107
1 Hya usaku Tlakəu, aka mənakəkur nyi;
nyida nyi a ɓəlnyi da wa.
2 Ngwa nji nda Tlakə tə mbəɗandə falnyi,
nji inda cha mbəɗandə ku cha njir dawa,
3 nji inda cha tsəmətə ku hə'i pampaməu,
təwa zədər pəchi na təɗər pəchi, təwa voh ana holma.
4 Alinya wi ku dadil takəu,
sasanyi ya kəla ki.
5 Huɓa ana hili kwa tənda,
kushu ndo nda kuɗa.
6 Aku ɓwaɓwatə ngə nda tiwi nə Tlakəu,
ngə cha dləuya nda ku ɓwaɓwatə kənda.
7 Ngə cha nəuna nda ku laku
a ya ku məlləm nda nda kwa yi ngya.
8 Tuku nda usaku Tlakə aka chul nyida nyi da ɓəlnyi da wa
ana sə'inda cha məra ka nji,
9 aka nənyi ɓiti nə njir ngatə hili
ngə nyandə nji inda kwa ngatə huɓa na sə durdur i.