113
1 Fala a ngyatə anə Tlakəu.
Nahi kadakaliya nə Tlakə i,
Fala ma tləm nyi!
2 Njo falə tləm nyi,
sakana ka ba'anawa.
3 Ghəya təwa zədər pəchi ba'anə təɗər pəchi
nja fal tləmər Tlakəu!
4 Tlakə ngə səm təlkur təkəra dəhə nji;
səlinyi a kyatə kəra huɗaməlləməu.
5 Wa ngə ja wi Hyel Tlaka,
Ndə nda na ngya ku dzəga nda dzagaməu,
6 ndə nda kwa dzam huɗaməlləm ana dunəya?
7 Cha kwa hya'andə ndə ɗalɗali ku bərɓur
ba cha hya'andə butbutu ku ɓwaɓwatu
8 cho fiyanda tə mbwar zhang ka nji təltəl i,
mada ku pama njinyi nda təl i.
9 Cho nənyi ngulisha'a nə mala kəla ya,
cho shandə ka Ama nda na hirgyaɗi.
Fala a ngyatə nə Tlakəu.