Miya mər usaku
100
1 Na ma miya na hir ngyaɗi nə Tlakə nahi dunəya. 2 Hətənyi ma səli nə Tlakə ana hirgyaɗi; shilma huɗənyi ana miya fala. 3 Hya zəndə ənda Hyel nacha ngə Tlakəu. Nacha ngə tə ɓatlə mən, namən tsəu nənyi mən; nji nyi mən, kətəng nyi ya dangal nyi. 4 Gwa ma ku nyavi nyi ana usaku; ku mbwa'alə nyi tsəu ana miya fala; hya usakunyi hya fal tləmə nyi. 5 Aka Tlakə mənakə cha, nyida nyi da kwa wur wa; jirikur nyi tsəu kwa ngya ba'anawa.