143
1 Tlakəu, ngatə pətlənya ɗa,
səndzi hima da gədi ɗa!
Wum na'a ngam jirikur ngha ana tsangkurngha
2 Ngwa ka da shilna mavangha ku nəuma wa,
aka ndər pi da mada zhang da tsang amanghə wa.
3 Ndər dawa tə gədlə ɗa,
ga mbəlya ɗa səya hu'i;
cha fuɗa tuku ya ngya ku kutla wi ngə tə nji inda ku huwa.
4 A hənda təya kəra ya tsa dəhə səu,
Dza ya kuɗiya tə dzə na ləvəra.
5 Ya ɗənghatə hanyi inda haɗa,
ya jigadəma təkəra dəhə sənda ka mərti,
ngə ya ɗənghatə dəhə tlər da mərka.
6 Ngə ya hatə cha ya shi ku pətlənya.
wi ngə tə hə'i 'ul'ula əngə pya kwa ngatə hilingha.
7 Wum na'a sakan ja, Tlakəu;
shanguɗə ɗa haɗati.
Ngwa ka da mbunda huɗəma ka tsaya wa
ma'a wa yo ɗa wi nji inda tə təra ya dza jikə mambəl.
8 Kala mbudla ka ɗənghatə ɗa chul nyida ngha nda kəla ɓəlnyi da
aka a nakə ya kwa wovi.
Pətlənya ɗa kwa gyada ka,
Chatə ɗa laku nda ya kwa nəuwa.
9 Dləuya ɗa tsa njir dawa ɗa Tlakəu,
aka ya mbunda kərɗa ku ka.
10 Dlədləɓ təɗa sənda ko i,
aka nakə Hyel ɗa;
ngwa Shanguɗə nghə nda mənakə
da nəuna naya ku laku durdur.
11 Dləuya ɗa Tlkəu, wi nda ka mər alkawal;
aku mənakəkur ngha dləuya ɗa tsa mwandəzhi!
12 Aku nyida nghə da ɓəlnyi da wa, bəgəya njir dawa ɗa;
kuɗənda dəhə njir dawa ɗa,
aka naya mavanghə ya.