126
1 Sakanda Tlakə tə ɓəlandə nji inda ku mavakur shil Urshalima,
kəl tə ɗa wi shuni!
2 Ea gyaɗi, ea na miya ka hirgyaɗi!
Təma ngə alinya jul nji tə natə ea,
<<Tlakə tə mərtə nda sə i 'ual'ual.>>
3 Vələu, Tlaka mərtə sə 'ual nə ea, ngə ea mər hirgyaɗi.
4 Tlakəu, ɓəlandə ea shiltə hə'i kəea, wi ngə tə par nda ko shilni kwa ɓəlandə ɓiti shiltə mbwa 'ul'ul.
5 Ngwa nji nda kwa tləka chuli kənda na sələm, nda məriya fa kənda na hirgyaɗi!
6 Ndə nda biya kwa tiwi, cha hətə chuli ka tləka,
cho ɓəl shili na miya nə hirgyaɗi,
Cho shilna papa'akur fwakəu.