Yaldang e houldailhael
Dailshangl 1:1-4
5
Sa'oqboqhael laoq Yaldang e houldailhael'ae cuga deelhhei mael. Momil cholyaeq zonglbeibei du hhei fu, aeqyoq laoqmyel zongldu hhei hhae. 2 Yoqhhaeq lye haeqmiyaeq kaol haqyoyaeq zonglbeibei du hhei. Yoqhhaeteel yaol zonglbeibei du hhei fu, Momil yoqhhaeteel'ae geeqlongq biq biq, kaol yoqhhaeteel'ae cholyaeq lye gul biq hhae. 3 Yaldang qiqhael suqqyel (130) hoq fu, yaqyo qiq hhaeq du'lal biq, maduq kaol aeqchee eiq aeqyoq laoqmyel dul hhae, kaol yoqhhaeq'ae Sailtel lye gul biq hhae. 4 Yaldang'ae Sailtel du'lal biq aeqnaol'ae, heiqhael (800) hoq yol dyeq vae, kaol yaqyohael kaol yaeqmiqhael eiq du'lal biq'ae siq. 5 Yaldang hhaoqhael suqqyel (930) hoq dyeq hhei'laol sil vae.6 Sailtel qiqhael ngaeq (105) hoq fu, Yiqnoqshil du'lal biq. 7 Sailtel'ae Yiqnoqshil du'lal biq aeqnaol'ae, heiqhael siq (807) hoq yol dyeq vae, kaol yaqyohael kaol yaeqmiqhael eiq du'lal biq'ae siq. 8 Sailtel hhaoqhael qyelniq (912) hoq dyeq hhei'laol sil vae.
9 Yiqnoqshil hhaoqqyel hoq fu, Gai'nanq du'lal biq. 10 Yiqnoqshil'ae Gai'nanq du'lal biq aeqnaol'ae, heiqhael qyelngaeq (815) hoq yol dyeq vae, kaol yaqyohael kaol yaeqmiqhael eiq du'lal biq'ae siq. 11 Yiqnoqshil hhaoqhael ngaeq (905) hoq dyeq hhei'laol sil vae.
12 Gai'nanq siqqyel hoq fu, Maqlellyel du'lal biq. 13 Gai'nanq'ae Maqlellyel du'lal biq aeqnaol'ae, heiqhael yuqqyel (840) hoq yol dyeq vae, kaol yaqyohael kaol yaeqmiqhael eiq du'lal biq'ae siq. 14 Gai'nanq hhaoqhael qyel (910) hoq dyeq hhei'laol sil vae.
15 Maqlellyel koqqyel ngaeq hoq fu, Yaqlyel du'lal biq. 16 Maqlellyel'ae Yaqlyel du'lal biq aeqnaol'ae, heiqhael suqqyel (830) hoq yol dyeq vae, kaol yaqyohael kaol yaeqmiqhael eiq du'lal biq'ae siq. 17 Maqlellyel heiqhael hhaoqqyel ngaeq (895) hoq dyeq hhei'laol sil vae.
18 Yaqlyel qiqhael koqqyel niq (162) hoq fu, Yiqnol du'lal biq. 19 Yaqlyel'ae Yiqnol du'lal biq aeqnaol'ae, heiqhael (800) hoq yol dyeq vae, kaol yaqyohael kaol yaeqmiqhael eiq du'lal biq'ae siq. 20 Yaqlyel hhaoqhael koqqyel niq (962) hoq dyeq hhei'laol sil vae.
21 Yiqnol koqqyel ngaeq hoq fu, Maqtuqsa'la du'lal biq. 22 Yiqnol'ae Maqtuqsa'la du'lal biq aeqnaol'ae, Momil nyegael guanxil zhee meeq mael suqhael (300) hoq zoq wae, kaol yaqyohael kaol yaeqmiqhael eiq du'lal biq'ae siq. 23 Yiqnol suqhael koqqyel ngaeq (365) hoq dyeq vae. 24 Yiqnol Momil nyegael guanxil zhee meeq'ae, tyulkaol, Momil lye yoqhhaeq yaol sheeqli vae, kaol yoqhhaeq milcaeq taq'ae maeq zhol vae.
25 Maqtuqsa'la qiqhael heiqqyel siq (187) hoq fu, Lamail du'lal biq. 26 Maqtuqsa'la'ae Lamail dyeqlal biq aeqnaol'ae, siqhael heiqqyel niq (782) hoq yol dyeq vae, kaol yaqyohael kaol yaeqmiqhael eiq du'lal biq'ae siq. 27 Maqtuqsa'la hhaoqhael koqqyel hhaoq (969) hoq dyeq hhei'laol sil vae.
28 Lamail qiqhael heiqqyel niq (182) hoq fu, yaqyo qiq hhaeq du'lal biq, 29 Kaol yoqhhaeq e cholmil mael Noqyal lye gul biq hhae, gee: "Yeheqhuaq lye milcaeq mael'ae doqchiq gee gol biq, tyulkaol, ngaeteel e aqlaq mael hhaeqdyuldyul sil maoqmyel maq mulzaeq maeq hhaeq, ngeelfeiq, aeqgael yaeqguq xitaeq gae'lye ngaeteel neesaelhhae maoqlye hhae." 30 Lamail'ae Noqyal du'lal biq aeqnaol'ae, ngaeqhael hhaoqqyel ngaeq (595) hoq yol dyeq vae, kaol yaqyohael kaol yaeqmiqhael eiq du'lal biq'ae siq. 31 Lamail siqhael siqqyel siq (777) hoq dyeq hhei'laol sil vae.
32 Noqyal ngaeqhael (500) hoq fu aeqdae geiq vae, yoqhhaeq laoq Sanq, Hanq kaol Yaqfuq e aeqdae ngeelvae.