जूहन्ना
चो पईल चिटी
आगे एके पढ़ा
जूहन्ना ए चिटी के एईकाजे लिखलोसे कि एके पढ़तो सुनतो लोग, महापरभु आउर हुनचो बेटा जीसु किरिस्त चो संगी होउन जीवना जीओत आउर हुन फंदी गुरुमन चो फंद सिखियामन ले बाचुन रओत। हुन फंदी गुरुमन बलसोत कि जोन बले ए संवसार ने जनमसोत, हुनमन पापी आत। एईकाजे जीसु, महापरभु चो बेटा होउक चे नी सके। हुन फंदी गुरुमन असन बले सांगते रओत कि मुक्ति पावतो काजे ए संवसार चो सपाय लालचमन के छांडुक पड़ेदे।
ए सिखिया चो बिरुद ने जूहन्ना लिखेसे कि जीसु किरिस्त गोटोक पक्का मनुक रलो। हुन ए गोट के पक्का समजायसे कि जोनमन बले जीसु किरिस्त के पतेयायसोत आउर महापरभु के मया करेसोत, हुनमन गोटोक-दुसर के बले मया करोत।