110
1 Tlakə tə natə nya nə Tlakəu ɗa:
<<Ngya tangha tə chisəma ya
kəl biji nda ya tə mərtə njir dawa ngha
tə ɗa ka təmbəl fə hya ka.>>
2 Tlakə kwa tsakətə gyalkur təlkur ngha hya'atə vu Urshalima;
ko səm təlkur təkəra njir dawa ngha.
3 Ku sakanda ko təra ki pa njir dawa ngha ti
nji ngha kwa mərtənghə tlər na ikur kənda.
Hyo biya ku dzaki nda karti,
dunama kəhi kwa tsaka kala biji wi ngə tə kuchikəpa mbudla.
4 Tlaka səmnya tə fəla
ya a da cho ɓəlnda səmfəla nyi wa:
<<Naka fərist ka ba'a sakamani,
papiyada Melchizedek.>>