsheel e milcaeq vae zhol, kaol maeq qiqsheel e goqja peqlal vae.
21 Yaqfuq e aeqnil Sanq vae eiq yaqyo du beq lal biq vae. Sanq laoq Xiboq minqcuq e aeqpyuq aeqdae'ae. 22 Sanq e yaqyohael laoq Yiqlanq, Yalsul, Yalfaqsa, Ludeq kaol Yallanq'ae. 23 Yallanq e yaqyohael laoq Vusi, Hullel, Jitye, kaol Maqshi'ae. 24 Yalfaqsa'ae Sa'la du'lal biq, kaol Sa'la'ae Xiboq du'lal biq. 25 Xiboq'ae yaqyo niq nulhhaeq du'lal biq, qiq hhaeq laoq Faqlela lye gul biq hhae; yoqhhaeq dyeq siq fu, milcaeq taq'ae haelzhol cholyaeqhael qiqgael'ae qiq miq qiq miq lye zhol byel yil vae. Faqlel e aeqnil laoq Yoqtan'ae. 26 Yoqtan e yaqyohael laoq Yalmoqdaq, Sa'lyel, Hasalmaqfei, kaol Ye'la, 27 Hado'lanq, Vusal, Deqla, 28 Oqba'lul, Yalbiqmaqlil, Shilba, 29 Afei, Hafei'la kaol Yoqba. Cholyaeq xihael laoq gilzuqmyel Yoqtan e yaqyohael'ae. 30 Yoqhhaeteel zhol e milcaeq laoq Miqsa ae'lye Xifa vae maoldu yil, kaol neeldu aelheiq boq e geeqzhoqhael keellye hhae. 31 Xihael gilzuqmyel Sanq e houldailhael'ae, maeq qiqsheel e saeziq gee, maeq qiqsheel e minqcuq laoq, maeq qiqsheel e milcaeq vae zhol, kaol maeq qiqsheel e goqja peqlal vae.
32 Zonglyaeq xihael laoq Noqyal e houldailhael, yoqhhaeteel hae qiqsheel e minqcuq laoq hae qiqsheel e goqja vae zhol hhae. Haqmeq eeldeel deelmae aeqnaol'ae, milcaeq e gilzuqmyel goqja laoq xi qiqzonglyaeq ae'lye byelpa du hhei hhae.