98
1 Na ma taɗər miya nə Tlakəu,
aka cha mər sə shinshini i;
Təwa gyalkur nyi, ana dunama nyi nda karti
cha kura.
2 Tlakəa chabiya tə dləuya nyi tə babal
ngə nabiya tsangkur nə dəhə nji.
3 Cha ɗənghatə nyida nyi
ana jirikur nyi nə israila;
dəhə dunəya a la'atə
dləuya nə Hyel.
4 Hya na miya nə hirgyaɗi nə Tlakəu, dəhə dunəya
falnya ma na miya ana hirgyaɗi!
5 Na ma miyar fala nə Tlakəu!
Hya tsa zəmbəl na miya!
6 Hya mbəɗə papam ana tələm,
hya mər hirgyaɗi, Tlakə nacha ngə təl.
7 Ngwa dəl ana kala sənda kwa ɗa falnyi!
Ngwa dunəya ana dəhə sə pipi nda daɓətə kər kwa.
8 Ngwa dəl i tsəyanyi kapala,
ngwa kəram i ɗa na miyar hir gyaɗi;
9 ngwa nda na miya amar Tlakəu,
aka cha kwa shili ka mər nəuma nə dunəya.
Cho mərtə nyi nəuma nəu dunəya ku tsangkur
ana nə nji ku jirikur.